Bizarre Dismissals: క్రికెట్లో విచిత్రమైన ఔట్లు.. వీటిపై ఓ లుక్కేయండి..!
క్రికెట్ అంటే ఫన్నీ గేమ్ అనేది ఊరికే అనలేదు. ఈ గేమ్లో అప్పుడప్పుడు కొన్ని సరదా సంఘటనలు నవ్వులు తెప్పిస్తే మరికొన్ని అయ్యో పాపం అనుకునేలా చేస్తాయి...
క్రికెట్లో అప్పుడప్పుడు సరదా ఘటనలు చోటుచేసుకుంటాయి. కొన్ని నవ్వులు తెప్పిస్తే.. మరికొన్ని అయ్యో పాపం అనుకునేలా చేస్తాయి. అందుకు ప్రధాన కారణం దురదృష్టం వెంటాడటమే. తాజాగా ఇంగ్లాండ్, న్యూజిలాండ్ మ్యాచ్లో హెన్రీ నికోల్స్ ఇలాగే ఔటయ్యాడు. అతడు ఆడిన షాట్కు బంతి వెళ్లి నాన్స్ట్రైకర్ ఎండ్లో ఉన్న ఆటగాడి బ్యాట్కు తగలడంతో అది వెళ్లి నేరుగా ఫీల్డర్ చేతుల్లో పడింది. అలా అనూహ్యరీతిలో ఔటై నిరాశతో వెనుదిరిగాడు. అయితే, ఇంతకుముందు కూడా ఆటలో ఇలాంటి విచిత్రమైన ఔట్లు చోటుచేసుకున్నాయి. వాటిల్లో కొన్ని ఇక్కడ చూద్దాం..
దెబ్బ తగిలించుకోవద్దని మిస్బా..
పాకిస్థాన్ మాజీ ప్లేయర్ మిస్బాఉల్ హక్ 2007లో భారత పర్యటనకు వచ్చినప్పుడు తొలి టెస్టులో ఎవరూ ఊహించని రీతిలో ఔటయ్యాడు. దిల్లీ వేదికగా జరిగిన ఆ మ్యాచ్లో పాక్ తొలి ఇన్నింగ్స్లో మిస్బా (82) పరుగుల వద్ద బ్యాటింగ్ చేస్తుండగా పాయింట్ దిశగా షాట్ ఆడి సింగిల్ కోసం పరుగెత్తాడు. వెంటనే స్పందించిన దినేశ్ కార్తీక్ బంతిని నాన్స్ట్రైకర్ వికెట్లవైపు విసిరాడు. అయితే, మిస్బా క్రీజు సమీపంలోకి రాగానే ఆ బంతి తనకు తగులుతుందేమోనని భావించి గాలిలోకి ఎగురుతూ క్రీజులో అడుగుపెట్టాడు. అంతలోపే బంతి వికెట్లకు తాకి నిరాశతో వెనుదిరిగాడు.
బంతి వికెట్లకు తాకుతుందని గూచ్..
ఇక ఇంగ్లాండ్ బ్యాటర్ గ్రహమ్ గూచ్ 1990ల్లో మేటి ఆటగాడు. అయితే, 1993లో ఓల్డ్ ట్రాఫర్డ్ మైదానంలో ఆస్ట్రేలియాతో ఆడిన తొలి టెస్టు రెండో ఇన్నింగ్స్లో బంతిని చేతితో పక్కకు నెట్టి ఔటయ్యాడు. 511 పరుగుల భారీ ఛేదనలో ఓపెనర్గా వచ్చిన గూచ్ (133) గొప్పగా పోరాడాడు. ఆ సమయంలో హ్యూస్ బౌలింగ్లో గూచ్ ఒక బంతిని డిఫెన్స్ చేయగా అది క్రీజులోనే స్టెప్ తీసుకొని వికెట్ల మీదకు పడేలా అనిపించింది. దీంతో వెంటనే స్పందించిన ఇంగ్లిష్ బ్యాటర్ ఆ బంతిని తన చేతితో పక్కకు పడేశాడు. ఆస్ట్రేలియా ఆటగాళ్లు అప్పీల్ చేయగా అంపైర్ ఔటిచ్చాడు.
