Published : 16 Oct 2021 02:39 IST

IND vs PAK: భారత్‌ x పాక్‌ మ్యాచ్‌ నేపథ్యంలో అద్భుత యాడ్‌ చూశారా?

ఇంటర్నెట్‌డెస్క్‌: క్రికెట్‌ ప్రేమికులకు పసందైన వినోదం అందించిన ఐపీఎల్‌ సందడి ఈరోజుతో ముగియనుంది. ఇక 2021 టీ20 ప్రపంచకప్‌ ఈ నెల 17 నుంచి మొదలుకాబోతోంది. యూఏఈ, ఒమన్‌ వేదికలుగా ఈ మెగా ఈవెంట్‌ మరో రెండు రోజుల్లో ప్రారంభంకానున్న సంగతి తెలిసిందే. అయితే, ఈనెల 24న భారత్‌xపాకిస్థాన్‌ జట్ల మధ్య జరిగే మ్యాచ్ కోసమే ప్రపంచంలోని క్రికెట్‌ ప్రేమికులంతా ఎంతో ఆసక్తిగా ఎదురుచూస్తున్నారు. చివరిసారి 2019 వన్డే ప్రపంచకప్‌లో పోటీ పడిన ఈ రెండు జట్లు మళ్లీ ఇన్నాళ్లకు బరిలోకి దిగుతున్నాయి. దీంతో ఈ మ్యాచ్‌పై భారీ అంచనాలే ఉన్నాయి.

ఇప్పుడిక క్రికెట్‌ ప్రేక్షకులను మరింత అలరించేందుకు టీ20 ప్రపంచకప్‌ ప్రసార హక్కుదారులు భారత్‌-పాక్‌ మ్యాచ్‌ నేపథ్యంలో వినూత్నంగా ఓ అడ్వర్టయిజ్‌మెంట్‌ రూపొందించారు. అది సామాజిక మాధ్యమాల్లో చక్కర్లు కొడుతూ భారత అభిమానులను విశేషంగా ఆకట్టుకుంటోంది. ఎందుకంటే ఆ యాడ్‌లో.. ఓ పాక్‌ అభిమాని దుబాయ్‌లోని ఓ ఎలక్ట్రానిక్‌ షాప్‌కి వెళ్లి త్వరలో ప్రారంభమయ్యే ప్రపంచకప్‌ మ్యాచ్‌లను చూసేందుకు కొత్త టీవీ కొనాలని అంటాడు. ఈసారి తమ పాకిస్థాన్‌ జట్టులో బాబర్‌ అజామ్, రిజ్వాన్‌ లాంటి ఆటగాళ్లు ఉన్నారని, దాంతో వారు భారత్‌ను ఓడిస్తారని చెబుతాడు. దీనికి స్పందించిన భారత షోరూమ్‌ యజమాని ‘బయ్‌ వన్‌, బ్రేక్‌ వన్‌’ అంటూ రెండు టీవీలు చూపిస్తాడు. ఇప్పటివరకు ప్రపంచకప్‌లో పాక్‌పై టీమ్‌ఇండియా సంపూర్ణ ఆధిపత్యం ఉందని, ఒకవేళ పాక్ ఓటమిపాలైతే ఒక టీవీని పగులగొట్టినా రెండో టీవీ ఉంటుందనే ఉద్దేశంలో అలా అంటాడు. దీనికి భారత అభిమానుల నుంచి మంచి స్పందన వస్తోంది.

మరోవైపు, భారత్‌-పాకిస్థాన్‌ జట్లు ఇప్పటివరకు వన్డే, టీ20 ప్రపంచకప్‌లలో మొత్తం 12 సార్లు తలపడ్డాయి. అందులో అన్నింటిలోనూ టీమ్‌ఇండియానే విజేతగా నిలిచింది. దీంతో ఈసారి కూడా కోహ్లీసేన చిరకాల ప్రత్యర్థిపై విజయపరంపర కొనసాగిస్తుందని అభిమానులు ఆశిస్తున్నారు. మీరూ ఆ వీడియో చూసి ఆస్వాదించండి.


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని