T20 Cricket: బిగ్‌ బాష్‌ లీగ్‌లో సంచలనం.. 15 పరుగులకే ఆలౌట్‌

ఇంటర్నెట్ డెస్క్: టీ20 క్రికెట్ అంటేనే సంచనాలకు కేరాఫ్‌ అడ్రస్‌. ఎప్పుడు.. ఏ జట్టు..ఎలా ఆడుతోంది అంచనా వేయలేం. నిండా స్టార్లున్న జట్లు కూడా ఒక్కోసారి పేలవ ప్రదర్శన చేస్తే.. పెద్దగా పరిచయం లేని ఆటగాళ్లు జట్లు అంచనాలకు మించి రాణిస్తాయి. ఇలాంటి సంచలనమే ఇప్పుడు బిగ్‌ బాష్‌ టీ20 లీగ్‌లో నమోదైంది.  శుక్రవారం అడిలైడ్ స్ట్రైకర్స్‌, సిడ్నీథండర్స్‌ మధ్య మ్యాచ్‌ జరిగింది. తొలుత బ్యాటింగ్‌ చేసిన అడిలైడ్‌ జట్టు 20 ఓవర్లలో 9 వికెట్ల నష్టానికి 139 పరుగులు చేసింది.  140 పరుగుల లక్ష్యంతో బరిలోకి దిగిన సిడ్నీ థండర్‌ 15 పరుగులకే కుప్పకూలి టీ20 క్రికెట్ చరిత్రలోనే అతి తక్కువ స్కోరు చేసిన జట్టుగా చెత్త రికార్డును మూటగట్టుకుంది. అంతకుముందు ఈ రికార్డు టర్కీ జట్టు పేరిట ఉండేది. సిడ్నీ జట్టులో ఏ ఒక్కరూ రెండంకెల స్కోరును సాధించలేదు. అడిలైడ్‌ బౌలర్లలో  హెన్రీ థాంప్టన్‌ ఐదు వికెట్లు తీయగా, వెస్ అగర్ నాలుగు వికెట్లు మాథ్యూ షార్ట్ ఒక వికెట్ తీశాడు.