Breaking | Feedback | ePratibha | E-PAPER | Pratibha

IND vs NZ: అది బౌల్ట్‌ ఇచ్చిన కానుక : సూర్య

టీ20 ప్రపంచకప్‌ తర్వాత న్యూజిలాండ్‌తో జరిగిన తొలి టీ20లో టీమ్‌ఇండియా యువ బ్యాటర్ సూర్యకుమార్‌ యాదవ్‌ (62) దంచికొట్టిన సంగతి తెలిసిందే...

Updated : 18 Nov 2021 11:13 IST

ఇంటర్నెట్‌డెస్క్‌: న్యూజిలాండ్‌తో జరిగిన తొలి టీ20లో టీమ్‌ఇండియా యువ బ్యాటర్ సూర్యకుమార్‌ యాదవ్‌ (62) దంచికొట్టిన సంగతి తెలిసిందే. అయితే, అతడు కీలక ఇన్నింగ్స్‌ ఆడినా చివరి దశలో బౌల్ట్‌ బౌలింగ్‌లో ఔటయ్యాడు. రోహిత్‌ (48)తో కలిసి మ్యాచ్‌ గమనాన్ని మార్చేసిన సూర్య 17వ ఓవర్‌లో బౌల్డయ్యాడు. దీంతో టీమ్‌ఇండియా 144 పరుగుల వద్ద మూడో వికెట్‌ కోల్పోయింది. అయితే, సూర్య 57 పరుగుల వద్ద ఉండగా ఓ షాట్‌ ఆడాడు. ఆ క్యాచ్‌ను బౌల్ట్‌ జారవిడిచాడు. మ్యాచ్‌ అనంతరం స్పందించిన సూర్య.. తన భార్య పుట్టిన రోజుకు బౌల్ట్‌ ఇచ్చిన కానుక అది (క్యాచ్‌ వదలడం) అని సరదాగా వ్యాఖ్యానించాడు.

‘‘ఈ మ్యాచ్‌లో కొత్తగా ఏమీ చేయలేదు. గత మూడు, నాలుగేళ్లుగా ఎలా ఆడుతున్నానో అలాగే బ్యాటింగ్‌ చేశా. నెట్స్‌లో ఎలాంటి సాధన చేస్తున్నానో దాన్నే మైదానంలోనూ పునరావృతం చేశాను. నా ఆట తీరును ఎప్పటికప్పుడు సమీక్షించుకొంటాను. ఎలా ఆడితే మంచిదో ఆలోచిస్తాను. ఈ మ్యాచ్‌లో మంచు ప్రభావంతో బంతి తేలిగ్గానే బ్యాట్‌ పైకి వచ్చింది. దీంతో షాట్లు ఆడటం తేలికైంది. చివర్లో కాస్త ఉత్కంఠ నెలకొన్నా.. మేం గెలిచినందుకు సంతోషంగా ఉంది. అయితే, నేనే స్వయంగా ఈ మ్యాచ్‌ని గెలిపించి ఉంటే మరింత ఎక్కువగా ఆనందించేవాడిని. కానీ, ఇలాంటి పరిస్థితుల నుంచే మనం నేర్చుకొని ముందుకు సాగుతాం. ఇక బౌల్ట్‌ నా క్యాచ్‌ను వదిలేసిన విషయానికి వస్తే.. ఈ రోజు నా భార్య పుట్టినరోజు. ఆమెకు అతడిచ్చిన సరైన బహుమానం’’ అంటూ సరదాగా వ్యాఖ్యానించాడు.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.