WTC Final: కోహ్లీసేన పరాభవానికి 5 కారణాలు!
ఐసీసీ అరంగేట్రం ప్రపంచ టెస్టు ఛాంపియన్షిప్ ముగిసింది. ఈ రెండేళ్లలో టీమ్ఇండియా అద్భుత విజయాలతో అలరించింది. ఆరు సిరీసులాడి ఐదింట్లో విజయ దుందుభి మోగించింది. ఈ మొత్తం జైత్రయాత్రలో కోహ్లీసేనకు ఘోరమైన పరాజయాలు...
టీమ్ఇండియాకు గదను దూరం చేసిన లోపాలు
ఐసీసీ అరంగేట్ర ప్రపంచ టెస్టు ఛాంపియన్షిప్ ముగిసింది. ఈ రెండేళ్లలో టీమ్ఇండియా అద్భుత విజయాలతో అలరించింది. ఆరు సిరీసులాడి ఐదింట్లో విజయ దుందుభి మోగించింది. ఈ మొత్తం జైత్రయాత్రలో కోహ్లీసేనకు ఘోరమైన పరాజయాలు పరిచయం చేసింది మాత్రం ఒక్క న్యూజిలాండే. ఆఖరికి ఫైనల్లోనూ అదే జట్టు భారత్కు ‘గద’ దక్కకుండా చేసింది. స్థూలంగా పరిశీలిస్తే విరాట్ సేన ఓటమికి ఐదు కారణాలు కనిపిస్తున్నాయి. అవేంటంటే..!
సన్నద్ధత లేదు
ఫైనల్ ముందు టీమ్ఇండియాకు సరైన సన్నద్ధత లభించలేదు. కరోనా వైరస్తో ఐపీఎల్ నిరవధికంగా వాయిదా పడటంతో ఆటగాళ్లంతా ఇళ్లకు చేరుకున్నారు. ఆ తర్వాత ముంబయిలో క్వారంటైన్ అయ్యారు. మళ్లీ ఇంగ్లాండ్కు వచ్చాక 3 రోజులు కఠిన, 7 రోజులు సాధారణ క్వారంటైన్లో గడిపారు. అయితే వారం రోజుల్లో మైదానంలో సాధన శిబిరాల్లో మాత్రమే పాల్గొన్నారు. వారికి మ్యాచ్ ప్రాక్టీస్ లభించలేదు. మొత్తం ఆటగాళ్లు రెండు బృందాలుగా విడిపోయి ఒక అంతర్గత మ్యాచ్ ఆడారంతే. సాధారణంగా ఇంగ్లాండ్ వంటి దేశాల్లో సిరీసులకు ముందు సన్నాహక మ్యాచులు ఆడటం అత్యంత కీలకం. అప్పుడే అక్కడి వాతావరణం, పరిస్థితులు, పిచ్లకు అలవాటు పడగలరు. బీసీసీఐ చేయని ఓ పని కివీస్ బోర్డు చేసింది. ఫైనల్కు ముందు రూట్ సేనతో రెండు మ్యాచులు ఏర్పాటు చేసింది. ఆ సిరీస్లో విజయం అందుకోవడమూ విలియమ్సన్ జట్టులో ఆత్మవిశ్వాసం నింపింది.
వరుణుడి దెబ్బ
కోహ్లీసేన పరాజయానికి కారణాల్లో రెండోది సౌథాంప్టన్, అక్కడి వాతావరణం. ఇంగ్లిష్ సమ్మర్ కాబట్టి భారత్కు అనుకూలమైన పొడి వాతావరణం ఉంటుందని ఎంతోమంది అంచనా వేశారు. కానీ అవన్నీ తప్పని ‘వరుణ దేవుడు’ నిరూపించాడు. మ్యాచ్ ఆరంభానికి రెండ్రోజుల ముందు నుంచే అక్కడ వర్షం కురవడం మొదలైంది. తొలిరోజు పూర్తిగా వర్షార్పణం అయింది. రెండో రోజు రెండు సెషన్ల ఆటే సాగింది. మూడో రోజూ అంతే. మళ్లీ నాలుగో రోజు మొత్తంగా ఆట సాగలేదు. ఇలాంటి అంతరాయాలతో భారత బ్యాటింగ్ లయ దెబ్బతింది. వారు క్రీజులో నిలదొక్కుకోలేకపోయారు. సాధారణంగా మ్యాచ్ మధ్యలో అంతరాయాలు వస్తే బ్యాట్స్మెన్కు చిరాకుగా ఉంటుందని, మానసికంగా ఇబ్బంది పడతారని విశ్లేషకులు చెబుతున్నారు. టీమ్ఇండియా ఇందుకు మినహాయింపేమీ కాదంటున్నారు.
