Tokyo Olympics: వేకువ నుంచీ గెలుపు వార్తలే.. క్వార్టర్స్కు హాకీ జట్టు, పీవీ సింధు, సతీశ్ కుమార్.. దుమ్మురేపిన అతాను
ఓటముల గురించి విసిగిపోయిన అభిమానులకు గురువారం శుభవార్తలు వినిపించాయి. ఉదయాన్నే గెలుపు వార్తలు తెలిశాయి. భారత అగ్రశ్రేణి షట్లర్ పీవీ సింధు, బాక్సర్ సతీశ్ కుమార్ క్వార్టర్ ఫైనల్స్కు చేరుకున్నారు....
ఇంటర్నెట్ డెస్క్: ఓటములతో విసిగిపోయిన అభిమానులకు గురువారం శుభవార్తలు వినిపించాయి. ఉదయాన్నే గెలుపు వార్తలు తెలిశాయి. భారత అగ్రశ్రేణి షట్లర్ పీవీ సింధు, బాక్సర్ సతీశ్ కుమార్ క్వార్టర్ ఫైనల్స్కు చేరుకున్నారు. డిఫెండింగ్ ఛాంపియన్ అర్జెంటీనాపై భారత హాకీ జట్టు తిరుగులేని విజయం నమోదు చేసింది. విలువిద్యలో అతాను దాస్ ప్రీక్వార్టర్స్ చేరుకొని ఆశలు కల్పిస్తున్నాడు.
సింధుతో మొదలు
భారత అగ్రశ్రేణి బ్యాడ్మింటన్ క్రీడాకారిణి, రియో ఒలింపిక్స్ రజత పతక విజేత పీవీ సింధు టోక్యోలో దూసుకుపోతోంది. ప్రీక్వార్టర్స్లో 12వ ర్యాంక్ బ్లిచ్ఫెల్ట్ (డెన్మార్క్)ను 21-15, 21-13 తేడాతో చిత్తు చేసింది. రెండో రౌండ్లో లయ అందుకున్న సింధు అదే జోరును నాకౌట్లోనూ ప్రదర్శించింది. 40 నిమిషాల్లోనే ప్రత్యర్థిని కంగుతినిపించింది. బ్లిచ్ఫెల్ట్పై ఉన్న ఆధిక్యాన్ని సింధు 5-1కి పెంచుకుంది. క్వార్టర్స్, సెమీస్లో సింధుకు కఠిన ప్రత్యర్థులు ఎదరయ్యే అవకాశం ఉంది. క్వార్టర్స్లో అకానె యమగూచి, సెమీస్లో తైజు యింగ్తో తలపడాల్సి రావొచ్చు.
హాకీ.. క్వార్టర్స్ ఖరారు
హాకీలో డిఫెండింగ్ ఛాంపియన్ అర్జెంటీనాకు షాకిచ్చింది టీమ్ఇండియా. పూల్-ఏలో జరిగిన నాలుగో పోరులో 3-1 తేడాతో విజయం సాధించింది. క్వార్టర్ ఫైనల్ బెర్త్ ఖరారు చేసుకుంది. అర్జెంటీనాతో పోరు ఎంత హోరాహోరీగా సాగిందంటే.. తొలి రెండు క్వార్టర్లలో అసలు గోల్స్ నమోదు అవ్వలేదు. రెండు జట్లు దుర్భేద్యమైన డిఫెన్స్తో ముందుకు సాగాయి. 43వ నిమిషంలో వరుణ్ కుమార్ గోల్ కొట్టి భారత్ను 1-0తో ఆధిక్యంలో నిలిపాడు. 48వ నిమిషంలో లభించిన పెనాల్టీ కార్నర్ను షూత్ కేసెల్లా గోల్గా మలవడంతో స్కోరు 1-1తో సమమైంది. ఆట ముగిసే క్రమంలో 58వ నిమిషంలో వివేక్ సాగర్ ప్రసాద్, 59వ నిమిషంలో హర్మన్ప్రీత్ సింగ్ గోల్స్ కొట్టి 3-1తో విజయం అందించారు.
అతాను.. గట్టిపోరాటం
పురుషుల ఆర్చరీ వ్యక్తిగత పోటీల్లో అతానుదాస్ ప్రీక్వార్టర్స్కు చేరుకున్నాడు. తొలి ఎలిమినేషన్ పోరులో డెంగ్ యు చెంగ్ను 6-4 తేడాతో ఓడించాడు. వీరిద్దరూ నువ్వానేనా అన్నట్టు ఆడటంతో మ్యాచ్ ఐదు సెట్లకు దారితీసింది. నాలుగో సెట్లో స్కోరు 4-4తో సమం కావడంతో ఐదో సెట్ కీలకంగా మారింది. అందులో 28-26 తేడాతో అతాను పైచేయి సాధించడంతో 6-4తో విజయం దక్కింది. ఆ తర్వాత లండన్ ఒలింపిక్ విజేత, కఠిన ప్రత్యర్థి హో జిన్హెక్పై అద్వితీయ విజయం అందుకున్నాడు. షూటాఫ్కు చేరిన పోరులో కొరియా ఆటగాడిని 6-5 తేడాతో ఓడించాడు. ఐదు సెట్లు ముగిసే సరికి స్కోర్లు 5-5తో సమం అయ్యాయి. షూటాఫ్లో జిన్హెక్ 9 స్కోర్ చేయగా అతాను 10కి గురిపెట్టాడు.
సతీశ్.. ఇంకొక్కపంచ్
భారత బాక్సర్ సతీశ్ కుమార్ 91+కిలోల విభాగంలో క్వార్టర్ ఫైనల్ చేరుకున్నాడు. జమైకాకు చెందిన రికార్డో బ్రౌన్పై 4-1 తేడాతో ఘన విజయం సాధించాడు. ఐదుగురు న్యాయనిర్ణేతల్లో నలుగురు సతీశ్ వైపే మొగ్గుచూపించారు. 30-27, 30-27, 28-29, 30-27, 30-26 స్కోర్లు ఇచ్చారు. ప్రత్యర్థి పాదాల కదలిక చురుగ్గా లేకపోవడాన్ని గమనించిన సతీశ్ అతడిపై పిడిగుద్దుల వర్షం కురిపించాడు. క్వార్టర్ ఫైనల్లో ఉజ్బెకిస్థాన్ బాక్సర్ బాఖోదిర్ జలోలొవ్తో అతడు తలపడనున్నాడు. జలోలొవ్ ప్రపంచ, ఆసియా ఛాంపియన్ కావడం గమనార్హం. అతడిని ఓడించి సెమీస్కు చేరితే సతీశ్కు కనీసం కాంస్యం ఖాయమవుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఉచిత ఆధార్ కోసం వార్నర్ పరుగులు.. వీడియో చూశారా..?
David Warner: దిల్లీ ఆటగాడు డేవిడ్ వార్నర్.. భారత గుర్తింపు కార్డు ఆధార్ కోసం పరిగెడుతున్నాడు. ఈ వీడియో ఇప్పుడు నెట్టింట చక్కర్లు కొడుతోంది. ఇందులో అతడు హిందీలో మాట్లాడటం విశేషం. -
టీ20 ప్రపంచ కప్ కోసం నేనూ రేసులో ఉన్నా: లఖ్నవూ సెంచరీ హీరో
సెంచరీతో చెన్నైపై భారీ లక్ష్యాన్ని ఛేదించడంలో లఖ్నవూ బ్యాటర్ స్టాయినిస్ కీలక పాత్ర పోషించాడు. ఒకదశలో ఓడిపోతామని భావించిన ఆ జట్టును చివరి వరకూ క్రీజ్లో ఉండి విజయతీరాలకు చేర్చాడు. -
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
చెన్నై కెప్టెన్ రుతురాజ్ సెంచరీతో అలరించినా.. లఖ్నవూ జట్టే విజయం సాధించింది. మార్కస్ స్టాయినిస్ కీలకమైన శతకంతో తన జట్టును గెలిపించాడు. -
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
ఉచిత ఆధార్ కోసం వార్నర్ పరుగులు.. వీడియో చూశారా..?
-
టీ20 ప్రపంచ కప్ కోసం నేనూ రేసులో ఉన్నా: లఖ్నవూ సెంచరీ హీరో
-
భారత్లోకి టెస్లా ఎంట్రీ.. ఇప్పట్లో లేనట్లేనా?
-
విజయ్ దేవరకొండ - ప్రశాంత్ నీల్ మీట్.. ఆ హిట్ ప్రాజెక్ట్ కోసమేనా..?
-
పోలీసులు ఇకనైనా వైకాపా కండువాలు తీసి డ్యూటీ చేయాలి: బొండా ఉమా
-
తెలంగాణ ఇంటర్ ఫలితాలు వచ్చేశాయ్.. రిజల్ట్స్ కోసం క్లిక్ చేయండి