Updated : 03/09/2021 12:35 IST

Avani Lekhara: 19 ఏళ్లకే దిగ్గజం.. అవని అద్భుతం.. ఒకే పారాలింపిక్స్‌లో 2 పతకాలు

టోక్యో: పారా షూటర్‌ అవనీ లేఖరా.. అద్భుతం చేసింది. 19 ఏళ్లకే దిగ్గజంగా మారింది. ఒకే పారాలింపిక్స్‌లో రెండు పతకాలు అందుకున్న ఏకైక మహిళా అథ్లెట్‌గా చరిత్ర సృష్టించింది. 50 మీటర్ల రైఫిల్‌ 3 పొజిషన్స్‌ ఎస్‌హెచ్‌ 1 పోటీల్లో ఆమె కాంస్య పతకం గెలిచింది.

రైఫిల్‌ 3 పొజిషన్స్‌ అర్హత పోటీల్లో అవని 1176 స్కోరుతో రెండో స్థానంలో నిలిచింది. ఇక ఫైనల్లో ఆమె నువ్వా నేనా అన్నట్టు పోటీపడింది. మొత్తంగా 445.9 పాయింట్లతో మూడో స్థానంలో నిలిచింది. ఒక సిరీసులో ఒక షాట్‌లో 9.9 స్కోరు చేయడంతో మూడో స్థానంతో సరిపెట్టుకుంది. 10 మీటర్ల ఎయిర్‌ రైఫిల్‌ ఎస్‌హెచ్‌ 1లో ఆమె పారాలింపిక్స్‌ రికార్డు స్కోరుతో స్వర్ణం గెలిచిన సంగతి తెలిసిందే.

పారాలింపిక్స్‌లో ఒకటి కన్నా ఎక్కువ పతకాలు గెలిచిన ఏకైక భారత వనితగా అవని అవతరించింది. అంతకు ముందు జోగిందర్‌ సింగ్‌ సోధి 1984 పారాలింపిక్స్‌లో ఒక రజతం, రెండు కాంస్యాలు అందుకున్నాడు. షాట్‌పుట్‌లో రజతం, డిస్కస్‌, జావెలిన్‌ త్రోలో కాంస్యాలు గెలిచాడు. కాగా జావెలిన్‌ త్రోలో దేవేంద్ర జజారియా మూడు పతకాలు గెలిచినప్పటికీ.. ఒకే టోర్నీలో సాధించలేదు. వేర్వేరు పారాలింపిక్స్‌లో రెండు స్వర్ణాలు, ఈ సారి రజతం అందుకున్నాడు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని