Gymnastics: జిమ్నాస్టిక్స్‌.. బికినీలతోనే ఎందుకు? 

ఇంటర్నెట్‌ డెస్క్‌: జిమ్నాస్టిక్స్‌ పోటీల్లో మహిళలు బికినీలతో పోటీపడడం సాధారణమే. కానీ మహిళా జిమ్నాస్ట్‌లంటే కేవలం బికినీలే ధరించాలా? పూర్తిగా శరీరాన్ని కప్పి ఉంచేలా దుస్తులు వేసుకోకూడదా? అనే ప్రశ్నలకు సమాధానంగా జర్మనీ అమ్మాయిలు ఒలింపిక్స్‌లో పూర్తిగా దుస్తులు ధరించి పోటీపడ్డారు. దాని వెనక ఓ కారణం ఉంది. బికినీలు వేసుకుని జిమ్నాస్టిక్స్‌ చేసే అమ్మాయిలపై లైంగిక వేధింపులు పెరగడంతో పాటు వాళ్లను వేరే దృష్టితో చూడడం ఎక్కువైంది. అందుకే దీనికి అడ్డుకట్ట వేయడం కోసమే ఆ దేశ జిమ్నాస్ట్‌లు ఇలా పూర్తి దుస్తులతో విన్యాసాలు చేశారు. ఈ దుస్తుల్లోనూ తాము అందంగా కనిపిస్తామని అందరికీ చాటి చెప్పేందుకే ఈ ప్రయత్నమని 21 ఏళ్ల జర్మనీ జిమ్నాస్ట్‌ సారా తెలిపింది.