Updated : 26 Oct 2021 05:42 IST

IND vs PAK: కొడుకు గర్వపడేలా చేస్తే... ఏ తండ్రైనా ఇంతే! 

బాబర్‌ అజామ్‌ తండ్రి కన్నీటి పర్యంతం.. వీడియో వైరల్‌

ఇంటర్నెట్‌డెస్క్‌: ప్రపంచకప్‌ టోర్నీల చరిత్రలో టీమ్‌ఇండియాపై పాకిస్థాన్‌ తొలి విజయం సాధించడంతో ఆ జట్టు అభిమానుల ఆనందానికి అవధులు లేకుండా పోయాయి. గతరాత్రి భారత్‌పై పది వికెట్ల తేడాతో పాక్‌ గెలవగానే దుబాయ్‌ స్టేడియం మొత్తం ఆ దేశ అభిమానుల సందడితో హోరెత్తింది. ఈ క్రమంలోనే అదే స్టేడియంలో మ్యాచ్‌ను ప్రత్యక్షంగా చూసిన పాకిస్థాన్‌ కెప్టెన్‌ బాబర్‌ అజామ్‌ తండ్రి అజామ్‌ సిద్దిఖి భావోద్వేగానికి లోనయ్యాడు. తన కుమారుడి చిరస్మరణీయ ఆట పట్ల హర్షం వ్యక్తం చేశాడు. ఈ వీడియో ప్రస్తుతం సామాజిక మాధ్యమాల్లో వైరల్‌గా మారింది.

ఎంతైనా ఒక కుమారుడు గొప్ప పని చేస్తే ఏ తండ్రి అయినా ఇలాగే గర్వపడతారు. ఇక ఈ మ్యాచ్‌లో టీమ్‌ఇండియా ఫేవరెట్‌గా బరిలోకి దిగినా ఘోర పరాభవం పాలైంది. తొలుత టాస్‌ ఓడి బ్యాటింగ్‌కు దిగిన భారత జట్టు  151/7 స్కోరే సాధించింది. అనంతరం పాక్‌ 17.5 ఓవర్లలోనే ఆ లక్ష్యాన్ని ఛేదించి విజయం సాధించింది. ఓపెనర్లు రిజ్వాన్‌ (79*), బాబర్‌ (68*) పాక్‌ను విజయతీరాలకు చేర్చారు. దీంతో ప్రపంచకప్‌ టోర్నీల్లో భారత (12-1) ఆధిపత్యానికి తెరదించారు. దిగ్గజాలకు సాధ్యం కాని ఈ రికార్డును బాబర్‌ ఈ మ్యాచ్‌తో తిరగరాశాడు. ఈ క్రమంలోనే అతడి తండ్రి పట్టరాని సంతోషంలో మునిగిపోయారు.


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని