Virender Sehwag: పార్థివ్‌కు బెంగళూరు ప్లేఆఫ్స్‌ చేరడం ఇష్టంలేదు: వీరూ

(Photo: Parthiv Patel Instagram)

ఇంటర్నెట్‌డెస్క్‌: బెంగళూరు టీమ్‌ ఈసారి ప్లేఆఫ్స్‌కు వెళ్లడం పార్థివ్‌ పటేల్‌కు ఇష్టం లేదని మాజీ ఓపెనర్‌ వీరేందర్‌ సెహ్వాగ్‌ చిన్న ఝలక్‌ ఇచ్చాడు. దీంతో బెంగళూరు అభిమానులు సామాజిక మాధ్యమాల్లో పార్థివ్‌పై ఆగ్రహం వ్యక్తం చేశారు. తాజాగా సెహ్వాగ్‌ ఓ క్రీడాఛానల్‌తో మాట్లాడుతూ సరదాగా చేసిన వ్యాఖ్యలు చిన్నపాటి దుమారం రేపాయి. లీగ్‌ స్టేజ్‌ చివరి దశలో ముంబయి, దిల్లీ జట్ల మధ్య జరిగిన కీలక పోరులో పటేల్‌కు రోహిత్‌ టీమ్‌ గెలవడం ఇష్టం లేదని, దాంతో బెంగళూరు ఇంటిముఖం పడుతుందని ఆశించాడని సెహ్వాగ్‌ అన్నాడు.

అయితే, ఆ మ్యాచ్‌లో చివరికి ముంబయి గెలిచి బెంగళూరు ప్లేఆఫ్స్‌ చేరడంతో ఆ జట్టు అభిమానులు తనపై మండిపడ్డారని పార్థివ్‌ పేర్కొన్నాడు. తాను ఎప్పుడూ బెంగళూరు ప్లేఆఫ్స్‌ చేరాలని కోరుకుంటానని చెప్పాడు. కావాలంటే తన ఇన్‌స్టాగ్రామ్‌లో రీల్స్‌ కూడా చూడాలన్నాడు. ఈసారి మొదటి నుంచీ తాను బెంగళూరు రెండో స్థానంలో నిలవాలని కోరుకున్నట్లు తెలిపాడు. అయితే, ఆ జట్టు ప్లేఆఫ్స్‌ వెళ్లొద్దని తాను భావించినట్లు పుకార్లు వచ్చాయని స్పష్టం చేశాడు. ఇక ముంబయి, దిల్లీ చివరి లీగ్‌ మ్యాచ్‌లోనూ తాను ముంబయి గెలవాలని ఆ జట్టు జెర్సీ ధరించి మరీ మ్యాచ్‌ను చూడ్డానికి వెళ్లానన్నాడు. అప్పుడు రెడ్‌ మాస్క్‌ ధరించి బెంగళూరుకు మద్దతు తెలిపానని పార్థివ్‌ చెప్పుకొచ్చాడు.

► Read latest Sports News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.