Published : 28 Apr 2022 10:22 IST

Gujarat: రషీద్‌ ఆఖరి బంతికి సిక్సర్‌.. గుజరాత్‌ ఆటగాళ్ల సంబరాలు చూడండి

(Photo: Rashid Khan Instagram)

ముంబయి: హైదరాబాద్‌తో గతరాత్రి జరిగిన మ్యాచ్‌లో గుజరాత్‌ ఆఖరి బంతికి ఉత్కంఠభరితమైన విజయం అందుకోవడంతో ఆ జట్టు ఆటగాళ్లు సంతోషంలో మునిగితేలారు. హైదరాబాద్‌ నిర్దేశించిన 196 పరుగుల భారీ లక్ష్య ఛేదనలో ఆ జట్టు అద్భుతంగా పోరాడింది. దీంతో చివరికి ఐదు వికెట్ల తేడాతో గెలుపొంది పాయింట్ల పట్టికలో (14 పాయింట్లు) అగ్రస్థానంలో దూసుకుపోతోంది. ఆఖరి ఓవర్‌లో ఆ జట్టు విజయానికి 22 పరుగులు అవసరమైన వేళ.. రాహుల్‌ తెవాతియా (40 నాటౌట్‌; 21 బంతుల్లో 4x4, 2x6), రషీద్‌ ఖాన్‌ (31 నాటౌట్‌; 11 బంతుల్లో 4x4) దంచికొట్టారు.

మార్కో జాన్సన్‌ వేసిన ఇన్నింగ్స్‌ 20వ ఓవర్‌లో.. తెవాతియా తొలి బంతికి సిక్సర్‌ బాది రెండో బంతికి సింగిల్‌ తీశాడు. తర్వాత రషీద్‌ మూడో బంతిని సిక్సర్‌గా మలచడంతో చివరి మూడు బంతుల్లో ఆ జట్టు విజయానికి 9 పరుగులు అవసరమయ్యాయి. అయితే, రషీద్‌ నాలుగో బంతిని వదిలేయడంతో ఉత్కంఠ తార స్థాయికి చేరింది. ఈ క్రమంలోనే చివరి రెండు బంతుల్ని సిక్సర్లుగా సంధించడంతో గుజరాత్‌ 5 వికెట్ల తేడాతో విజయం సాధించింది. దీంతో ఓడిపోతామనుకున్న మ్యాచ్‌ గెలవడంతో డగౌట్‌లోని గుజరాత్‌ ఆటగాళ్లు సంబరాల్లో మునిగితేలారు. అలాగే మైదానంలోని తెవాతియా, రషీద్‌ సైతం విజయోత్సాహంలో మునిగిపోయారు. ఆ వీడియోను టోర్నీ నిర్వాహకులు ట్విటర్‌లో పోస్టు చేశారు. అది మీరూ చూసి ఆనందించండి.


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని