Updated : 08/12/2021 16:46 IST

Icc Test Rankings : రెండో స్థానంలోకి అశ్విన్.. 31 స్థానాలు ఎగబాకిన మయాంక్‌ 

ఇంటర్నెట్‌ డెస్క్: అంతర్జాతీయ క్రికెట్‌ మండలి (ఐసీసీ) విడుదల చేసిన టెస్టు ర్యాంకింగ్స్‌లో భారత క్రికెటర్లు తమ స్థానాలను మెరుగుపరుచుకున్నారు. ఆల్‌రౌండర్‌, బౌలింగ్‌ జాబితాల్లో రవిచంద్రన్‌ అశ్విన్‌ రెండో స్థానానికి చేరాడు. అలానే బ్యాటింగ్‌ జాబితాలో మయాంక్‌ అగర్వాల్‌ పదకొండో స్థానానికి చేరాడు. ఆల్‌రౌండర్ల లిస్ట్‌లో అశ్విన్‌ (360) కంటే ముందు విండీస్‌ ఆటగాడు జాసన్ హోల్డర్‌ (382) మొదటి స్థానంలో ఉన్నాడు. దక్షిణాఫ్రికా పర్యటనకు ఎంపికై అక్కడా రాణిస్తే.. టాప్‌ ర్యాంక్ అశ్విన్‌ సొంతమయ్యే అవకాశం ఉంది. అయితే ఇదే లిస్ట్‌లో రెండు స్థానాలను కోల్పోయిన రవీంద్రజడేజా (346) నాలుగో ర్యాంకుతో సరిపెట్టుకున్నాడు. ఇంగ్లాండ్‌ ఆటగాడు బెన్‌స్టోక్స్ (348) మూడో స్థానంలో ఉన్నాడు. ఇక బౌలింగ్‌ ర్యాంకింగ్స్‌లో ప్యాట్ కమిన్స్‌ (908) తొలి స్థానంలో నిలవగా.. రవిచంద్రన్‌ అశ్విన్‌ (883) రెండో స్థానంలో ఉన్నాడు. కివీస్‌తో సిరీస్‌కు విశ్రాంతి తీసుకున్న జస్ప్రీత్‌ బుమ్రా (756) పదో స్థానంతో సరిపెట్టుకున్నాడు. 

టెస్టు బ్యాటర్ల జాబితా టాప్‌-10లోకి డేవిడ్‌ వార్నర్‌ (724), డికాక్‌ (717) వచ్చారు. కివీస్‌తో రెండో టెస్టు మ్యాచ్‌లో సెంచరీ (150), అర్ధశతకం (62) సాధించిన భారత క్రికెటర్‌ మయాంక్‌ అగర్వాల్‌ (712) ఏకంగా 31 స్థానాలు ఎగబాకి పదకొండో స్థానంలో నిలిచాడు. రోహిత్ శర్మ (797) ఐదో స్థానం, విరాట్ కోహ్లీ (756) ఆరో స్థానంలో ఉన్నారు. తొలి నాలుగు స్థానాల్లో జోయ్‌ రూట్ (903), స్టీవ్‌ స్మిత్ (891), కేన్‌ విలియమ్సన్ (879) మార్నస్‌ లబుషేన్ (878) నిలిచారు. శుభ్‌మన్‌ గిల్‌ (538) ఇరవై రెండుస్థానాలను మెరుగుపరుచుకుని 46వ ర్యాంక్‌, శ్రేయస్‌ అయ్యర్‌ (477) పది స్థానాలు ఎగబాకి 66వ ర్యాంకులో నిలిచారు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని