Bangalore vs Gujarat: గుజరాత్తో కీలకపోరు.. బెంగళూరుకు చావో రేవో..!
భారత టీ20 లీగ్ 15వ సీజన్ లీగ్ స్టేజ్ ముగింపు దశకు చేరుకుంది. ఇంకా నాలుగు మ్యాచ్లే మిగిలి ఉన్నాయి. అందులో ఈరోజు బెంగళూరు, గుజరాత్ తమ చివరి మ్యాచ్లో తలపడనున్నాయి...
ఇప్పుడు ఆ జట్టు పరిస్థితి ఎలా ఉందంటే..
భారత టీ20 టోర్ని 15వ సీజన్ లీగ్ దశ ముగింపునకు చేరుకొంది. కేవలం నాలుగు మ్యాచ్లే మిగిలి ఉన్నాయి. వీటిలో ఈరోజు బెంగళూరు, గుజరాత్ తమ చివరి మ్యాచ్లో తలపడనున్నాయి. గుజరాత్ ఇప్పటికే ప్లేఆఫ్స్ బెర్తు ఖరారు చేసుకోగా బెంగళూరుకు ఇది చావో రేవో తేల్చుకోవాల్సిన మ్యాచ్గా మారింది. మరీ ముఖ్యంగా రన్రేట్ విషయంలో చాలా వెనకపడి ఉండటంతో బెంగళూరు ఈ రోజు భారీ తేడాతోనే నెగ్గాల్సిన పరిస్థితి నెలకొంది. ఈ నేపథ్యంలో ప్రస్తుతం ఆ జట్టు పరిస్థితి ఎలా ఉందో చూద్దాం.
భారమంతా ఇద్దరే మోస్తున్నారు..
(Photo: Faf duplesis Instagram)
ఈ సీజన్లోనూ బెంగళూరు పరిస్థితి ఏమాత్రం మారలేదు. కొత్త జట్టుతో ఆరంభంలో పలు అద్భుత విజయాలతో అందరి దృష్టినీ ఆకర్షించిన ఆ జట్టు తర్వాత మళ్లీ పేలవ ఆటతీరుతో వెనుకబడింది. ముఖ్యంగా బ్యాటింగ్లో పరిస్థితి మరీ దారుణంగా తయారైంది. ఓపెనర్, కెప్టెన్ ఫా డుప్లెసిస్ ఆడితేనే స్కోరుబోర్డుపై పరుగులు కనిపిస్తున్నాయి. లేదంటే చివర్లో దినేశ్ కార్తీక్ ధనాధన్ బ్యాటింగ్తో దంచికొడుతున్నాడు. దురదృష్టం కొద్దీ వీరిద్దరూ విఫలమైతే ఇక బెంగళూరు పరిస్థితి చెప్పుకోవడానికి ఏమీ మిగల్లేదు. టాప్ ఆర్డర్లో మాజీ కెప్టెన్ విరాట్ కోహ్లీ, స్టార్ హిట్టర్ గ్లెన్ మాక్స్వెల్, రజత్ పటిదార్, మహిపాల్ లోమ్రర్ ఇప్పటి వరకు ఏ మాత్రం రాణించలేదు.
(Photo: Dinesh Karthik Instagram)
ఇప్పటివరకు బెంగళూరు తరఫున అత్యధిక పరుగుల బ్యాట్స్మెన్ జాబితాలో డుప్లెసిస్ ఒక్కడే టాప్-10లో 9వ స్థానంలో ఉన్నాడు. అతడు 13 మ్యాచ్ల్లో 33.25 సగటుతో 399 పరుగులు చేసి జట్టును ఆదుకొంటున్నాడు. తర్వాత దినేశ్ కార్తీక్ ఫినిషర్గా వస్తూ దంచికొడుతున్నాడు. అతడు 57 సగటుతో 285 పరుగులు చేశాడు. ఇక కోహ్లీ 13 మ్యాచ్ల్లో కేవలం 19.67 సగటుతో 236 పరుగులే సాధించాడు. మాక్స్వెల్ 10 మ్యాచ్ల్లో 25.33 సగటుతో 228 పరుగులు చేసినా.. భారీ ఇన్నింగ్స్లు లేవు. దీన్నిబట్టి ప్రస్తుతం బెంగళూరు బ్యాటింగ్ ఆర్డర్ పరిస్థితి ఎలా ఉందో అర్థం చేసుకోవచ్చు. ఈ నేపథ్యంలో గుజరాత్పై మ్యాచ్ గెలవాలన్నా.. తర్వాత ప్లేఆఫ్స్ చేరాలన్నా వాళ్ల నుంచి ఇలాంటి ప్రదర్శనలు సరిపోవు. కోహ్లీ, మాక్స్వెల్ ఇకనైనా బ్యాట్లు ఝుళిపించకపోతే ఆశలు వదులుకోవాల్సిందే. మరోవైపు గుజరాత్ జట్టులో ప్రస్తుతం ప్రతి ఒక్కరూ దంచికొడుతున్నారు. ఓపెనర్ల నుంచి ఫినిషర్ల వరకు పోటీపడి మరీ విజయాలు తెచ్చిపెడుతున్నారు. దీంతో బెంగళూరు ఈ మ్యాచ్లో గెలవాలంటే తమ శక్తియుక్తులను ధారపోయాల్సిందే.
బౌలింగ్లోనూ ఇద్దరే మెరుస్తున్నారు..
(Photo: Wanindu Hasaranga Instagram)
ఇక బెంగళూరు బౌలింగ్ విషయానికి వస్తే వానిండు హసరంగ, హర్షల్ పటేల్ మాత్రమే రాణిస్తున్నారు. వీరిద్దరూ వికెట్లు తీస్తూనే పొదుపుగా బౌలింగ్ చేస్తున్నారు. ప్రస్తుతం హసరంగ 13 మ్యాచ్ల్లో 7.48 ఎకానమీతో 23 వికెట్లు పడగొట్టాడు. దీంతో అత్యధిక వికెట్లు తీసిన వారిలో రెండో స్థానంలో నిలిచాడు. మరోవైపు హర్షల్ 12 మ్యాచ్ల్లో 7.72 ఎకానమీతో 18 వికెట్లు తీశాడు. అతడు ఏడో స్థానంలో కొనసాగుతున్నాడు. అయితే, బెంగళూరులో ప్రధాన పేసర్ అయిన మహ్మద్ సిరాజ్ తన స్థాయికి తగ్గట్లు ప్రభావం చూపలేకపోతున్నాడు. అతడు 13 మ్యాచ్ల్లో 9.82 ఎకానమీతో 8 వికెట్లే సాధించాడు. ఇక జోష్ హేజిల్వుడ్ 9 మ్యాచ్ల్లో 7.88 ఎకానమీతో 13 వికెట్లు తీసి మోస్తరుగా రాణిస్తున్నాడు. అలాగే పార్ట్టైమ్ స్పిన్నర్గా మాక్స్వెల్ 8 ఇన్నింగ్స్ల్లో బౌలింగ్ చేసి 7.05 ఎకానమీతో 5 వికెట్లు తీశాడు. దీంతో పొదుపుగా బౌలింగ్ చేస్తున్నా మరిన్ని వికెట్లు తీయాల్సిన అవసరం ఉంది. ఈ నేపథ్యంలో ఈ కీలక ఆటగాళ్లంతా తమ అనుభవాన్ని మొత్తం రంగరించి ఈ మ్యాచ్లో రాణిస్తే తప్ప గుజరాత్పై విజయం సాధించే పరిస్థితి లేదు.
గత మ్యాచ్ల పరిస్థితి..
(Photo: Harshal Patel Instagram)
బెంగళూరు తన చివరి ఐదు మ్యాచ్ల్లో మూడు ఓటములు, రెండు విజయాలు సాధించింది. అలాగే గుజరాత్ మూడు విజయాలు, రెండు ఓటములు సాధించింది. మరోవైపు ఇరు జట్ల మధ్య ఇంతకుముందు జరిగిన మ్యాచ్లోనూ గుజరాత్దే పైచేయిగా నిలిచింది. దీంతో ఎలా చూసినా ప్రస్తుత పరిస్థితుల్లో బెంగళూరు కన్నా గుజరాత్ జట్టే మెరుగ్గా ఉంది. దీంతో బెంగళూరు ఇప్పుడు ఆ జట్టును ఓడించడం చాలా కష్టమనే చెప్పాలి. అయినా, గట్టిగా ప్రయత్నిస్తే దాన్ని ఓడించడం పెద్ద కష్టమేం కాదు.
- ఇంటర్నెట్డెస్క్ ప్రత్యేకం..
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
ఐపీఎల్లో ఫినిషర్గా అదరగొడుతున్న ఎంఎస్ ధోనీ (MS Dhoni)ని టీ20 వరల్డ్కప్నకు ఎంపిక చేయాలనే ఆలోచనను పలువురు మాజీలు కోరుతున్నారు. -
ఈ బర్త్డే ఎంతో స్పెషల్.. వారి నుంచే నాకు ఫస్ట్ విషెస్: సచిన్
భారత మాజీ క్రికెటర్ సచిన్ తెందూల్కర్ (Sachin Tendulkar) బర్త్ డే సందర్భంగా పెద్దఎత్తున శుభాకాంక్షలు వచ్చాయి. మాజీ క్రికెటర్లు ప్రత్యేకంగా పోస్టులు పెట్టారు. -
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
T20 Worldcup 2024 - BCCI: వచ్చే టీ20 ప్రపంచకప్ కోసం ఏ 15 మందిని ఎంపిక చేస్తే బాగుంటుంది. -
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
ప్రస్తుత ఐపీఎల్ సీజన్లో అత్యంత దారుణంగా ట్రోలింగ్కు గురైన కెప్టెన్ హార్దిక్ పాండ్య (Hardik Pandya). ఏ మైదానంలో చూసినా అతడిని హేళన చేస్తూ ఫ్యాన్స్ హోరెత్తించారు. -
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్
లఖ్నవూ చేతిలో చెన్నైకి వరుసగా రెండో ఓటమి ఎదురైంది. ఈసారి సొంత మైదానంలోనే పరాజయం పొందడంతో ఆ జట్టు అభిమానులను నిరాశకు గురి చేస్తోంది. -
ఆ ఇద్దరికి నో ప్లేస్.. వన్డౌన్ బ్యాటర్గా అతడే: ఇర్ఫాన్ పఠాన్
మరో మూడు రోజుల్లో టీ20 ప్రపంచ కప్ కోసం భారత జట్టును ప్రకటించే అవకాశం ఉంది. ఈ నేపథ్యంలో ఇర్ఫాన్ పఠాన్ తన టీమ్ను వెల్లడించాడు. -
ఉచిత ఆధార్ కోసం వార్నర్ పరుగులు.. వీడియో చూశారా..?
David Warner: దిల్లీ ఆటగాడు డేవిడ్ వార్నర్.. భారత గుర్తింపు కార్డు ఆధార్ కోసం పరిగెడుతున్నాడు. ఈ వీడియో ఇప్పుడు నెట్టింట చక్కర్లు కొడుతోంది. ఇందులో అతడు హిందీలో మాట్లాడటం విశేషం. -
టీ20 ప్రపంచ కప్ కోసం నేనూ రేసులో ఉన్నా: లఖ్నవూ సెంచరీ హీరో
సెంచరీతో చెన్నైపై భారీ లక్ష్యాన్ని ఛేదించడంలో లఖ్నవూ బ్యాటర్ స్టాయినిస్ కీలక పాత్ర పోషించాడు. ఒకదశలో ఓడిపోతామని భావించిన ఆ జట్టును చివరి వరకూ క్రీజ్లో ఉండి విజయతీరాలకు చేర్చాడు. -
14 ఓవర్ల వరకూ మాదే పైచేయి.. ఆ ఒక్క కారణంతోనే మా ఓటమి: రుతురాజ్
చెన్నై కెప్టెన్ రుతురాజ్ సెంచరీతో అలరించినా.. లఖ్నవూ జట్టే విజయం సాధించింది. మార్కస్ స్టాయినిస్ కీలకమైన శతకంతో తన జట్టును గెలిపించాడు. -
అక్కడ బుర్ర పగిలిపోతుంది: అంబటి రాయుడు
చెన్నై సూపర్ కింగ్స్, ముంబయి ఇండియన్స్ జట్లలో పూర్తిగా భిన్నమైన సంస్కృతి ఉంటుందని భారత మాజీ ఆటగాడు అంబటి రాయుడు అన్నాడు. ముంబయికి గెలుపే లక్ష్యంగా ఉంటుందని.. చెన్నై మాత్రం ప్రక్రియపై నమ్మకం ఉంచుతుందని రాయుడు తెలిపాడు. -
లఖ్నవూ.. అక్కడా ఇక్కడా!
