Yuzvendra Chahal: రవీంద్ర జడేజాలా బ్యాట్‌ తిప్పేసిన యుజ్వేంద్ర చాహల్.. వీడియో చూడండి

రాజస్థాన్‌ లెగ్‌స్పిన్నర్‌ యుజ్వేంద్ర చాహల్‌ ఈ సీజన్‌లో అత్యధిక వికెట్ల వీరుడి జాబితాలో దూసుకుపోతున్నాడు...

Published : 15 Apr 2022 01:33 IST

(Photo: Yuzvendra Chahal Instagram)

ఇంటర్నెట్‌డెస్క్‌: రాజస్థాన్‌ లెగ్‌స్పిన్నర్‌ యుజ్వేంద్ర చాహల్‌ ఈ సీజన్‌లో అత్యధిక వికెట్ల వీరుడి జాబితాలో దూసుకుపోతున్నాడు. ఇప్పటివరకు ఆడిన నాలుగు మ్యాచ్‌ల్లోనే 11 వికెట్లు తీసి అందరికన్నా ముందున్నాడు. అయితే, ఇకపై జరిగే మ్యాచ్‌ల్లో అతడు బ్యాట్‌తోనూ రాణించాలని చూస్తున్నాడు. అందుకోసం ప్రత్యేకంగా బ్యాటింగ్‌ ప్రాక్టీస్‌ కూడా చేస్తున్నాడు. అందుకు సంబంధించిన వీడియోను ఆ జట్టు అభిమానులతో పంచుకుంది. చాహల్‌ హెల్మెట్‌కు గో ప్రో కెమెరా పెట్టుకొని బ్యాటింగ్‌ ప్రాక్టీస్‌ చేయగా పలు బంతుల్ని వదిలేశాడు. మరి కొన్నింటిని సిక్సర్లు బాదేందుకు ప్రయత్నించాడు.

అయితే, బ్యాటింగ్‌ ప్రాక్టీస్‌ ముగిశాక నెట్స్‌లో నుంచి బయటకు వస్తున్న అతడు బ్యాట్‌ను చెన్నై కెప్టెన్‌ రవీంద్ర జడేజాలా తిప్పేశాడు. జడ్డూ ఏదైనా మ్యాచ్‌లో అర్ధ శతకం లేదా, శతకం బాదినప్పుడు తన బ్యాట్‌ను కత్తిలా తిప్పడం మనందరికీ తెలిసిందే. ఇప్పుడు చాహల్‌ కూడా అచ్చం అలానే తన బ్యాట్‌ను ఒంటి చేత్తో తిప్పేశాడు. ఆ వీడియో ఇప్పుడు రాజస్థాన్‌ అభిమానులను అలరిస్తోంది. మీరూ ఓ లుక్కేసి ఆనందించండి. కాగా, ప్రస్తుతం రాజస్థాన్‌ టీమ్‌ పాయింట్ల పట్టికలో టాప్‌లో దూసుకుపోతోంది. బౌలింగ్‌లో చాహల్‌, బ్యాటింగ్‌లో జోస్‌ బట్లర్‌ అద్భుతంగా రాణిస్తున్నారు. రాబోయే రోజుల్లోనూ వీరిద్దరూ ఇలాగే చెలరేగితే రాజస్థాన్‌ ప్లేఆఫ్స్‌కు చేరడం ఖాయంలా కనిపిస్తోంది.


Read latest Sports News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని