మెగా టోర్నీలో అత్యధిక సెంచరీల వీరులు వీరే!
టెస్టులు.. వన్డేల్లో సెంచరీలు బాదడం పెద్ద కష్టమేమీ కాదు. కాస్త క్రీజ్లో కుదురుకుంటే సరిపోద్ది.. అదే పొట్టి ఫార్మాట్లో...
క్రిస్ గేల్ను అధిగమించేందుకు విరాట్కు మంచి అవకాశం..
టెస్టులు.. వన్డేల్లో సెంచరీలు బాదడం పెద్ద కష్టమేమీ కాదు. కాస్త క్రీజ్లో కుదురుకుంటే చాలు. అదే పొట్టి ఫార్మాట్లో శతకం చేయడమంటే సాధారణ విషయం కాదు. ఎందుకంటే ఉండేదే 120 బంతులు.. బౌలింగ్ను అర్థం చేసుకుని ఆడతామనుకుంటే ఇక్కడ కుదరదు. అయితే ఓపెనర్లు, వన్డౌన్లో బ్యాటింగ్కు దిగేవారికి మాత్రం కాస్త అవకాశం ఉంటుంది . అయితే.. తొలి బంతి నుంచే వీర బాదుడు మొదలెట్టాలి. మెగా టోర్నీలో ఈ విధంగా అత్యధికంగా సెంచరీలను సాధించిన ఆటగాళ్లు ఎవరు.. వారు ఎన్ని పరుగులు చేశారు.. ఓ సారి తెలుసుకుందాం..
- యూనివర్సల్ బాస్ క్రిస్ గేల్ సుడిగాలి ఇన్నింగ్స్లను ఆడటంలో దిట్ట. గత సీజన్ వరకు 142 మ్యాచుల్లో 141 ఇన్నింగ్స్ల్లో ఆరు శతకాలను బాదాడు. మరో 31 అర్ధశతకాలూ తన ఖాతాలో ఉన్నాయి. 148.96 స్ట్రైక్రేట్తో 4,965 పరుగులు చేశాడు. ఎక్కువ శతకాలు చేసిన బ్యాటర్ ఇతడే. అయితే గత కొన్నేళ్లుగా ఫామ్ పరంగా ఇబ్బంది పడుతుండటంతో ఈసారి ఏ జట్టూ కొనుగోలు చేసేందుకు ముందుకు రాలేదు.
- అత్యధిక సెంచరీలు చేసిన జాబితాలో టీమ్ఇండియా మాజీ సారథి విరాట్ కోహ్లీ రెండో స్థానంలో ఉన్నాడు. ఒకే సీజన్లో అత్యధిక పరుగులు చేసిన బ్యాటర్గానూ (973) రికార్డు సృష్టించాడు. 2016వ సీజన్లో ఈ ఘనత అందుకున్నాడు. 207 మ్యాచుల్లో 199 ఇన్నింగ్స్లు ఆడి ఐదు శతకాలు సాధించాడు. అంతేకాకుండా మరో 42 హాఫ్ సెంచరీలను కొట్టాడు. 129.95 సగటుతో 6,283 పరుగులు చేసిన ‘రన్ మిషన్’ ఈ సారి కెప్టెన్సీ బాధ్యతల నుంచి తప్పుకొని బెంగళూరు తరఫున బ్యాటర్గా బరిలోకి దిగుతున్నాడు. క్రిస్ గేల్ శతకాల రికార్డును అధిగమించే సత్తా ఉన్నవారిలో విరాట్ కోహ్లీ ముందు వరుసలో ఉన్నాడు.
- తన కెప్టెన్సీతో హైదరాబాద్కు టైటిల్ను అందించిన డేవిడ్ వార్నర్ మూడుసార్లు ఎక్కువ పరుగులు చేసిన బ్యాటర్గా నిలిచాడు. గత సీజన్ వరకు 150 మ్యాచ్ల్లో 139.97 సగటుతో నాలుగు శతకాలు సాధించాడు. అదే విధంగా 5,449 పరుగులు చేశాడు. ఇందులో 50 అర్ధశతకాలు ఉండటం విశేషం. ఈ సారి దిల్లీ అతడిని సొంతం చేసుకుంది.
- ఆసీస్ మాజీ ఆల్రౌండర్ షేన్ వాట్సన్ క్రీజ్లో ఉంటే భారీ షాట్లను అలవోకగా కొట్టేయగలడు. ఓపెనర్ నుంచి మిడిలార్డర్ వరకూ ఏ స్థానంలోనైనా పరుగులు రాబడతాడు. మెగా టోర్నీలో 145 మ్యాచ్లకుగాను 141 ఇన్నింగ్స్ల్లో 3,874 పరుగులు చేశాడు. అందులో నాలుగు శతకాలు, 21 అర్ధశతకాలు ఉన్నాయి. క్రికెట్కు వీడ్కోలు పలికిన వాట్సన్ ప్రస్తుత సీజన్లో దిల్లీకి సహాయక కోచ్గా సేవలందించేందుకు సిద్ధమయ్యాడు.
- మిస్టర్ 360.. మైదానం నలువైపులా షాట్లు కొట్టగలిగే ఏబీడీ తెలియని వారుండరు. క్రికెట్కు వీడ్కోలు పలికిన అతడి ఖాతాలో మూడు ఐపీఎల్ శతకాలు ఉన్నాయి. బెంగళూరు తరఫున కీలక ఇన్నింగ్స్లను ఆడిన ఏబీడీ 5,162 పరుగులు చేశాడు. మొత్తం 184 మ్యాచుల్లో 170 ఇన్నింగ్స్ల్లో మూడు శతకాలు, 40 అర్ధశతకాలు సాధించాడు.
- రాజస్థాన్ కెప్టెన్ సంజూ శాంసన్ టీమ్ఇండియా తరఫున ఆడింది తక్కువే అయినా ఈ మెగా టోర్నీలో మాత్రం మూడు శతకాలను నమోదు చేశాడు. గత సీజన్ వరకు 121 మ్యాచులకుగాను 117 ఇన్నింగ్స్ల్లో 134.21 సగటుతో 3,068 పరుగులు చేశాడు. ఇందులో మూడు సెంచరీలు, 15 అర్ధశతకాలు ఉన్నాయి. వరుసగా మూడో సీజన్లో రాజస్థాన్కు నాయకత్వం వహిస్తోన్న ఈ యువక్రికెటర్కూ క్రిస్ గేల్ రికార్డు బద్దలు కొట్టే అవకాశం ఉంది.
- శిఖర్ ధావన్, అజింక్య రహానె, కేఎల్ రాహుల్, బ్రెండన్ మెక్కల్లమ్, వీరేంద్ర సెహ్వాగ్, మురళీ విజయ్, ఆడమ్ గిల్క్రిస్ట్, బెన్ స్టోక్స్, హషీమ్ ఆమ్లా తదితరులు ఐపీఎల్లో రెండేసి శతకాలను నమోదు చేశారు. అయితే ప్రస్తుత సీజన్లో ధావన్, రహానె, కేఎల్ రాహుల్ మాత్రమే ఆడుతున్నారు. వీరిలోనూ ఫామ్ పరంగా చూసుకుంటే ధావన్, రాహుల్ మెరుగ్గా ఉన్నారు. రహానెకు తుది జట్టులో స్థానం దక్కడమూ కష్టమే.
- ప్రస్తుత సీజన్ ఆడే ఆటగాళ్లలో ముంబయి సారథి రోహిత్ శర్మ, అంబటి రాయుడు, మనీశ్ పాండే, స్టీవ్ స్మిత్, రిషభ్ పంత్, డికాక్, మయాంక్ అగర్వాల్, వృద్ధిమాన్ సాహా, జోస్ బట్లర్, జానీ బెయిర్స్టో, దేవ్దుత్ పడిక్కల్, డేవిడ్ మిల్లర్ తలో ఒక్కో సెంచరీ నమోదు చేశారు. అయితే క్రిస్ గేల్ రికార్డును బద్దలు కొట్టాలంటే ఇంకో ఆరు శతకాలను చేయాల్సి ఉంటుంది. మరి ఈ సీజన్లో ఏం చేస్తారో చూడాల్సిందే.
- మాజీ ఆటగాళ్లు కొందరు సైతం సెంచరీలను కొట్టారు. సచిన్ తెందూల్కర్, షాన్మార్ష్, యూసఫ్ పఠాన్, మైకెల్ హస్సీ, మహేల జయవర్థెనె, లెండ్ సిమన్స్, కెవిన్ పీటర్సెన్, ఆండ్రూ సైమండ్స్, సనత్ జయసూర్య, పాల్ వాల్తటీ శతకాలతో రాణించారు. వీరందరూ తక్కువ మ్యాచుల్లోనే ఈ ఫీట్ను సాధించడం విశేషం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కేఎల్ రాహుల్ కెప్టెన్ ఇన్నింగ్స్.. చెన్నైకి చెక్
ఏక్నా స్టేడియంలోని నెమ్మదైన పిచ్పై స్కోరు 160 దాటిందంటే ఛేదన కష్టమే. ఓ దశలో చెన్నై 150 అయినా చేస్తుందా అనుకుంటే.. గత మ్యాచ్లో ముంబయిపై చెలరేగినట్లే మహేంద్రసింగ్ ధోని ఈ మ్యాచ్లోనూ ఆఖర్లో మెరుపు ఇన్నింగ్స్ ఆడడంతో చెన్నై స్కోరు 176కు చేరుకుంది. -
ధోని.. ఇంకా నాటౌటే
చివరి సీజన్గా భావిస్తున్న ఈ ఐపీఎల్లో బ్యాటింగ్ చేస్తోంది తక్కువసేపే అయినా అభిమానులను ఉర్రూతలూగిస్తున్నాడు ధోని. -
కుర్రాళ్లు కుమ్మేస్తున్నారు
ఛేదనలో నాలుగైదు వికెట్లు పడ్డాయా? అయినా భయం లేదు తామున్నామంటూ సత్తాచాటుతున్నారు. -
బుమ్రా బౌలింగ్లో స్వీప్ షాట్.. నా కల!
అశుతోష్ శర్మ.. ఈ ఐపీఎల్లో గట్టిగా వినిపిస్తున్న కొత్త పేరు. -
రేసులో గుకేశ్ ఒక్కడే..
క్యాండిడేట్స్ చెస్ టోర్నమెంట్లో భారత యువ కెరటం గుకేశ్ మళ్లీ ఆధిక్యంలోకి వచ్చాడు. -
మెరిసిన ఇషా, భవేష్
ఒలింపిక్స్ సెలెక్షన్ ట్రయల్స్లో అగ్రశ్రేణి షూటర్లు ఇషా సింగ్, భవేష్ షెకావత్ మెరిశారు. -
దీపకు నాలుగో స్థానం
దోహాలో జరిగిన జిమ్నాస్టిక్స్ ప్రపంచకప్ను భారత స్టార్ దీప కర్మాకర్ నాలుగో స్థానంతో ముగించింది. -
భారత రెజ్లర్లు విఫలం
ఆసియా ఒలింపిక్ క్వాలిఫయర్స్లో భారత పురుష రెజ్లర్లు విఫలమయ్యారు. -
విమానం ఆలస్యమై...
భారత ఉత్తమ రెజ్లర్లలో ఇద్దరైన దీపక్ పునియా (86 కేజీలు), సుజీత్ కలాకల్ (65 కేజీలు)కు నిరాశ తప్పలేదు. -
రాకెట్ వదిలేద్దాం అనుకున్నా
గత కొన్నేళ్లలో కెరీర్లో ఎంతో క్లిష్ట పరిస్థితిని ఎదుర్కొన్నానని.. ఒకటికి రెండుసార్లు బ్యాడ్మింటన్కు వీడ్కోలు చెప్పాలని భావించానని భారత డబుల్స్ స్టార్ అశ్విని పొన్నప్ప తెలిపింది. -
చెరువుల సంరక్షణ కోసం ఆర్సీబీ
ఐపీఎల్ జట్టు రాయల్ ఛాలెంజర్స్ బెంగళూరు ఓ బృహత్తర కార్యక్రమాన్ని చేపట్టింది.
తాజా వార్తలు (Latest News)
-
‘ఉండి’ అభ్యర్థిగా 22న నామినేషన్: రఘురామ
-
జగన్ ఎదుటే జనసేనానికి జేజేలు.. విద్యార్థుల నినాదాలతో అవాక్కయిన సీఎం
-
తెదేపా కార్యాలయం వద్ద టాస్క్ఫోర్స్ కదలికలు
-
ఒలింపిక్స్లో పతకం తెస్తే బీఎండబ్ల్యూ కారు
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!