త్రోను అడ్డుకొని ఇంజమామ్..
2006లో టీమ్ఇండియా పాక్ పర్యటనలో పెషావర్లో తొలి వన్డే ఆడింది. భారత్ 329 పరుగుల భారీ లక్ష్యం నిర్దేశించగా పాకిస్థాన్ ఛేదనకు దిగింది. అయితే, మిడిల్ ఆర్డర్ బ్యాట్స్మన్గా క్రీజులోకి వచ్చిన ఇంజమామ్ 16 పరుగుల వద్ద ఉండగా శ్రీశాంత్ బౌలింగ్లో మిడ్ ఆఫ్లోకి బంతిని కొట్టి క్రీజు వదిలి ముందుకు వచ్చాడు. అక్కడే ఫీల్డింగ్ చేస్తున్న సురేశ్ రైనా బంతిని అందుకొని వికెట్లకేసి విసిరాడు. అయితే, అప్పటికే క్రీజు బయట ఉన్న ఇంజమామ్ ఆ బంతిని బ్యాట్తో అడ్డుకున్నాడు. టీమ్ఇండియా ఆటగాళ్లు అప్పీల్ చేయడంతో అంపైర్లు మాట్లాడుకొని ఫీల్డింగ్కు అడ్డుపడ్డాడనే కారణంతో ఔటిచ్చారు.
బంతి బౌండరీ అనుకొని అజర్ అలీ..
అబుదాబి వేదికగా 2018లో ఆస్ట్రేలియాతో జరిగిన రెండో టెస్టులో పాకిస్థాన్ బ్యాటర్ అజర్ అలీ(64) రెండో ఇన్నింగ్స్లో విచిత్రమైన పరిస్థితుల్లో ఔటయ్యాడు. అతడు సిడిల్ బౌలింగ్లో గల్లీ పాయింట్ దిశగా షాట్ ఆడాడు. అది బౌండరీకి వెళ్లినట్లే వెళ్లి కాస్త దూరంలో ఆగిపోయింది. దీంతో అజర్ ఆ బంతి బౌండరీకి వెళ్లి ఉంటుందని భావించి పిచ్ మధ్యలోకి వెళ్లి నాన్ స్ట్రైకర్తో మాట్లాడుతున్నాడు. అయితే, మిచెల్ స్టార్క్ బంతిని అందుకొని కీపర్ టిమ్పైన్కు విసరడంతో స్టంప్స్ను పడగొట్టాడు. దీంతో ఆస్ట్రేలియా ఆటగాళ్లు సంబరాల్లో మునిగిపోయారు. అజర్కు ఏం జరిగిందో అర్థంకాక కాసేపు అయోమయానికి గురయ్యాడు. తర్వాత అసలు విషయం తెలిసి నిరాశతో పెవిలియన్ చేరాడు.
నికోల్స్ లాగే ఆండ్రూ సైమండ్స్..
ఆస్ట్రేలియా దివంగత ఆల్రౌండర్ ఆండ్రూ సైమండ్స్ 2006లో శ్రీలంకతో ఆడిన వీబీ సిరీస్ ఆరంభ మ్యాచ్లో హెన్రీ నికోల్స్ మాదిరే ఔటయ్యాడు. సైమండ్స్ (66) పరుగుల వద్ద బ్యాటింగ్ చేస్తుండగా ముబారక్ వేసిన బంతిని స్ట్రైట్డ్రైవ్ ఆడాడు. దీంతో బంతి నాన్స్ట్రైకింగ్ ఎండ్లో నిల్చున్న మైఖేల్ క్లార్క్ శరీరానికి తాకి మిడ్ వికెట్లో ఉన్న తిలకరత్నె దిల్షాన్ చేతిలో పడింది. ఊహించని విధంగా ఔటవ్వడంతో సైమండ్స్ సైతం నవ్వుకుంటూ పెవిలియన్ బాట పట్టాడు.
-ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అనుమానిత బుకీలను గుర్తించిన బీసీసీఐ యాంటీ కరప్షన్ యూనిట్!
ఐపీఎల్లో ఎలాంటి అనైతిక కార్యకలాపాలు జరగకుండా చూసేందుకు ఏర్పాటైన యాంటీ కరప్షన్ యూనిట్ తన పనిని మొదలు పెట్టింది. -
డేవన్ కాన్వే ఔట్.. మరో సీనియర్ ప్లేయర్కు చెన్నై అవకాశం
న్యూజిలాండ్ స్టార్ ఆటగాడు డేవన్ కాన్వే ప్రస్తుత ఐపీఎల్ సీజన్ నుంచి వైదొలిగాడు. గాయం కారణంగా ఆటడం లేదని ఐపీఎల్ మేనేజ్మెంట్ వెల్లడించింది. -
భారత క్రికెట్లో నీ భాగస్వామ్యం ఏంటి?: హర్షా భోగ్లేపై మాజీ క్రికెటర్ ఆగ్రహం
ఐపీఎల్లో చెన్నై జట్టును తక్కువ చేయడం సరికాదని భారత మాజీ క్రికెటర్ శివరామకృష్ణన్ ఆగ్రహం వ్యక్తం చేశాడు. -
అదంతా ఫేక్ న్యూస్.. నేనెవరినీ కలవలేదు: రోహిత్ శర్మ
పొట్టి కప్ కోసం జట్టు ఎంపికపై ఇప్పటి వరకు తానెవరినీ కలవలేదని భారత కెప్టెన్ రోహిత్ శర్మ (Rohit Sharma) స్పష్టం చేశాడు. -
ఆ లక్ష్యంతోనే బరిలోకి దిగాం : రిషభ్ పంత్
భారీ విజయంతో దిల్లీ పాయింట్ల పట్టికలో తన స్థానాన్ని మెరుగు పర్చుకుంది. సొంతమైదానంలోనే గుజరాత్ను చిత్తు చేసి ఈ సీజన్ ఐపీఎల్లో దిల్లీ మూడో విజయాన్ని నమోదు చేసింది. -
అత్యంత ప్రభావశీలుర జాబితాలో సాక్షి
టైమ్ మ్యాగజైన్ 2024 అత్యంత ప్రభావవంతమైన వ్యక్తుల జాబితాలో భారత రెజ్లర్ సాక్షి మలిక్ చోటు దక్కించుకుంది. భారత రెజ్లింగ్ సమాఖ్య (డబ్ల్యూఎఫ్ఐ) మాజీ అధ్యక్షుడు బ్రిజ్భూషణ్ శరణ్ సింగ్పై పోరాటానికి గాను సాక్షికి ఈ గౌరవం లభించింది. -
భళా పంత్!.. అదరగొడుతున్న దిల్లీ కెప్టెన్
రోడ్డు ప్రమాదం కారణంగా 15 నెలల విరామం తర్వాత పంత్ మైదానంలో అడుగుపెడుతుంటే.. అతనెలా ఆడతాడో అని ఎన్నో సందేహాలు! కానీ ఈ ఐపీఎల్లో అతను అదరగొడుతున్నాడు. -
గుజరాత్ ఢమాల్
ఓవైపు ముంబయి ఇండియన్స్ కెప్టెన్ అయ్యాక హార్దిక్ పాండ్య తేలిపోతున్నాడు. మరోవైపు హార్దిక్ సారథ్యంలో గత రెండు సీజన్లలో అద్భుత ప్రదర్శన చేసిన గుజరాత్ టైటాన్స్.. అతను దూరమయ్యాక ఇబ్బంది పడుతోంది. -
ఒలింపిక్స్లో రష్యా అథ్లెట్లు ఉంటారా?
మరో వంద రోజుల్లోనే పారిస్ ఒలింపిక్స్ ఆరంభమవుతాయి. జులై 26న ప్రారంభోత్సవ వేడుకలు జరుగుతాయి. ఒలింపిక్స్ కోసం దేశాలన్నీ సిద్ధమవుతున్న తరుణంలో రష్యా ఈ మెగా క్రీడల్లో పాల్గొనడంపై సందిగ్ధత నెలకొంది. -
నరైన్ కోసం..
టీ20 ప్రపంచకప్ నేపథ్యంలో అంతర్జాతీయ రిటైర్మెంట్ వీడాలని సునీల్ నరైన్కు నచ్చజెప్పేందుకు ప్రయత్నిస్తున్నామని వెస్టిండీస్ కెప్టెన్ రోమన్ పావెల్ అన్నాడు. నరైన్ ఐపీఎల్లో కోల్కతా తరఫున విశేషంగా రాణిస్తోన్న సంగతి తెలిసిందే. -
షారుక్ను కలిసిన వేళ
యశస్వి జైస్వాల్.. ఇప్పుడీ యువ ఓపెనర్ పేరు తెలియని క్రికెట్ అభిమానులు ఉండరంటే అతిశయోక్తి కాదు. దూకుడైన ఆటతీరుతో ఎంతోమంది అభిమానులను అతను సంపాదించుకున్నాడు. -
శీతల్ మళ్లీ అదుర్స్
భారత సంచలన పారా ఆర్చర్ శీతల్ దేవి మళ్లీ అదుర్స్ అనిపించింది. రెండు చేతులు లేకపోయినా ఆర్చరీలో పతకాల పంట పండిస్తున్న ఈ 17 ఏళ్ల అమ్మాయి.. తాజాగా సాధారణ (అన్ని శరీర భాగాలు సక్రమంగా ఉన్న) ఆర్చర్లతో పోటీపడి మరీ సత్తాచాటింది. -
ఫైనల్లో దీప
భారత స్టార్ జిమ్నాస్ట్ దీప కర్మాకర్ జిమ్నాస్టిక్స్ ప్రపంచకప్ వాల్ట్ విభాగంలో ఫైనల్కు అర్హత సాధించింది. 30 ఏళ్ల దీప క్వాలిఫయింగ్ రౌండ్ తొలి వాల్ట్లో 12.5, రెండో వాల్ట్లో 13.066.. మొత్తంగా 12.783 సగటు స్కోరు సాధించి నాలుగో స్థానంలో నిలిచింది. -
శ్రీజ, మనిక పరాజయం
ఐటీటీఎఫ్ ప్రపంచకప్లో భారత టేబుట్ టెన్నిస్ క్రీడాకారిణులు ఆకుల శ్రీజ, మనిక బాత్రా పోరాటం గ్రూపు దశలోనే ముగిసింది. గ్రూపు దశలో ఒక్కో విజయం, ఓటమితో ద్వితీయ స్థానాల్లో నిలిచిన శ్రీజ, మనిక నాకౌట్కు అర్హత సాధించలేకపోయారు. -
ధోని, కోహ్లీని అనుకరించా: బట్లర్
భారీ లక్ష్యాన్ని ఛేదించడం కోసం భారత స్టార్లు మహేంద్రసింగ్ ధోని, విరాట్ కోహ్లీని అనుకరించినట్లు రాజస్థాన్ రాయల్స్ బ్యాటర్ జోస్ బట్లర్ అన్నాడు. గాయం కారణంగా పంజాబ్ కింగ్స్తో మ్యాచ్ ఆడలేకపోయిన బట్లర్..
తాజా వార్తలు (Latest News)
-
రామేశ్వరం కెఫే కేసులో నిందితులను పట్టించిన తప్పుడు ఐడీ..!
-
మిమ్మల్ని నా సినిమాలోకి తీసుకున్నందుకు చింతిస్తున్నా: సీనియర్ నటుడికి సందీప్ చురకలు
-
జగన్పై రాయిదాడి కేసులో అనుమానితుడి అరెస్ట్
-
అనుమానిత బుకీలను గుర్తించిన బీసీసీఐ యాంటీ కరప్షన్ యూనిట్!
-
సూచీలకు వరుస నష్టాలు.. 22 వేల దిగువకు నిఫ్టీ
-
పదేళ్లలో తెలంగాణకు భాజపా ఏం చేసిందో చెప్పాలి?: పొన్నం ప్రభాకర్