Published : 01 Apr 2022 01:37 IST

Bravo: యువీ వికెట్‌ నా జీవితాన్నే మార్చేసింది: బ్రావో

ఇంటర్నెట్ డెస్క్‌: టీమ్‌ఇండియా మాజీ ఆటగాడు యువరాజ్‌ సింగ్‌ని ఔట్ చేయడంతో తన జీవితమే మారిపోయిందని వెస్టిండీస్ ఆటగాడు డ్వేన్ బ్రావో అన్నాడు. తాజాగా ఓ వార్తా సంస్థతో మాట్లాడిన అతడు 2006లో జరిగిన ఓ ఘటనను గుర్తు చేసుకున్నాడు. ప్రస్తుతం అతడు టీ20 లీగ్‌లో భాగంగా చెన్నై జట్టు తరఫున ఆడుతున్న విషయం తెలిసిందే.

జమైకాలో జరిగిన తొలి వన్డేలో భారత్‌ 5 వికెట్ల తేడాతో ఘన విజయం సాధించింది. ఆ తర్వాత అదే మైదానంలో జరిగిన రెండో వన్డేలో 1 పరుగు తేడాతో భారత్ ఓటమి పాలైంది. ఆ మ్యాచులో తొలుత బ్యాటింగ్ చేసిన వెస్టిండీస్ 9 వికెట్లు కోల్పోయి 198 పరుగులు చేసింది. అనంతరం ఛేదనకు దిగిన భారత్‌ 1 పరుగు తేడాతో ఓటమి పాలైంది. టీమ్‌ఇండియా విజయానికి 10 పరుగులు అవసరమైన సమయంలో.. ఆఖరి ఓవర్లో రెండు, మూడు బంతులను యువరాజ్‌ సింగ్ బౌండరీకి తరలించి సమీకరణాన్ని మూడు బంతుల్లో రెండు పరుగులుగా మార్చేశాడు. కానీ, దురదృష్టవశాత్తు నాలుగో బంతికి యువరాజ్‌ బౌల్డయ్యాడు. దీంతో భారత్‌కి ఓటమి తప్పలేదు.

‘టీమ్ఇండియా అప్పటికే తొమ్మిది వికెట్లు కోల్పోయి.. విజయానికి రెండు పరుగుల దూరంలో ఉంది. అద్భుతమైన ఫామ్‌లో ఉన్న యువరాజ్‌ సింగ్ (93) ఉన్నాడు. అలాంటి ఉత్కంఠ పరిస్థితుల్లో ఎలా బౌలింగ్ చేయాలో అర్థం కాలేదు. ఆఖరికి డిప్పర్ బంతితో యువరాజ్‌ని ఔట్ చేయడంతో అందరి దృష్టి నాపై పడింది. ఆ ఒక్క బంతితో నా జీవితమే మారిపోయింది. నా టీ20 కెరీర్‌కు పునాదిగా నిలిచింది. నా జీవితాన్ని మలుపు తిప్పిన ఆ బంతే ఇప్పటికీ నా ఫేవరెట్’ అని డ్వేన్ బ్రావో చెప్పాడు.

2006లో కెప్టెన్‌ రాహుల్ ద్రవిడ్ సారథ్యంలో భారత జట్టు వెస్టిండీస్‌లో పర్యటించింది. ఈ పర్యటనలో భాగంగా విండీస్‌తో ఐదు వన్డేలు, నాలుగు టెస్టు మ్యాచుల్లో తలపడింది. 1-4 తేడాతో వన్డే సిరీస్‌ను కోల్పోయిన టీమ్‌ఇండియా.. టెస్టు సిరీస్‌ను 1-0 ఆధిక్యంతో సొంతం చేసుకుంది.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని