Breaking | Feedback | ePratibha | E-PAPER | Pratibha

Umran Malik: వకార్‌ కాదు.. ఆ ముగ్గురే నాకు స్ఫూర్తి : ఉమ్రాన్ మాలిక్‌

భారత టీ20 లీగ్‌ 15వ సీజన్‌లో అత్యధిక వేగంతో బౌలింగ్‌ చేసి సంచలన ప్రదర్శన చేసిన జమ్మూ కశ్మీర్‌ పేసర్‌ ఉమ్రాన్‌ మాలిక్‌పై సర్వత్రా ప్రశంసలు కురుస్తున్నాయి...

Updated : 06 Jun 2022 14:00 IST

(Photo: Umran Malik Instagram)

ఇంటర్నెట్‌డెస్క్‌: భారత టీ20 లీగ్‌ 15వ సీజన్‌లో అత్యధిక వేగంతో బౌలింగ్‌ చేసి సంచలన ప్రదర్శన చేసిన జమ్మూ కశ్మీర్‌ పేసర్‌ ఉమ్రాన్‌ మాలిక్‌పై సర్వత్రా ప్రశంసలు వెల్లువెత్తుతున్నాయి. ఇటీవల ఆస్ట్రేలియా మాజీ పేసర్‌ బ్రెట్‌లీ సైతం అతడి బౌలింగ్‌పై స్పందిస్తూ.. అచ్చం పాక్‌ దిగ్గజం వకార్‌ యూనిస్‌ బౌలింగ్‌ను గుర్తుచేస్తున్నాడని మెచ్చుకున్నాడు. అయితే, తాజాగా ఈ విషయంపై ఓ జాతీయ మీడియాతో మాట్లాడిన ఉమ్రాన్‌.. తాను వకార్‌ను అనుసరించలేదని స్పష్టం చేశాడు.

‘నా బౌలింగ్‌ యాక్షన్‌ సహజసిద్ధమైనది. నేనెప్పుడూ వకార్‌ను అనుకరించలేదు. నాకు బుమ్రా, షమి, భువనేశ్వర్‌ కుమార్‌లే స్ఫూర్తి. నేను చిన్నప్పటి నుంచి వివిధ స్థాయిల్లో ఆడుతూ ఈ ముగ్గురి బౌలింగ్‌ చూస్తూనే పెరిగాను. ఇప్పుడు నేను టీమ్‌ఇండియాకు ఎంపికవ్వడంపై ఉప్పొంగిపోవడం లేదు. జరిగేది ఉంటే కచ్చితంగా జరుగుతుంది. దానికోసం పెద్దగా ఆలోచించాల్సిన అవసరం లేదు. నాకు ఇప్పుడు దేశం తరఫున ఆడే అవకాశం వచ్చింది. దక్షిణాఫ్రికాతో ఐదు టీ20లు ఆడాల్సి ఉంది. అక్కడ నేను అత్యుత్తమ ప్రదర్శన చేయాలనుకుంటున్నా. ఈ సిరీస్‌లో మొత్తం ఐదు మ్యాచ్‌లు గెలవడమే నా లక్ష్యం. నేను అద్భుతంగా రాణించి ఒంటి చేత్తో టీమ్‌ఇండియాను గెలిపించాలనుకుంటున్నా’ అని మాలిక్‌ చెప్పుకొచ్చాడు.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.