Rewind 2021 : వామ్మో ఇంతటి భారీ సిక్సర్.. సూపర్ స్టంపింగ్ అంటే ఇదే కదా మరి!
క్రికెట్లో మజా రావాలంటే.. బ్యాటర్లు, బౌలర్లు ఒకరిపైఒకరు పైచేయి సాధిస్తూ...
ఇంటర్నెట్ డెస్క్ ప్రత్యేకం: క్రికెట్లో మజా రావాలంటే.. బ్యాటర్లు, బౌలర్లు ఒకరిపైఒకరు పైచేయి సాధిస్తూ ఉండాలి. పిచ్ ఎలా ఉన్నా సరే అత్యుత్తమ ప్రదర్శన ఇచ్చేందుకే ఆటగాళ్లు ప్రయత్నిస్తుంటారు. బంతిని బౌండరీ అవతలికి కొట్టగానే అభిమానులు, ప్రేక్షకుల నుంచి ఈలలే ఈలలు.. ఎవరైనా ఫీల్డర్ అద్భుతమైన క్యాచ్ను ఒడిసిపడితే సూపర్ అంటూ అభినందనలు.. వికెట్ల వెనుక చిరుతలా కదులుతూ స్టంపింగ్ చేస్తే అదరహో అని పొగడ్తలు.. మరి ఈ ఏడాది జరిగిన ఇలాంటి అద్భుతమైన ఫీట్లపై year ending సందర్భంగా ఒక లుక్కేద్దామా..
భారీ సిక్సర్లు ఇవే..
అంతర్జాతీయ క్రికెట్, దేశవాళీ ఏదైనా సరే క్రికెట్ను ఆస్వాదించడం ఒక్కటే సగటు ప్రేక్షకుడికి తెలుసు. అలానే భారీ షాట్లు కొట్టినప్పుడు ఎగిరిగంతేస్తాడు. టెస్టుల్లో చాలా తక్కువగానే సిక్సర్లను బాదడం చూస్తుంటాం. వన్డేలు, టీ20ల్లో మాత్రమే భారీ హిట్టింగ్కు దిగే అవకాశం ఉంది. ఈ క్రమంలో లాంగెస్ట్ సిక్సర్లు ఇవే..
> ఇంగ్లాండ్ బ్యాటర్ లివింగ్ స్టోన్ (122) ఈ ఏడాది భారీ సిక్సర్ను బాదాడు. పాకిస్థాన్తో ద్వైపాక్షిక సిరీస్ సందర్భంగా టీ20 మ్యాచ్లో హారిస్ రవుఫ్ బౌలింగ్లో ఈ ఘనత సాధించాడు.
> ఇక రెండో భారీ సిక్సర్ కూడా లివింగ్ స్టోనే (112) కొట్టడం విశేషం. టీ20 ప్రపంచకప్లో దక్షిణాఫ్రికా మీద ఈ ఫీట్ సాధించాడు. కగిసో రబాడ బౌలింగ్లో లాంగెస్ట్ సిక్సర్ను కొట్టాడు.
> టీ20 ప్రపంచకప్లో విండీస్ గ్రూప్ స్టేజ్లోనే ఇంటిముఖం పట్టిన విషయం తెలిసిందే. అయితే ఆండ్రూ రస్సెల్ (111) ఆసీస్ మీద భారీ సిక్స్ కొట్టాడు. మిచెల్ స్టార్క్ బౌలింగ్లో బాదడం విశేషం.
> ఇండియన్ ప్రీమియర్ లీగ్లో చెన్నై సూపర్ కింగ్స్ ఆటగాడు రుతురాజ్ గైక్వాడ్ (108) రాజస్థాన్ రాయల్స్ బౌలర్ ముస్తాఫిజర్ బౌలింగ్లో భారీ సిక్సర్ కొట్టాడు.
> ఐపీఎల్లోనే కీరన్ పొలార్డ్ (105) ఎస్ఆర్హెచ్ బౌలర్ ముజీబ్ బౌలింగ్లో భారీ సిక్సర్ను బాదాడు. ఈ ఏడాది ఐపీఎల్లో ఇది రెండో బిగ్గెస్ట్ సిక్సర్ కావడం విశేషం.
అదిరిపోయే క్యాచ్లు..
ఎంత అద్భుతంగా బౌలింగ్ చేసినా.. క్యాచ్లను నేలపాలు చేస్తే కష్టమంతా బూడిదలో పోసిన పన్నీరవుతుంది. బౌండరీ వెళ్లే బంతిని ఆపి ఒక్క పరుగే రానిస్తే.. అది సూపర్ ఫీల్డింగ్ అంటాం కదా... అలానే దూరంగా, వేగంగా గాల్లోకి లేచిన బంతిని ఒడిసి పట్టుకుంటే సూపర్ క్యాచ్ అవుద్ది. ఒకే ఒక్క క్యాచ్తో మ్యాచ్ రూపురేఖలు మారిపోయే అవకాశమూ ఉంది. టీ20 వరల్డ్ కప్, ఐపీఎల్ వంటి మెగా టోర్నీల్లో ఈ ఏడాది అలాంటి అద్భుతమైన క్యాచ్లు ఎవరు పట్టారంటే..
> టీ20 ప్రపంచకప్లో ఆసీస్తో జరిగిన మ్యాచ్లో దక్షిణాఫ్రికా ఆటగాడు మారక్రమ్ అద్భుతమైన క్యాచ్ను ఒడిసిపట్టాడు. స్టీవ్ స్మిత్ ఇచ్చిన క్యాచ్ను బౌండరీ లైన్ వద్ద పరిగెత్తుతూ వచ్చి అందుకున్న విధానం అదుర్స్.
> పాకిస్థాన్, న్యూజిలాండ్ జట్ల మధ్య జరిగిన మ్యాచ్లో డేవన్ కాన్వే అందుకున్న క్యాచ్ సూపర్ అని చెప్పాలి. అల్లంతదూరంలో వస్తున్న బంతిని.. దూకి మరీ ఒడిసిపట్టుకోవడం అద్భుతం. టీ20 ప్రపంచకప్లో ఇదొక సెన్సేషన్ క్యాచ్గా మిగిలిపోయింది.
> ఇక ఐపీఎల్ సంగతికొస్తే.. కేకేఆర్, పంజాబ్ జట్ల మధ్య జరిగిన మ్యాచ్లో రవి బిష్టోయ్ (పంజాబ్) పట్టిన క్యాచ్ టోర్నీకే హైలైట్. సునిల్ నరైన్ ఇచ్చిన క్యాచ్ను బిష్టోయ్ దాదాపు 20 అడుగుల దూరం నుంచి పరిగెత్తుకొచ్చి మరీ డైవ్ చేసి అందుకున్నాడు.
> ఈ సారి రాజస్థాన్ ఆటగాడు యశస్వి జైస్వాల్ వంతు. కేకేఆర్ బ్యాటర్ సునిల్ నరైన్ కొట్టిన బంతి తక్కువ ఎత్తులో గాల్లోకి లేచింది. లాంగాన్లో ఉన్న యశస్వి దాదాపు మైదానం సగం లోపలికి వచ్చి బంతిని ఒడిసి పట్టాడు.
> చెన్నై సూపర్ కింగ్స్తో జరిగిన మ్యాచ్లో సన్రైజర్స్ హైదరాబాద్ ఆటగాడు మనీశ్ పాండే (61) మాంచి ఊపు మీదున్నాడు. ఇదే క్రమంలో ఎంగిడి బౌలింగ్లో భారీ షాట్కు యత్నించాడు. అయితే బౌండరీ లైన్ వద్ద డుప్లెసిస్ సూపర్ క్యాచ్ అందుకోవడంతో మనీశ్ నిరాశగా పెవిలియన్కు చేరాడు.
సూపర్ స్టంప్పింగ్లు..
మ్యాచ్ మొత్తం కీపర్ గ్రిప్లో ఉన్నట్లుగా ఉంటుంది. బ్యాటర్ కదలికలను ఎప్పటికప్పుడు అంచనా వేస్తూ వికెట్ల వెనుక కీపర్ ఎల్లప్పుడూ అప్రమత్తంగా ఉండాలి. ఫాస్ట్ బౌలింగ్ అయితే బౌన్స్ అయ్యే బంతులను ఒడిసిపట్టుకోవాలి. అదే స్పిన్ బౌలింగ్లో ఎప్పుడూ సవాలే. గింగరాలు తిరుగుతూ వచ్చే బంతిని కచ్చితంగా అంచనా వేసి పట్టుకోవాలి. బ్యాటర్ అదుపు తప్పితే స్టంప్ఔట్ చేయాలి. మరి మన ఆటగాళ్లు ఈ ఏడాదిలో చేసిన అత్యుత్తమ స్టంపింగ్లు ఇవే...
> న్యూజిలాండ్తో జరిగిన టెస్టు సిరీస్లో సబ్స్టిట్యూట్ కీపర్గా వచ్చిన టీమ్ఇండియా ఆటగాడు కేఎస్ భరత్ చేసిన స్టంపింగ్ అత్యుత్తమమైన వాటిల్లో ఒకటి. అక్షర్ పటేల్ బౌలింగ్లో ముందుకు వచ్చి ఆడేందుకు యత్నించిన కివీస్ ఆటగాడు టామ్ లాథమ్ ప్యాడ్స్కు తాకి బంతి వెనక్కి వెళ్లింది. అప్పటికే వికెట్ల వెనుక కాచుకుని ఉన్న కేఎస్ భరత్ చక్కగా ఒడిసిపట్టుకుని వికెట్లను గిరాటేశాడు.
> అత్యుత్తమ సారథి, వికెట్ కీపర్లలో ఎంఎస్ ధోనీ ముందు వరుసలో ఉంటాడు. ఫ్రంట్కు వచ్చి షాట్ ఆడేందుకు యత్నించే బ్యాటర్ పొరపాటున బంతిని మిస్ చేస్తే మాత్రం కచ్చితంగా ఔటైనట్లే. అంత పకడ్బందీగా స్టంప్ చేస్తాడు మహేంద్రుడు. ఇలాంటి పరిస్థితి శిఖర్ ధావన్కు ఎదురైంది. ఐపీఎల్ 14వ సీజన్లో సీఎస్కే బౌలర్ మొయిన్ అలీ బౌలింగ్లో దిల్లీ బ్యాటర్ శిఖర్ ముందుకొచ్చి ఆడేందుకు యత్నించాడు. అయితే బంతిని కొట్టడంలో శిఖర్ విఫలమైనా.. ధోనీ మాత్రం వికెట్లను గిరాటేయడం మాత్రం వదల్లేదు.
► Read latest Sports News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
ప్రస్తుత ఐపీఎల్ సీజన్లో అత్యంత దారుణంగా ట్రోలింగ్కు గురైన కెప్టెన్ హార్దిక్ పాండ్య (Hardik Pandya). ఏ మైదానంలో చూసినా అతడిని హేళన చేస్తూ ఫ్యాన్స్ హోరెత్తించారు. -
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్
లఖ్నవూ చేతిలో చెన్నైకి వరుసగా రెండో ఓటమి ఎదురైంది. ఈసారి సొంత మైదానంలోనే పరాజయం పొందడంతో ఆ జట్టు అభిమానులను నిరాశకు గురి చేస్తోంది. -
ఆ ఇద్దరికి నో ప్లేస్.. వన్డౌన్ బ్యాటర్గా అతడే: ఇర్ఫాన్ పఠాన్
మరో మూడు రోజుల్లో టీ20 ప్రపంచ కప్ కోసం భారత జట్టును ప్రకటించే అవకాశం ఉంది. ఈ నేపథ్యంలో ఇర్ఫాన్ పఠాన్ తన టీమ్ను వెల్లడించాడు. -
ఉచిత ఆధార్ కోసం వార్నర్ పరుగులు.. వీడియో చూశారా..?
David Warner: దిల్లీ ఆటగాడు డేవిడ్ వార్నర్.. భారత గుర్తింపు కార్డు ఆధార్ కోసం పరిగెడుతున్నాడు. ఈ వీడియో ఇప్పుడు నెట్టింట చక్కర్లు కొడుతోంది. ఇందులో అతడు హిందీలో మాట్లాడటం విశేషం. -
టీ20 ప్రపంచ కప్ కోసం నేనూ రేసులో ఉన్నా: లఖ్నవూ సెంచరీ హీరో
సెంచరీతో చెన్నైపై భారీ లక్ష్యాన్ని ఛేదించడంలో లఖ్నవూ బ్యాటర్ స్టాయినిస్ కీలక పాత్ర పోషించాడు. ఒకదశలో ఓడిపోతామని భావించిన ఆ జట్టును చివరి వరకూ క్రీజ్లో ఉండి విజయతీరాలకు చేర్చాడు. -
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
చెన్నై కెప్టెన్ రుతురాజ్ సెంచరీతో అలరించినా.. లఖ్నవూ జట్టే విజయం సాధించింది. మార్కస్ స్టాయినిస్ కీలకమైన శతకంతో తన జట్టును గెలిపించాడు. -
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
62వేల మంది వాలంటీర్లు రాజీనామా చేశారు.. కోర్టుకు తెలిపిన ఈసీ న్యాయవాది
-
ఎన్నికలను మేం నియంత్రించలేం: ‘వీవీప్యాట్’ కేసులో సుప్రీం కీలక వ్యాఖ్యలు
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు