Sourav Ganguly: గంగూలీకి డెల్టా ప్లస్‌ వేరియంట్‌ పాజిటివ్

ఇంటర్నెట్‌డెస్క్‌: టీమ్‌ఇండియా మాజీ సారథి, బీసీసీఐ అధ్యక్షుడు సౌరభ్‌ గంగూలీకి తాజాగా నిర్వహించిన కరోనా పరీక్షల్లో డెల్టా ప్లస్‌ వేరియంట్‌ సోకినట్లుగా గుర్తించామని వుడ్‌లాండ్స్‌ ఆస్పత్రి వర్గాలు వెల్లడించాయి. గత వారం కరోనా బారిన పడిన గంగూలీ కోల్‌కతాలోని వుడ్‌లాండ్స్‌ ఆస్పత్రిలో చేరిన సంగతి తెలిసిందే. ఈ క్రమంలోనే ఆయనకు ఒమిక్రాన్‌ పరీక్షలు నిర్వహించగా.. అందులో నెగెటివ్‌ రావడంతో డిశ్ఛార్జి చేసినట్లు వైద్యులు వెల్లడించారు. అయితే తాజాగా నిర్వహించిన పరీక్షల్లో ఆయనకు డెల్టా ప్లస్‌ పాజిటివ్‌గా గుర్తించామని చెప్పారు. ప్రస్తుతం ఆయనకు కరోనా లక్షణాలు స్వల్పంగా ఉండటంతో ఇంట్లోనే ఐసోలేషన్‌లో ఉండాలని సూచించామన్నారు.