Virat Kohli: విరాట్‌ కోహ్లీ @ 14 ఇయర్స్‌.. అందరూ ఉన్నా ఒంటరిగా ఫీలయ్యా!

భారత మాజీ సారథి విరాట్ కోహ్లీ అంతర్జాతీయ క్రికెట్‌లోకి అడుగుపెట్టి నేటితో సరిగ్గా 14 ఏళ్లు అవుతోంది. 2008 ఆగస్టు 18న దంబుల్లాలో శ్రీలంకతో జరిగిన

Published : 19 Aug 2022 01:53 IST

ఇంటర్నెట్ డెస్క్: భారత మాజీ సారథి విరాట్ కోహ్లీ అంతర్జాతీయ క్రికెట్‌లోకి అడుగుపెట్టి నేటితో సరిగ్గా 14 ఏళ్లు అవుతోంది. 2008 ఆగస్టు 18న దంబుల్లాలో శ్రీలంకతో జరిగిన వన్డేతో కెరీర్‌ని ఆరంభించాడు. అనంతరం టీమ్ఇండియాలో కీలక ఆటగాడి మారి తన పదునైన ఆటతీరుతో ఎన్నో రికార్డులను నమోదు చేశాడు. ధోనీ నుంచి కెప్టెన్సీ పగ్గాలు అందుకుని జట్టుని విజయపథంలో నడిపించాడు. 14 ఏళ్ల కెరీర్‌ పూర్తయిన సందర్భంగా విరాట్ కోహ్లీ ఎమోషనల్ అయ్యాడు. ‘14 ఏళ్ల క్రితం ఇదే రోజున అంతర్జాతీయ క్రికెట్‌లోకి అడుగుపెట్టా. ఇది నాకు దక్కిన గొప్ప గౌరవం’ అనే క్యాప్షన్‌ జోడించి ఓ వీడియోని పోస్ట్‌ చేశాడు. 

ఈ సందర్భంగా తన కెరీర్‌లో ఎదురైన పలు అనుభవాలను విరాట్‌ పంచుకున్నాడు. కెరీర్‌లోని ఒత్తిడి కొన్నిసార్లు తన మానసిక ఆరోగ్యంపై ప్రతికూల ప్రభావం చూపిందని కోహ్లీ అన్నాడు. ‘‘నన్ను ఆదరించే, ప్రేమించే వ్యక్తుల మధ్య ఉన్నా కూడా నేను ఒంటరివాడిగా ఫీలైన సందర్భాలున్నాయి. ఇలాంటి పరిస్థితి చాలామందికి ఎదురైందని నేను కచ్చితంగా నమ్ముతున్నా. ఇది చాలా కఠినమైన సమస్య. మనం అన్ని సమయాల్లో బలంగా ఉండటానికి ప్రయత్నించినప్పుడు అది మిమ్మల్ని బాధిస్తుంది. అథ్లెట్లు విశ్రాంతి తీసుకోవడం, ఆటల ఒత్తిడి నుంచి కోలుకోని కోర్ సెల్ఫ్‌తో  తిరిగి కనెక్ట్ కావడం చాలా ముఖ్యం’ అని విరాట్ కోహ్లీ పేర్కొన్నాడు. 

ప్రస్తుతం జింబాబ్వేతో జరుగుతున్న మూడు వన్డేల సిరీస్‌లో విరాట్ కోహ్లీ, రోహిత్‌ శర్మ, భువనేశ్వర్ కుమార్‌, షమీ, బుమ్రాలకు విశ్రాంతినిచ్చారు. ఆగస్టు 27 నుంచి ప్రారంభంకానున్న ఆసియా కప్‌తో విరాట్ తిరిగి మైదానంలోకి అడుగుపెట్టనున్నాడు.


Read latest Sports News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని