తొలి అడుగుతోనే అదరగొట్టారు..!
ఏ మాత్రం విశ్వాసమున్నా... అక్షర్ పటేల్, ఇషాన్ కిషాన్, సూర్యకుమార్ యాదవ్, కృనాల్ పాండ్య, ప్రసిద్ధ్ కృష్ణ.. ఇంగ్లాండ్ జట్టు ఫొటోను తమ ఇళ్లలో పెట్టుకుని రోజూ పూజించాలి...
అరంగేట్రంలో సత్తాచాటిన భారత ఆటగాళ్లు
‘‘ఏ మాత్రం విశ్వాసమున్నా... అక్షర్ పటేల్, ఇషాన్ కిషాన్, సూర్యకుమార్ యాదవ్, కృనాల్ పాండ్య, ప్రసిద్ధ్ కృష్ణ.. ఇంగ్లాండ్ జట్టు ఫొటోను తమ ఇళ్లలో పెట్టుకుని రోజూ పూజించాలి’’.. ఇదీ సామాజిక మాధ్యమాల్లో చక్కర్లు కొడుతోన్న ఓ మీమ్. ఏదో సరదా కోసం ఇది రూపొందించినప్పటికీ.. ఈ భారత ఆటగాళ్లకు ఇంగ్లాండ్తో సిరీస్ ఎంతో కలిసొచ్చిందనేది మాత్రం నిజం. ఎందుకంటే ఈ సిరీస్లోనే వివిధ ఫార్మాట్లలో అరంగేట్రం చేసిన ఈ ఆటగాళ్లు తమ తొలి ఇన్నింగ్స్ల్లోనే సత్తాచాటారు. తొలి సారి క్రీజులో అడుగుపెట్టామని భయం లేకుండా బ్యాట్స్మెన్.. మొదటి సారి బౌలింగ్ చేస్తున్నామనే బెరుకు లేకుండా బౌలర్లు అదరగొట్టారు. అద్భుత ప్రదర్శనతో మొదటి అడుగు ఘనంగా వేశారు. - ఈనాడు క్రీడా విభాగం
టెస్టుల్లో సరికొత్తగా..
పరిమిత ఓవర్ల జట్లలో ఐదారేళ్ల కిత్రమే అడుగుపెట్టినప్పటికీ అక్షర్ పటేల్ పేరు పెద్దగా వినిపించింది లేదు. కానీ ఇంగ్లాండ్పై టీమ్ఇండియా టెస్టు సిరీస్ విజయం తలుచుకుంటే ముందుగా అతని పేరే గుర్తుకు వస్తుంది. తన అరంగేట్ర టెస్టు సిరీస్లో అతను చూపించిన ప్రభావం అలాంటిది. రూట్సేనతో టెస్టు సిరీస్ కోసం భారత టెస్టు జట్టులోకి ఎంపికైన అక్షర్.. గాయం కారణంగా తొలి మ్యాచ్కు దూరమయ్యాడు. మరోవైపు ఆ మ్యాచ్లో టీమ్ఇండియా ఓడింది. విజయంతో సిరీస్లో తిరిగి పుంజుకోవాలనే లక్ష్యంతో చెన్నైలోనే జరిగిన రెండో టెస్టులో భారత్ అడుగుపెట్టింది. ఆ మ్యాచ్తోనే అక్షర్ టెస్టు అరంగేట్రం చేశాడు. ఆ మ్యాచ్ రెండో ఇన్నింగ్స్లో అయిదు వికెట్లతో సహా మొత్తం ఏడు వికెట్లతో సత్తాచాటాడు. తన తొలి టెస్టు వికెట్గా ప్రపంచ అత్యుత్తమ బ్యాట్స్మెన్లో ఒకడైన రూట్ను బలి తీసుకున్న అతను.. ఆ మ్యాచ్లో అశ్విన్తో కలిసి జట్టు విజయంలో కీలక పాత్ర పోషించాడు. ఇక రెండు రోజుల్లోనే ముగిసిన డేనైట్ టెస్టులో అక్షర్ ప్రదర్శన గురించి ఎంత చెప్పినా తక్కువే. గులాబి బంతితో వికెట్లకు నేరుగా బౌలింగ్ చేసిన అతను ఆ మ్యాచ్లో 11 వికెట్లు పడగొట్టి జట్టుకు సంచలన విజయాన్ని కట్టబెట్టాడు. చివరి టెస్టులోనూ 9 వికెట్లతో మెరిశాడు. తన బంతులను ఆడలేక ప్రత్యర్థి బ్యాట్స్మెన్ పెవిలియన్కు వరుస కట్టారు. మొత్తం 3 మ్యాచ్ల్లో 27 వికెట్లతో ప్రపంచ టెస్టు ఛాంపియన్షిప్ ఫైనల్కు భారత్ అర్హత సాధించడంలో అక్షర్ ప్రధాన పాత్ర పోషించాడు.
ధనాధన్.. ఫటాఫట్
టెస్టు సిరీస్ విజయంతో ఉత్సాహంతో ఉన్న టీమ్ఇండియాను తొలి టీ20లోనే ఇంగ్లాండ్ కంగు తినిపించింది. పొట్టి ఫార్మాట్లో ప్రపంచ నంబర్వన్ జట్టు అయిన తమతో పోరు అంత సులభం కాదని మోర్గాన్ సేన చాటింది. అయితే బలంగా పుంజుకుని ఆ సిరీస్ను 3-2తో భారత్ సొంతం చేసుకోవడంలో ఇద్దరు అరంగేట్ర ఆటగాళ్లది కీలక పాత్ర. వాళ్లే ఇషాన్ కిషాన్, సూర్య కుమార్ యాదవ్. రెండో టీ20తో అంతర్జాతీయ అరంగేట్రం చేసిన ఈ ఇద్దరూ తమ ప్రతిభను చాటారు. ఆ మ్యాచ్లో 165 పరుగుల ఛేదనలో ఓపెనర్గా వచ్చిన ఇషాన్ అనూహ్యంగా చెలరేగాడు. 32 బంతుల్లోనే 56 పరుగులు చేసి జట్టును విజయం దిశగా నడిపాడు. తొలి అంతర్జాతీయ మ్యాచ్లో.. అది కూడా ఆర్చర్ లాంటి అగ్రశ్రేణి బౌలర్లను ఎదుర్కొంటూ అలవోకగా భారీ షాట్లు ఆడిన అతని బ్యాటింగ్ అభిమానులను ఆకట్టుకుంది. తొలి ఓవర్లోనే వికెట్ పడ్డప్పటికీ.. కెప్టెన్ కోహ్లితో కలిసి ప్రత్యర్థి బౌలర్లపై ఎదురుదాడికి దిగిన అతని తెగువ ప్రశంసనీయం. ఇక ఆ మ్యాచ్లో బ్యాటింగ్ చేసే అవకాశం దక్కని సూర్యకుమార్.. నాలుగో టీ20లో ఆకాశమే హద్దుగా చెలరేగాడు. సిరీస్ కోల్పోకూడదు అంటే కచ్చితంగా నెగ్గాల్సిన ఆ మ్యాచ్లో తొలిసారి అంతర్జాతీయ క్రికెట్లో బ్యాటింగ్కు వచ్చిన సూర్య భగ్గుమన్నాడు. ఆ మ్యాచ్లో మూడో స్థానంలో బ్యాటింగ్కు దిగిన అతను.. తాను ఎదుర్కొన్న తొలి బంతినే (ఆర్చర్ బౌలింగ్) సిక్సర్గా మలచిన విధానం గురించి ఎంత చెప్పుకున్నా తక్కువే. అర్ధశతకంతో చెలరేగిన తను మొదట బ్యాటింగ్ చేసిన భారత్ మెరుగైన స్కోరు చేయడంలో సాయపడ్డాడు. నిర్ణయాత్మక అయిదో టీ20లోనూ 17 బంతుల్లోనే 32 పరుగులు చేసి జట్టు విజయంలో దోహదపడ్డాడు.
వన్డే హీరోలు..
