IND vs ENG: రెండు మార్పులతో భారత్‌.. టాస్‌ గెలిచిన ఇంగ్లాండ్

లండన్‌: మరికాసేపట్లో భారత్‌, ఇంగ్లాండ్‌ జట్ల మధ్య నాలుగో టెస్టు ప్రారంభంకానుంది. ఈ సందర్భంగా టాస్‌ గెలిచిన ఇంగ్లాండ్‌ కెప్టెన్‌ జోరూట్‌ బౌలింగ్‌ ఎంచుకున్నాడు. దాంతో భారత్‌ మొదట బ్యాటింగ్‌ చేయనుంది. ఇప్పటికే ఇరు జట్లూ చెరో మ్యాచ్‌ గెలవడంతో సిరీస్‌పై ఆసక్తి పెరిగింది. మరోవైపు గత మ్యాచ్‌లో టీమ్‌ఇండియా ఓటమిపాలవ్వడంతో ఈ మ్యాచ్‌లో ఎలాగైనా గెలవాలనే పట్టుదలతో ఉంది. అయితే, ఇక్కడ ఎవరు గెలిస్తే వారు సిరీస్‌లో ఆధిక్యంలోకి దూసుకెళ్తారు. ఈ క్రమంలోనే భారత్‌ నాలుగో టెస్టులో రెండు మార్పులతో బరిలోకి దిగనుంది. ఉమేశ్‌ యాదవ్‌, శార్ధూల్‌ ఠాకూర్‌ తుది జట్టులోకి రాగా ఇషాంత్‌, మహ్మద్‌ షమికి విశ్రాంతినిచ్చారు. అలాగే ఈ మ్యాచ్‌లోనైనా సీనియర్‌ ఆఫ్‌స్పిన్నర్‌ రవిచంద్రన్‌ అశ్విన్‌ను తుది జట్టులోకి తీసుకుంటారని ఆశించినా అదీ జరగలేదు. అతడిని మరోసారి రిజర్వ్‌బెంచ్‌కే పరిమితం చేసి జడేజాను తీసుకోవడం గమనార్హం.

భారత జట్టు: రోహిత్‌ శర్మ, కేఎల్‌ రాహుల్‌, చెతేశ్వర్‌ పుజారా, విరాట్‌ కోహ్లీ(కెప్టెన్‌), అజింక్య రహానె, రిషబ్‌ పంత్‌, రవీంద్ర జడేజా, శార్ధూల్‌ ఠాకూర్‌, ఉమేశ్‌ యాదవ్‌, జస్ప్రిత్‌ బుమ్రా, మహ్మద్‌ సిరాజ్‌

ఇంగ్లాండ్‌ జట్టు:  రోరీబర్న్స్‌, హసీబ్‌ హమీద్‌, డేవిడ్‌ మలన్‌, జోరూట్‌(కెప్టెన్‌), ఒలీపోప్‌, జానీ బెయిర్‌స్టో, మొయిన్‌ అలీ, క్రిస్‌వోక్స్‌, క్రేగ్‌ ఓవర్టన్‌, ఒలీ రాబిన్‌సన్‌, జేమ్స్‌ అండర్సన్‌