స్వింగ్కు చిత్తు
ఆకాశం మబ్బులు పట్టినప్పుడు, చల్లని వాతావరణం ఉన్నప్పుడు టీమ్ఇండియా బ్యాటింగ్ బలహీనతలు మళ్లీ మళ్లీ బయటపడుతున్నాయి. సాధారణంగా ఇంగ్లాండ్లో బ్యాటింగ్ చేస్తే ఓపెనర్లు త్వరగా ఔటవ్వడం చూస్తుంటాం. ఈ సారి ఓపెనర్లు రోహిత్ శర్మ, శుభ్మన్ గిల్ ఫర్వాలేదనిపిస్తే.. మిడిలార్డర్, లోయర్ మిడిలార్డర్ బ్యాట్స్మెన్ మాత్రం పూర్తిగా విఫలమయ్యారు. భారత్లోనూ చల్లని ప్రదేశాల్లో స్టేడియాలు నిర్మించి సాధన చేయిస్తే ఈ బలహీనతల నుంచి బయటపడొచ్చు. ఫైనల్లో ఓపెనర్లు ఇచ్చిన శుభారంభాలను టీమ్ఇండియా కొనసాగించలేకపోయింది. విరాట్ కోహ్లీ ఒక ఇన్నింగ్స్లో అద్భుతంగా ఆడినా మరో ఇన్నింగ్స్లో తడబడ్డాడు. అజింక్య రహానె, చెతేశ్వర్ పుజారా సైతం పరుగులేమీ చేయలేదు. రిషభ్ పంత్ సుదీర్ఘ ఇన్నింగ్స్లు ఆడాల్సిన అవసరం కనిపించింది. ఇక అశ్విన్, జడేజా.. ఆఖర్లో ఇషాంత్, బుమ్రా, షమి తలో పది పరుగులైనా చేసుంటే పరిస్థితి వేరేలా ఉండేదేమో! కివీస్లో టిమ్ సౌథీ (30), జేమీసన్ (21) కలిసి 51 పరుగులు చేశారు. ఇంగ్లాండ్లో లోయర్ ఆర్డర్ చేసిన పరుగులే మ్యాచులు గెలిపిస్తాయనడంలో సందేహమే లేదు. విచిత్రమేంటంటే.. గత ఆరు ఇన్నింగ్స్ల్లో న్యూజిలాండ్పై టీమ్ఇండియా 250+ స్కోరు చేయనేలేదు.
పేస్ ఆల్రౌండర్ కొరత
టీమ్ఇండియా పటిష్ఠమైన జట్టనడంలో సందేహమే లేదు! కానీ జట్టు కూర్పు, సమతూకంలో మాత్రం ఇబ్బందులు కనిపించాయి. ముఖ్యంగా కోహ్లీసేనలో పేస్ బౌలింగ్ ఆల్రౌండర్ లేని కొరత స్పష్టంగా తెలిసింది. ఇంగ్లాండ్ పిచ్లపై వేగంతో పాటు స్వింగ్ చేసే బౌలర్లు అవసరం. హార్దిక్ పాండ్య లేదా శార్దూల్ ఠాకూర్ను తీసుకొని ఉంటే పరిస్థితి మరోలా ఉండేది! ఫిట్నెస్ ఇబ్బందులతో పాండ్య బౌలింగ్ చేయడం లేదు. దాంతో అతడిని ఇంగ్లాండ్ పర్యటనకు ఎంపిక చేయలేదు. ఎండకాస్తుందనే ఉద్దేశంతో జడ్డూ, యాష్ ఇద్దరినీ ఆడించడంతో శార్దూల్కు చోటు దొరకలేదు. నిజానికి వారిద్దర్లో ఎవరో ఒకరుంటే పరుగులు చేయడం వికెట్లు తీయడంలో సాయంగా ఉండేవారు. తొలిరోజు వర్షం కురిసినప్పుడైనా జట్టును మార్చి అదనపు పేసర్ను తీసుకున్నా బాగుండేదని కొందరు అంటున్నారు. షమి, ఇషాంత్, బుమ్రా కట్టుదిట్టంగా బంతులేసినప్పటికీ వికెట్లు తీసేందుకు ప్రత్యేక ప్రణాళికలేమీ వేయనట్టే అనిపించింది. బ్యాటింగ్ విభాగంలోనూ ఆ లోటు కనిపించింది.
ప్రతివ్యూహం ఏది?
భారత్లో కనిపించిన మరో లోపం కివీస్ బౌలింగ్ దాడికి ప్రతిఘటన లేకపోవడం. న్యూజిలాండ్లో పర్యటించినప్పుడే అక్కడి బౌలర్లు టీమ్ఇండియాకు చుక్కలు చూపించారు. బంతులను స్వింగ్ చేస్తూ క్రాస్సీమ్తో ఇబ్బంది పెట్టారు. ఇంగ్లాండ్లోనూ అచ్చంగా అవే పరిస్థితులు ఉంటాయి. అలాంటప్పుడు కివీస్ బౌలింగ్ వ్యూహాలకు ప్రతి వ్యూహాలు రచించాలి. కానీ కైల్ జేమీసన్, టిమ్ సౌథీ, ట్రెంట్ బౌల్ట్ బంతుల్ని ఎదుర్కొనేందుకు ప్రత్యేక కసరత్తులు చేయలేదని అనిపిస్తోంది. కివీస్ బౌలర్లు పదేపదే ఆఫ్ స్టంప్కు దూరంగా బంతులను స్వింగ్ చేశారు. హఠాత్తుగా ఇన్స్వింగర్లు వేసి వికెట్ల ముందు దొరకబుచ్చుకున్నారు. కొన్ని బంతులు ఆడాలో వద్దో నిర్ణయించుకోలేక భారత క్రికెటర్లు సందిగ్ధంలో పడిపోయారు. అవి బ్యాటు అంచులకు తగిలి కీపర్కు లేదా స్లిప్లో ఫీల్డర్లకు దొరికేశాయి. విరాట్ కోహ్లీ, అజింక్య రహానె, పుజారాను వారు ఇలాగే ఔట్ చేశారు. ఎక్కడా గతి తప్పిన బంతులు విసరలేదు. కోహ్లీసేన ఆత్మరక్షణతో ఆడుతూ బౌలర్లపై దాడి చేయకపోవడంతో వారు ఒకే ప్రాంతాల్లో బంతులేసి ఫలితం రాబట్టారు.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కోహ్లీ Vs గంభీర్.. రస్సెల్ Vs సిరాజ్.. రింకు Vs యశ్.. ఆధిపత్యం ఎవరిదో?
బెంగళూరు - కోల్కతా జట్ల మధ్య ఆసక్తికర పోరు నేడు. ఇరు జట్లలోనూ కీలక ఆటగాళ్లు ఉన్నారు. -
కోహ్లీ అటువైపు చూస్తే ఏమవుతుందో..: బెంగళూరు మాజీ క్రికెటర్
బెంగళూరు, కోల్కతా జట్ల మధ్య మ్యాచ్ నేపథ్యంలో అందరి దృష్టి ఇద్దరి క్రికెటర్లపైనే ఉంది. -
అప్పుడు ధోనీ నన్ను ఎత్తుకోవడం ఎంతో ఆనందం కలిగించింది..: రవీంద్ర జడేజా
ధోనీతో తనకున్న అనుబంధాన్ని ఓ ఇంటర్వ్యూలో రవీంద్ర జడేజా గుర్తు చేసుకున్నాడు. -
మాకు కొత్త కెప్టెన్ ఉన్నాడు..: యాంకర్ ప్రశ్నకు ధోనీ సమాధానం
సమయస్ఫూర్తి ప్రదర్శించడంలో ధోనీ తర్వాతే ఎవరైనా. తాజాగా ఓ ఇంటర్వ్యూలో అతడు ఇచ్చిన సమాధానమే ఇందుకు ప్రత్యక్ష ఉదాహరణ. -
హెన్రిచ్ క్లాసెన్.. సన్రైజర్స్కు భలే దొరికాడు
ఐపీఎల్ 17వ సీజన్లో హైదరాబాద్ వరుసగా రెండు మ్యాచుల్లోనూ దూకుడైన బ్యాటింగ్ చేసింది. అందుకు ప్రధాన కారణం హెన్రిచ్ క్లాసెన్. -
‘మిలిటరీ తరహా కోచ్’ అంటూ వీజ్ వ్యాఖ్యలు.. ఆండ్రి రస్సెల్ కౌంటర్
భారత్లో అత్యుత్తమ కోచ్ల్లో ఒకరైన చంద్రకాంత్ పండిత్పై నమీబియా ఆటగాడు చేసిన కామెంట్లు సంచలనంగా మారాయి. వాటిని కొట్టిపడేస్తూ ఆండ్రి రస్సెల్ కీలక వ్యాఖ్యలు చేశాడు. -
కేరళలోనూ రియాన్ గురించే అడిగేవారు.. ఇప్పుడు 15 మంది కీలకమే: సంజూ
ఐపీఎల్ 17వ సీజన్లో రాజస్థాన్ దూకుడు ప్రదర్శిస్తోంది. వరుసగా రెండో విజయాన్ని నమోదు చేసి పాయింట్ల పట్టికలో రెండో స్థానానికి చేరుకుంది. -
మా అమ్మ ఇక్కడే ఉన్నారు.. 4 ఏళ్లుగా నా కష్టాలను చూశారు: రియాన్ పరాగ్
రాజస్థాన్ ఆటగాడు రియాన్ పరాగ్ ఈ ఐపీఎల్ సీజన్లో అదరగొట్టేస్తున్నాడు. దిల్లీపై భారీ ఇన్నింగ్స్తో ఆకట్టుకున్నాడు. -
హార్దిక్ సవాళ్ల ప్రయాణం..
ముంబయి ఇండియన్స్ నుంచి గుజరాత్ టైటాన్స్కు వెళ్లి కెప్టెన్గా నిరూపించుకున్నాడు హార్దిక్ పాండ్య. -
పరాగ్ ఫటాఫట్
ఆరంభంలో దిల్లీ అదరహో.. రాజస్థాన్ పరిస్థితి చూసి జాలి పడే పరిస్థితి.. కానీ ఇన్నింగ్స్ అయ్యేసరికి రాయల్స్దే పైచేయి! ఛేదన ఆరంభంలో దిల్లీదే ఆధిపత్యం.. తర్వాత రాజస్థాన్ జోరు.. మళ్లీ డీసీ పైచేయి.. అంతలోనే రాయల్స్ దూకుడు! -
క్వార్టర్స్లో సింధు
మాడ్రిడ్ స్పెయిన్ మాస్టర్స్ బ్యాడ్మింటన్ టోర్నీలో పీవీ సింధు జోరు కొనసాగుతోంది. -
విహారికి షోకాజ్ నోటీసు
టీమ్ఇండియా టెస్టు క్రికెటర్ హనుమ విహారికి ఆంధ్ర క్రికెట్ సంఘం (ఏసీఏ) షోకాజ్ నోటీసు జారీ చేసిన విషయం వెలుగులోకి వచ్చింది. -
ఐపీఎల్ అంటే క్రికెట్టేనా!