ఇంగ్లాండ్తో తొలి మ్యాచ్తో.. వన్డేల్లో అరంగేట్రం చేసిన ఆల్రౌండర్ కృనాల్ పాండ్య, తొలి అంతర్జాతీయ మ్యాచ్ ఆడిన పేసర్ ప్రసిద్ధ్ కృష్ణ అంచనాలకు మించి రాణించారు. బ్యాట్తో కృనాల్, బంతితో ప్రసిద్ధ్ సత్తాచాటి జట్టుకు విజయాన్ని కట్టబెట్టారు. ఇప్పటికే టీమ్ఇండియా తరపున 18 టీ20లాడిన కృనాల్.. పూర్తి ఉద్వేగభరిత వాతావరణంలో తన తొలి వన్డేలో బ్యాట్తో విధ్వంసం సృష్టించాడు. తమ్ముడు హార్దిక్ చేతుల మీదుగా టోపీ అందుకున్న తర్వాత ఈ ఏడాది జనవరిలో చనిపోయిన తండ్రిని తలుచుకుని కన్నీళ్లు పెట్టుకున్న కృనాల్ మ్యాచ్ సాంతం అదే భావోద్వేగంతో కనిపించాడు. మనసులో నాన్న తిరుగుతుండగా.. మైదానంలో అతను మాత్రం బౌండరీలతో చెలరేగాడు. 260 కూడా చేయడం కష్టమనుకున్న జట్టును రాహుల్తో కలిసి ఏకంగా 300 దాటించాడు. దొరికిన బంతిని దొరికినట్లు బాదేసిన అతను కేవలం 26 బంతుల్లోనే అర్ధశతకం అందుకుని అరంగేట్ర వన్డే మ్యాచ్లో అత్యంత వేగంగా ఆ ఘనత సాధించిన ఆటగాడిగా రికార్డు సృష్టించాడు. ఇక తొలి అంతర్జాతీయ క్రికెట్ మ్యాచ్లో పేసర్ ప్రసిద్ధ్ అద్భుత ప్రదర్శన చేశాడు. కీలక సమయాల్లో వికెట్లు పడగొట్టి మ్యాచ్ను భారత్ వైపు తిప్పింది అతనే. ఓపెనర్ల దూకుడుతో ఓ దశలో 14.1 ఓవర్లలోనే 135/0తో లక్ష్యం దిశగా దూసుకెళ్తోన్న ప్రత్యర్థికి అడ్డుపడింది అతనే. తన వరుస ఓవర్లలో రాయ్తో పాటు స్టోక్స్నూ వెనక్కి పంపి భారత్ను తిరిగి పోటీలోకి తెచ్చాడు. అతని స్ఫూర్తితో తిరిగి లయ అందుకున్న బౌలర్లు ప్రత్యర్థిని కట్టడి చేశారు. ఆ తర్వాత మరో రెండు వికెట్లు పడగొట్టిన ప్రసిద్ధ్.. అరంగేట్ర వన్డేలో అత్యధిక వికెట్లు (4/54) తీసిన భారత బౌలర్గా రికార్డు నమోదు చేశాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘స్పీడ్’ స్టార్లు vs సిక్సర్ల వీరులు... రెండు జట్లలో ‘హ్యాట్రిక్’ ఎవరికి?
ఐపీఎల్ 17వ సీజన్లో ఇవాళ మరో ఆసక్తికర పోరుకు రంగం సిద్ధమవుతోంది. తన సొంత మైదానంలో లఖ్నవూ జట్టు చెన్నైను ఢీకొట్టనుంది. -
త్వరలో ఫీల్డింగ్కు వస్తా.. 40 ఓవర్లూ మైదానంలో ఉంటా: సూర్య
‘ఇంపాక్ట్’ ప్లేయర్గా బరిలోకి దిగుతున్న సూర్యకుమార్ యాదవ్ (Suryakumar Yadav) బ్యాటింగ్లో చెలరేగుతున్నాడు. విరామం తర్వాత బ్యాటింగ్లో మునుపటి సూర్యను చూస్తున్నామని అభిమానులు సంబరపడుతున్నారు. -
దుబాయ్ నుంచి ఆలస్యంగా పునియా, సుజీత్.. ఒలింపిక్ క్వాలిఫయర్స్ మిస్
Wrestlers: భారీ వర్షాల కారణంగా దుబాయ్లో చిక్కుకున్న భారత రెజ్లర్లు దీపక్ పునియా, సుజీత్.. ఆసియా ఒలింపిక్ క్వాలిఫయర్స్ దూరమయ్యారు. ఆలస్యంగా రావడంతో వారిని పోటీలకు అనుమతించలేదు. -
పవర్ప్లేలో రెండు ఓవర్లు వేస్తేనే..: జస్ప్రీత్ బుమ్రా
పంజాబ్పై ముంబయి విజయం సాధించడంలో బుమ్రా కీలక పాత్ర పోషించాడు. తన తొలి ఓవర్లోనే రెండు వికెట్లను పడగొట్టి ముంబయి పైచేయి సాధించేలా చేశాడు. -
ఆలస్యమైన మ్యాచ్.. హార్దిక్ పాండ్యకు జరిమానా
ఎట్టకేలకు ముంబయి మళ్లీ మరో విజయాన్ని తన ఖాతాలో వేసుకుంది. ఉత్కంఠభరితంగా సాగిన ఈ మ్యాచ్లో పంజాబ్పై కేవలం 9 పరుగుల తేడాతో విజయం సాధించింది. -
అంపైర్గా పని చేసి.. ఐపీఎల్లో అదరగొట్టి... నయా సంచలనం అశుతోష్ కథ ఇది!
ధనాధన్ షాట్లతో ముంబయి మీద విరుచుకుపడి ఓటమి భయం చూపించిన అశుతోష్ శర్మ గురించి ఆసక్తికర విషయాలు... -
ఇంపాక్ట్ ప్లేయర్తో నష్టమే
ఐపీఎల్ గతేడాది ప్రవేశ పెట్టిన ఇంపాక్ట్ ప్లేయర్ విధానం కారణంగా ఆల్రౌండర్లకు నష్టం కలుగుతోందని టీమ్ఇండియా కెప్టెన్ రోహిత్ శర్మ అభిప్రాయపడ్డాడు. -
ఆల్రౌండర్లకు దెబ్బ
టీమ్ఇండియా కెప్టెన్ రోహిత్ చెప్పినట్లు ఐపీఎల్లో ఇంపాక్ట్ ప్లేయర్ నిబంధన భారత ఆల్రౌండర్లకు చేటు చేస్తోంది. టీ20 ప్రపంచకప్లో తలపడే టీమ్ఇండియా ఎంపిక కోసం ఐపీఎల్ ప్రదర్శన కూడా పరిగణలోకి తీసుకుంటారనే చెప్పాలి. -
ప్చ్.. పంజాబ్
13 బంతులు.. 14 పరుగులు.. 4 వికెట్లు! 193 పరుగుల ఛేదనలో పంజాబ్ పరిస్థితిది! బుమ్రా లాంటి మేటి బౌలర్.. బెంబేలెత్తిస్తున్న నేపథ్యంలో ఆ జట్టు కనీసం పోటీలో ఉన్నట్లు కూడా కనపడలేదు. ముంబయి విజయం లాంఛనమేనని తీర్మానించారంతా! కానీ అశుతోష్ శర్మ అసాధారణ బ్యాటింగ్తో పంజాబ్ అద్భుతం చేసినంత పని చేసింది. -
అశుతోష్.. నయా మెరుపు
గుజరాత్తో పంజాబ్ మ్యాచ్.. లక్ష్యం 200.. 150కే 6 వికెట్లు పడిపోయాయి.. ఉన్న ఓవర్లు కూడా తక్కువే! అయినా చివరికి పంజాబ్ గెలిచింది! -
చమరి 195 నాటౌట్
మహిళల క్రికెట్లో శ్రీలంక నయా రికార్డు సృష్టించింది. చమరి ఆటపట్టు (195 నాటౌట్; 139 బంతుల్లో 26×4, 5×6) భారీ శతకంతో అదరగొట్టడంతో దక్షిణాఫ్రికాతో మ్యాచ్లో 302 పరుగుల లక్ష్యాన్ని ఛేదించింది. -
ఇషా సత్తా చాటేనా!
హైదరాబాదీ షూటర్ ఇషా సింగ్కు సవాల్. పారిస్ ఒలింపిక్స్ టికెట్ కోసం ఆమె పోటీకి సిద్ధమైంది. శుక్రవారం కర్ణిసింగ్ రేంజ్లో ఆరంభమయ్యే సెలక్షన్ ట్రయల్స్లో మహిళల 25 మీటర్ల పిస్టల్ విభాగంలో ఇషా బరిలో దిగనుంది. -
కళ్లన్నీ వినేశ్ పైనే
పారిస్ ఒలింపిక్స్ కోటా స్థానాల వేటకు భారత రెజ్లర్లు సిద్ధమయ్యారు. శుక్రవారం ప్రారంభమయ్యే ఆసియా ఒలింపిక్ క్వాలిఫయర్స్లో అత్యుత్తమ ప్రదర్శనే లక్ష్యంగా బరిలో దిగుతున్నారు. -
నదిలో నాలుగు గంటలు
ఒలింపిక్స్ చరిత్రలోనే మొట్టమొదటిగా ఈ మెగా క్రీడల ఆరంభోత్సవ వేడుకలను ఆరుబయట నిర్వహించేందుకు పారిస్ సిద్ధమవుతోంది.
తాజా వార్తలు (Latest News)
-
నారాయణమూర్తి మనవడి జాక్పాట్.. ఒక్క రోజులో ₹4 కోట్లు!
-
మా ఎమ్మెల్యేలను టచ్ చేస్తే.. మాడి మసైపోతావ్: కేసీఆర్పై సీఎం రేవంత్ ఫైర్
-
‘ఇద్దరు యువ రాజుల చిత్రాన్ని’ యూపీ ప్రజలు తిరస్కరించారు: మోదీ
-
‘స్పీడ్’ స్టార్లు vs సిక్సర్ల వీరులు... రెండు జట్లలో ‘హ్యాట్రిక్’ ఎవరికి?
-
‘దుబాయ్ ప్రయాణాలను రీషెడ్యూల్ చేసుకోండి’ - ఇండియన్ ఎంబసీ అడ్వైజరీ
-
హిందూపురంలో నామినేషన్ వేసిన నందమూరి బాలకృష్ణ