Sourav Ganguly: సౌరభ్‌గంగూలీకి కరోనా పాజిటివ్

ఇంటర్నెట్‌డెస్క్‌: బీసీసీఐ అధ్యక్షుడు సౌరభ్‌ గంగూలీకి కరోనా పాజిటివ్‌గా తేలింది. కరోనా లక్షణాలు కనిపించడంతో ఆయన నిన్న ఆర్టీపీసీఆర్‌ పరీక్షలు చేయించుకున్నారు. ఇందులో కొవిడ్‌ పాజిటివ్‌గా తేలడంతో.. ఆస్పత్రిలో చేరారు. కోల్‌కతాలోని వుడ్‌లాండ్‌ ఆస్పత్రిలో ఆయన చికిత్స పొందుతున్నారని.. స్వల్ప లక్షణాలు మాత్రమే ఉన్నాయని బీసీసీఐ వర్గాలు వెల్లడించాయి. గతంలో గంగూలీ కుటుంబసభ్యులు సైతం ఈ వైరస్‌ బారిన పడ్డారు. మరోవైపు ఈ ఏడాది ఆరంభంలో దాదా గుండెపోటుకు గురైన సంగతి తెలిసిందే. దీంతో ఆయనకు యాంజియోప్లాస్టీ శస్త్రచికిత్స కూడా చేశారు.