ఐపీఎల్లో ఎంతో నిలకడగా ఆడే జట్లలో చెన్నై సూపర్కింగ్స్ ఒకటి. లఖ్నవూతో మ్యాచ్ అంటే చెన్నైనే ఎక్కువమంది ఫేవరెట్గా పరిగణిస్తారు. కానీ ఆ జట్టు చేతిలో సూపర్కింగ్స్కు వరుసగా రెండు ఓటములు తప్పలేదు. -
మెరిసిన జ్యోతి సురేఖ
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ మెరిసింది. మంగళవారం మహిళల కాంపౌండ్ అర్హత రౌండ్లో సురేఖ (711) రెండో స్థానం సాధించింది. ఆండ్రియా బెకెరా (713- మెక్సికో) అగ్రస్థానంలో నిలిచింది. -
శ్రీజ నం.1
అంతర్జాతీయ స్థాయిలో వరుస విజయాలతో సత్తా చాటుతున్న తెలుగమ్మాయి ఆకుల శ్రీజ మరో ఘనత అందుకుంది. టీటీ మహిళల సింగిల్స్లో కెరీర్లో అత్యుత్తమంగా 38వ ర్యాంకు సాధించిన శ్రీజ.. -
ఆసియా జూనియర్ అథ్లెటిక్స్కు ‘లక్ష్య’ హిమతేజ
ఈనాడు సీఎస్ఆర్ కార్యక్రమం ‘లక్ష్య’ క్రీడాకారుడు వల్లిపి హిమతేజ అంతర్జాతీయ వేదికపై సత్తాచాటేందుకు సిద్ధమయ్యాడు. బుధవారం ప్రారంభంకానున్న ఆసియా జూనియర్ (అండర్-20) అథ్లెటిక్స్ ఛాంపియన్షిప్లో తన అదృష్టం పరీక్షించుకోనున్నాడు. -
టొరంటోలో భారత భూకంపం
అంచనాలను తలకిందులు చేస్తూ క్యాండిడేట్స్ చెస్ టోర్నీలో విజేతగా నిలిచిన భారత టీనేజ్ సంచలనం, గ్రాండ్మాస్టర్ గుకేశ్పై రష్యా దిగ్గజ క్రీడాకారుడు గ్యారీ కాస్పరోవ్ ప్రశంసల జల్లు కురిపించాడు. -
విండీస్కు ఆడను
టీ20 ప్రపంచకప్ కోసం రిటైర్మెంట్ వీడి తిరిగి అంతర్జాతీయ క్రికెట్లోకి రాబోనని వెస్టిండీస్ మాజీ బౌలింగ్ ఆల్రౌండర్ సునీల్ నరైన్ స్పష్టం చేశాడు. ఐపీఎల్లో కోల్కతా తరఫున అతడు విశేషంగా రాణిస్తున్న సంగతి తెలిసిందే. -
జకోవిచ్కు లారియస్ అవార్డు
టెన్నిస్ స్టార్ నొవాక్ జకోవిచ్.. లారియస్ స్పోర్ట్స్పర్సన్ ఆఫ్ ద ఇయర్ అవార్డును అందుకున్నాడు. మాడ్రిడ్లో జరిగిన లారియస్ అవార్డుల కార్యక్రమంలో అమెరికా జిమ్నాస్ట్ సిమోన్ బైల్స్.. కమ్బ్యాక్ ఆఫ్ ద ఇయర్ పురస్కారాన్ని గెలుచుకుంది. -
జుట్టు కత్తిరించడమే మార్గమనుకుని..
పారిస్ ఒలింపిక్స్ క్వాలిఫయర్స్ ఆరంభానికి ముందు రోజు బరువును తగ్గించుకోవడం కోసం చాలా ఇబ్బందిపడ్డానని వినేశ్ తెలిపింది. 50 కేజీల విభాగంలో పోటీపడాల్సి ఉండగా నిర్ణీత బరువు కంటే కాస్త ఎక్కువ ఉండడంతో కలవరం రేగిందని ఆమె తెలిపింది.
తాజా వార్తలు (Latest News)
-
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
భారాస అధినేత కేసీఆర్ కాన్వాయ్లో ప్రమాదం
-
మూడోసారి అంతరిక్షంలోకి.. సిద్ధమవుతోన్న సునీతా విలియమ్స్
-
Sunetra Pawar: ఎన్నికల వేళ.. రూ.25 వేల కోట్ల స్కామ్ కేసులో సునేత్ర పవార్కు క్లీన్ చిట్
-
గగనతలంలో ‘అమ్మ’కు సర్ప్రైజ్.. బుడతడి ఐడియా అదుర్స్