ఐపీఎల్ ఊహించని స్థాయిలో వృద్ధి చెందిందని, కొన్ని సార్లు ఈ లీగ్ అంటే క్రికెట్టేనా! అనే ఆశ్చర్యమూ కలుగుతుందని రాజస్థాన్ రాయల్స్ స్పిన్నర్ రవిచంద్రన్ అశ్విన్ అభిప్రాయపడ్డాడు. -
నితిన్ అయిదోసారి..
భారత అంపైర్ నితిన్ మేనన్ అయిదోసారి ఐసీసీ ఎలైట్ ప్యానల్లో చోటు దక్కించుకున్నాడు. ఇం -
అమ్మో నైట్రైడర్స్ కోచ్
కోల్కతా నైట్రైడర్స్ కోచ్ చంద్రకాంత్ పండిత్ కోచింగ్ విధానాలపై ఆ జట్టు మాజీ ఆటగాడు, నమీబియా ఆల్రౌండర్ డేవిడ్ వీజ్ అసహనం వ్యక్తం చేశాడు. -
నీరజ్.. దోహా టోర్నీతో షూరూ
ఒలింపిక్ ఛాంపియన్ నీరజ్ చోప్రా ఈ సీజన్ను మే 10న ఆరంభమయ్యే డైమండ్ లీగ్ దోహా అంచె టోర్నీతో షురూ చేయనున్నాడు. -
బుమ్రాను ఎందుకు కొనసాగించలేదో?
సన్రైజర్స్ హైదరాబాద్తో మ్యాచ్లో ముంబయి ఇండియన్స్ హార్దిక్ పాండ్య బౌలింగ్ వ్యూహాలు అంతుచిక్కని విధంగా సాగాయని ఆస్ట్రేలియా మాజీ కెప్టెన్ స్టీవ్ స్మిత్ అన్నాడు. -
సూర్య ఇంకొన్ని రోజులు!
సూర్యకుమార్ యాదవ్ ఐపీఎల్-17లో ముంబయి ఇండియన్స్కు అందుబాటులోకి రావడానికి ఇంకొన్ని రోజులు సమయం పడుతుందని సమాచారం. -
కోల్కతా జట్టులోకి 16 ఏళ్ల స్పిన్నర్
గాయంతో ఈ ఐపీఎల్ సీజన్కు దూరమైన ముజీబ్ ఉర్ రెహ్మాన్ స్థానాన్ని మరో అఫ్గాన్ స్పిన్నర్ అల్లా గజన్ఫర్తో కోల్కతా నైట్రైడర్స్ భర్తీ చేసింది. -
ఐపీఎల్ తొలిరోజు వీక్షకులు 16.8 కోట్లు
వీక్షణలో ఐపీఎల్-17 కొత్త రికార్డు నెలకొల్పింది. -
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
కోల్కతా, రాజస్థాన్ జట్లలో ఒక్కో మార్పు జరిగింది. ముజీబ్ స్థానంలో అల్లాహ్ ఘజన్ఫర్, ప్రసీధ్ కృష్ణ స్థానంలో కేశవ్ మహరాజ్ జట్టులోకి వచ్చారు.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 PM
-
రష్యా భీకర దాడులు.. ఉక్రెయిన్కు ‘కరెంటు కోతల ముప్పు’!
-
ఐదేళ్లలో రాష్ట్రం కోసం ఏం చేశావ్ జగన్?: చంద్రబాబు
-
పవన్ కల్యాణ్ ఎన్నికల ప్రచార షెడ్యూల్ ఖరారు
-
మాల్దీవుల స్వతంత్రతను ‘విదేశీ’ చేతుల్లో పెట్టారు: ముయిజ్జు
-
రూ.2లక్షల రుణమాఫీ.. విధివిధానాలు రూపొందిస్తున్నాం: మంత్రి తుమ్మల