Ashes Series: 207 బంతులు 26 పరుగులు.. చివరికి గుండెకోతే
క్రికెట్లో అప్పుడప్పుడూ ఎవరైనా హిట్వికెట్గా వెనుదిరగడం సహజమే. అదేం పెద్ద విశేషం కాదు. అయితే, ఓటమివైపు పయనిస్తున్న జట్టును ఎలాగైనా కాపాడాలనే కసితో ఎంతో...
జోస్ బట్లర్ అసమాన పోరాటం వృథా..!
అడిలైడ్: క్రికెట్లో అప్పుడప్పుడూ హిట్వికెట్గా బ్యాట్స్మెన్ వెనుదిరగడం సహజమే. అదేం పెద్ద విశేషం కాదు. అయితే.. ఓటమివైపు పయనిస్తున్న జట్టును ఎలాగైనా కాపాడాలనే కసితో ఎంతో పట్టుదలగా ఆడుతున్న ఆటగాడు కీలక సమయంలో ఇలా ఔటైతేనే కాస్త బాధగా ఉంటుంది. అలాంటిది.. ప్రతిష్ఠాత్మకమైన యాషెస్ సిరీస్లో ఇంకా ముఖ్యమైన డే/నైట్ టెస్టులో జట్టును ఓటమిభారం నుంచి తప్పించడానికి చివరి రోజు 200కు పైగా బంతులు ఎదుర్కొని టెయిలెండర్లతో కలిసి పోరాడుతుంటే.. అనుకోకుండా ఆ బ్యాట్స్మన్ కాలు వికెట్కు తాకి బెయిల్స్ ఎగిరిపడితే ఎలా ఉంటుంది? అది ఊహించుకుంటేనే.. అయ్యో అని జాలేస్తుంది. అచ్చం ఇదే జరిగింది ఇంగ్లాండ్ వికెట్ కీపర్, బ్యాట్స్మన్ జోస్ బట్లర్కు.
అడిలైడ్ వేదికగా ఇంగ్లాండ్తో జరిగిన రెండో టెస్టులోనూ సోమవారం ఆస్ట్రేలియా విజయం సాధించింది. ఈ మ్యాచ్లో ఆ జట్టు 275 పరుగుల భారీ తేడాతో గెలుపొందింది. అయితే, రెండో ఇన్నింగ్స్లో 468 పరుగుల భారీ లక్ష్యంతో బరిలోకి దిగిన ఇంగ్లాండ్ ఆదివారం నాలుగో రోజు ఆట ముగిసేసరికి 82/4తో నిలిచింది. చివరి రోజు గెలవాలంటే 386 పరుగులు సాధించాలి. మ్యాచ్ను డ్రా చేసుకోవాలంటే రోజంతా బ్యాటింగ్ చేయాలి. ఇలాంటి స్థితిలో సోమవారం ఆట కొనసాగించిన ఇంగ్లాండ్.. చివరికి 192 పరుగులకు ఆలౌటైంది. అయితే, తొలి సెషన్లో ఆట ప్రారంభమైన కాసేపటికే బెన్ స్టోక్స్ (12), ఓలీపోప్ (4) ఔటవ్వగా ఇక ఇంగ్లాండ్ పని అయిపోయిందని అంతా అనుకున్నారు. కానీ, ఆ సమయంలో క్రీజులోకి వచ్చిన బట్లర్ (26; 207 బంతుల్లో 2x4) టెయిలెండర్లతో కలిసి అసమాన పోరాటం చేశాడు. వన్డేల్లో 118, టీ20ల్లో 141 స్ట్రైక్రేట్ కలిగిన అతడు ఎంతో సహనంతో బ్యాటింగ్ చేశాడు. క్రిస్వోక్స్ (44; 97 బంతుల్లో 7x4)తో కలిసి ఏడో వికెట్కు ఆస్ట్రేలియా బౌలర్ల సహనాన్ని పరీక్షించాడు.
పరుగుల గురించి ఆలోచించకుండా ఓవర్ల మీద ఓవర్లు ఆడేస్తూ బౌలర్లపై ఒత్తిడి పెంచాడు. బట్లర్, వోక్స్ ఏడో వికెట్కు 31.2 ఓవర్లలో 66 పరుగులు జోడించారు. దీంతో ఆస్ట్రేలియా విజయంపై సందేహాలు మొదలయ్యాయి. కానీ, వోక్స్ను ఔట్ చేయడం ద్వారా రిచర్డ్సన్ మ్యాచ్ను ఆసీస్వైపు మళ్లించాడు. తర్వాత రాబిన్సన్ (8; 39 బంతుల్లో 1×4) క్రీజులోకి వచ్చి బట్లర్కు కాసేపు సహకరించాడు. టీ విరామానికి ఇంగ్లాండ్ 180/8 స్కోర్తో నిలిచింది. ఇక చివరి సెషన్లోనూ అంతే దృఢ సంకల్పంతో ఆడుతున్న బట్లర్ కాసేపటికే నిష్క్రమించాడు. రిచర్డ్సన్ బౌలింగ్లో అతడు బ్యాక్ఫుట్పై ఆఫ్సైడ్ షాట్ ఆడేక్రమంలో వికెట్లకు షూ తాకింది. దీంతో బెయిల్స్ కిందపడ్డాయి. ఈ విషయాన్ని గమనించని బట్లర్ సింగిల్ కోసం ప్రయత్నించగా దగ్గరలోనే ఫీల్డింగ్ చేస్తున్న ఆసీస్ ఆటగాళ్లు వికెట్లను చూసి సంబరాలు చేసుకున్నారు. ఎలాగైనా మ్యాచ్ను కాపాడాలనే విశ్వ ప్రయత్నం చేసిన ఇంగ్లాండ్ వికెట్ కీపర్ చివరికి ఇలా వెనుదిరగాల్సి వచ్చింది. తర్వాత అండర్సన్ కూడా ఔటవ్వడంతో ఇంగ్లాండ్ ఓటమిపాలైంది. అయితే, బట్లర్ ఔటైన వీడియో ఆన్లైన్లో చక్కర్లు కొడుతోంది. అతడెలా వెనుదిరిగాడో మీరూ చూడండి.
► Read latest Sports News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఇంపాక్ట్ ప్లేయర్తో నష్టమే
ఐపీఎల్ గతేడాది ప్రవేశ పెట్టిన ఇంపాక్ట్ ప్లేయర్ విధానం కారణంగా ఆల్రౌండర్లకు నష్టం కలుగుతోందని టీమ్ఇండియా కెప్టెన్ రోహిత్ శర్మ అభిప్రాయపడ్డాడు. -
ఆల్రౌండర్లకు దెబ్బ
టీమ్ఇండియా కెప్టెన్ రోహిత్ చెప్పినట్లు ఐపీఎల్లో ఇంపాక్ట్ ప్లేయర్ నిబంధన భారత ఆల్రౌండర్లకు చేటు చేస్తోంది. టీ20 ప్రపంచకప్లో తలపడే టీమ్ఇండియా ఎంపిక కోసం ఐపీఎల్ ప్రదర్శన కూడా పరిగణలోకి తీసుకుంటారనే చెప్పాలి. -
ప్చ్.. పంజాబ్
13 బంతులు.. 14 పరుగులు.. 4 వికెట్లు! 193 పరుగుల ఛేదనలో పంజాబ్ పరిస్థితిది! బుమ్రా లాంటి మేటి బౌలర్.. బెంబేలెత్తిస్తున్న నేపథ్యంలో ఆ జట్టు కనీసం పోటీలో ఉన్నట్లు కూడా కనపడలేదు. ముంబయి విజయం లాంఛనమేనని తీర్మానించారంతా! కానీ అశుతోష్ శర్మ అసాధారణ బ్యాటింగ్తో పంజాబ్ అద్భుతం చేసినంత పని చేసింది. -
అశుతోష్.. నయా మెరుపు
గుజరాత్తో పంజాబ్ మ్యాచ్.. లక్ష్యం 200.. 150కే 6 వికెట్లు పడిపోయాయి.. ఉన్న ఓవర్లు కూడా తక్కువే! అయినా చివరికి పంజాబ్ గెలిచింది! -
చమరి 195 నాటౌట్
మహిళల క్రికెట్లో శ్రీలంక నయా రికార్డు సృష్టించింది. చమరి ఆటపట్టు (195 నాటౌట్; 139 బంతుల్లో 26×4, 5×6) భారీ శతకంతో అదరగొట్టడంతో దక్షిణాఫ్రికాతో మ్యాచ్లో 302 పరుగుల లక్ష్యాన్ని ఛేదించింది. -
ఇషా సత్తా చాటేనా!
హైదరాబాదీ షూటర్ ఇషా సింగ్కు సవాల్. పారిస్ ఒలింపిక్స్ టికెట్ కోసం ఆమె పోటీకి సిద్ధమైంది. శుక్రవారం కర్ణిసింగ్ రేంజ్లో ఆరంభమయ్యే సెలక్షన్ ట్రయల్స్లో మహిళల 25 మీటర్ల పిస్టల్ విభాగంలో ఇషా బరిలో దిగనుంది. -
కళ్లన్నీ వినేశ్ పైనే
పారిస్ ఒలింపిక్స్ కోటా స్థానాల వేటకు భారత రెజ్లర్లు సిద్ధమయ్యారు. శుక్రవారం ప్రారంభమయ్యే ఆసియా ఒలింపిక్ క్వాలిఫయర్స్లో అత్యుత్తమ ప్రదర్శనే లక్ష్యంగా బరిలో దిగుతున్నారు. -
నదిలో నాలుగు గంటలు
ఒలింపిక్స్ చరిత్రలోనే మొట్టమొదటిగా ఈ మెగా క్రీడల ఆరంభోత్సవ వేడుకలను ఆరుబయట నిర్వహించేందుకు పారిస్ సిద్ధమవుతోంది.