Team India U19: 2011లో ధోనీలాగే సిక్సర్‌తో ముగించిన దినేశ్‌ బానా

ఇంటర్నెట్‌డెస్క్‌: టీమ్‌ఇండియా 2011లో ముంబయి వాంఖడే మైదానంలో రెండోసారి వన్డే ప్రపంచకప్‌ను ముద్దాడింది. నాటి కెప్టెన్‌ మహేంద్రసింగ్‌ ధోనీ (91 నాటౌట్‌; 79 బంతుల్లో 8x4, 2x6) విరోచిత బ్యాటింగ్‌తో చివరికి సిక్సర్‌తో మ్యాచ్‌ను గెలిపించాడు. ఆ అద్భుత క్షణాలను భారత క్రీడా అభిమానులెవ్వరూ మర్చిపోరు. ఆ అపురూప దృశ్యం ఇంకా ప్రతి ఒక్కరి కళ్లముందు కదలాడుతూనే ఉంది. అయితే, అచ్చం అలాంటి సంఘటనే ఇప్పుడు అండర్‌-19 ప్రపంచకప్‌లోనూ పునరావృతమైంది. టీమ్‌ఇండియా యువ బ్యాటర్‌, వికెట్‌ కీపర్‌ దినేశ్‌ బానా (13 నాటౌట్‌ ; 5 బంతుల్లో 2x6) గతరాత్రి ఇంగ్లాండ్‌తో జరిగిన ఫైనల్లో సిక్సర్‌తోనే విజయాన్ని అందించాడు. దీంతో ఆ వీడియోను ఇన్‌స్టాలో పంచుకున్న ఐసీసీ.. 2011లో ధోనీ బాదిన సిక్సర్‌ను కూడా అందులో జతచేసింది. ఇప్పుడది నెటిజన్లను విశేషంగా ఆకట్టుకుంటోంది. మీరూ ఆ వీడియోను చూసి ఎంజాయ్‌ చేయండి.