Tokyo Olympics: నా కుమారుడు చరిత్ర సృష్టిస్తాడు
ఎలాంటి అంచనాలు లేకుండా టోక్యో ఒలింపిక్స్ బరిలోకి దిగిన రెజ్లర్ రవి కుమార్ దహియా అద్భుతం చేశాడు. 57 కిలోల విభాగంలో ఫైనల్కు దూసుకెళ్లి దేశం మొత్తాన్ని ఆనందంలో ముంచెత్తాడు....
చండీగఢ్: ఎలాంటి అంచనాలు లేకుండా టోక్యో ఒలింపిక్స్ బరిలోకి దిగిన రెజ్లర్ రవి కుమార్ దహియా అద్భుతం చేశాడు. 57 కిలోల విభాగంలో ఫైనల్కు దూసుకెళ్లి దేశం మొత్తాన్ని ఆనందంలో ముంచెత్తాడు. ఈ విజయంతో రవి కుమార్ స్వగ్రామం హరియాణాలోని నహ్రీలో పండగ వాతావరణం నెలకొంది. రెజ్లర్ తండ్రి రాకేశ్ సంబురాల్లో మునిగిపోయారు. రవి తండ్రిగా గర్విస్తున్నానని పేర్కొన్నారు. ఈ విశ్వక్రీడల్లో తన కుమారుడు స్వర్ణం సాధిస్తాడని ధీమా వ్యక్తం చేస్తున్నారు. ఈ సందర్భంగా రాకేశ్ మాట్లాడుతూ.. ‘ ఇది దీపావళిలా ఉంది. రవి మా గ్రామాన్నే కాదు.. హరియాణాతోపాటు దేశం మొత్తం గర్వపడేలా చేశాడు. రవి విజయం ఈ దేశపు విజయం. నా కుమారుడు స్వర్ణం సాధించి చరిత్ర సృష్టిస్తాడు’ అని ఆనందం వ్యక్తం చేశారు.
రవి కుమార్ 57 కిలోల విభాగంలో ఫైనల్లోకి ప్రవేశించి కనీసం రజతం ఖాయం చేసుకున్నాడు. కజక్స్థాన్ కుస్తీవీరుడు సనయెవ్ నురిస్లామ్ను 7-9 తేడాతో ఓడించాడు. ప్రత్యర్థి తనపై ఆధిపత్యం చలాయిస్తున్న తరుణంలో అనూహ్యంగా పుంజుకున్న రవి ‘విక్టరీ బై ఫాల్’ పద్ధతిలో పసిడి పోరుకు అర్హత సాధించాడు. భారత్ నుంచి రెజ్లింగ్లో ఫైనల్ చేరిన రెండో ఆటగాడు రవి కుమార్. అంతకు ముందు సుశీల్ కుమార్ 2008 బీజింగ్ ఒలింపిక్స్లో కాంస్యం గెలిచాడు. 2012 లండన్లో ఫైనల్కు చేరుకొని రజతంతో మురిపించాడు. 2012లో యోగేశ్వర్ కాంస్యం సాధించాడు. కాగా తొమ్మిదేళ్ల తర్వాత రవి ఫైనల్కు చేరుకొని అబ్బురపరిచాడు. రష్యన్ క్రీడాకారుడితో గురువారం తలపడనున్నాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది. -
అక్కడ బుర్ర పగిలిపోతుంది
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు.