IND vs WI: కోహ్లీ, పంత్‌కు విశ్రాంతి.. బయోబబుల్‌ నుంచి విముక్తి!

టీమ్‌ఇండియా మాజీ సారథి విరాట్‌ కోహ్లీ, వికెట్‌ కీపర్‌ రిషభ్‌ పంత్‌కు బీసీసీఐ విశ్రాంతినిచ్చింది. ఇప్పటికే 2-0తో విండీస్‌పై టీ20 సిరీస్‌ కైవసం చేసుకోవడంతో వారిద్దరికీ...

Updated : 19 Feb 2022 11:53 IST

ఇంటర్నెట్‌డెస్క్‌: టీమ్‌ఇండియా మాజీ సారథి విరాట్‌ కోహ్లీ, వికెట్‌ కీపర్‌ రిషభ్‌ పంత్‌కు బీసీసీఐ విశ్రాంతినిచ్చింది. ఇప్పటికే 2-0తో విండీస్‌పై టీ20 సిరీస్‌ కైవసం చేసుకోవడంతో వారిద్దరికీ పది రోజుల విరామం కల్పించింది. దీంతో పంత్‌, కోహ్లీ వచ్చేవారం శ్రీలంకతో జరగబోయే మూడు టీ20ల సిరీస్‌కు దూరంకానున్నారు. ఇక మార్చి 4 నుంచి మొహాలి వేదికగా జరగబోయే రెండు టెస్టుల సిరీస్‌కు తిరిగి జట్టుతో కలవనున్నారు.

కోహ్లీ గత డిసెంబర్‌ నుంచి టీమ్‌ఇండియాతోనే ప్రయాణిస్తున్నాడు. దక్షిణాఫ్రికా పర్యటనలో భారత్‌ మూడు టెస్టులు, మూడు వన్డేలు ఆడగా కోహ్లీ రెండో టెస్టులో మినహా అన్ని మ్యాచ్‌లూ ఆడాడు. ఇక తాజాగా విండీస్‌తోనూ ఇప్పటివరకు మూడు వన్డేలు, రెండు టీ20ల్లో ఆడాడు. అయితే, వచ్చేనెల శ్రీలంకతో జరిగే తొలి టెస్టు కోహ్లీకి వందో మ్యాచ్‌ కావడంతో అందుకు ప్రత్యేకంగా సన్నద్ధమవ్వాలని భావిస్తున్నాడు. ఈ నేపథ్యంలోనే ఆ కీలక టెస్టుకు ముందు అతడికి కాస్త విశ్రాంతినిచ్చి మ్యాచ్‌ సమయానికల్లా తాజాగా ఉంచాలని బీసీసీఐ భావిస్తోంది. ఈ క్రమంలోనే ఆదివారం విండీస్‌తో జరబోయే మూడో టీ20లోనూ ఈ ఇద్దరు బ్యాట్స్‌మెన్‌ ఆడలేకపోతున్నారు. కాగా, దీనిపై అధికారిక ప్రకటన రావాల్సి ఉంది.

Read latest Sports News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts