Published : 22 Feb 2022 01:35 IST

Harshal Patel: ప్రపంచకప్‌ వరకు హర్షల్‌ చేత ఎక్కువగా బౌలింగ్‌ చేయించొద్దు: అజయ్‌ జడేజా

ఇంటర్నెట్ డెస్క్‌ : టీమిండియా పేసర్‌ హర్షల్ పటేల్‌పై మాజీ క్రికెటర్‌ అజయ్‌ జడేజా ప్రశంసలు కురిపించాడు. రానున్న టీ20 ప్రపంచకప్‌నకు ఇప్పటికిప్పుడు జట్టును ప్రకటించినా అందులో కచ్చితంగా హర్షల్ పేరు ఉంటుందని జోస్యం చెప్పాడు. వెస్టిండీస్‌తో ఆదివారం (ఫిబ్రవరి 20న) జరిగిన నామమాత్రమైన మూడో టీ20 మ్యాచులో హర్షల్‌ పటేల్ మెరుగైన ప్రదర్శన చేసిన విషయం తెలిసిందే. 4 ఓవర్లలో 22 పరుగులిచ్చి 3 వికెట్లు పడగొట్టి భారత విజయంలో కీలకంగా వ్యవహరించాడు.

‘టీ20 ప్రపంచకప్‌నకు ఇంకా చాలా సమయం ఉంది. అయితే, ఇప్పటికిప్పుడు ప్రపంచకప్‌ జట్టును ప్రకటించినా కచ్చితంగా సీనియర్ పేసర్‌ జస్ప్రీత్ బుమ్రాతో పాటు హర్షల్ పటేల్ పేరు కచ్చితంగా ఉంటుంది. కానీ, హర్షల్‌తో ఎక్కువగా మ్యాచులు ఆడిస్తే ప్రత్యర్థి ఆటగాళ్లు.. అతడు బౌలింగ్‌ చేసే తీరును, స్లో, యార్కర్‌ బంతులను సంధించే విధానాన్ని అర్థం చేసుకుంటారు. అందుకే, అతడితో ఎంత తక్కువ బౌలింగ్‌ చేయిస్తే.. అంత మంచిది. ఆస్ట్రేలియాలో మైదానాలు చాలా విశాలంగా ఉంటాయి. బౌలర్లకు అనుకూలంగా ఉంటాయి. అక్కడి పిచ్‌లపై హర్షల్‌ మెరుగ్గా రాణించగలడు. అతడు భారత జట్టులోకి అరంగేట్రం చేసినప్పటి నుంచి.. దక్కిన ప్రతి అవకాశాన్ని సద్వినియోగం చేసుకుంటూ ముందుకు సాగుతున్నాడు. వెస్టిండీస్‌తో జరిగిన మూడో టీ20 మ్యాచులో కెప్టెన్‌ రోహిత్‌ శర్మ వికెట్‌ అవసరమైన ప్రతి సారి హర్షల్ పటేల్‌కి బౌలింగ్‌ అప్పగించాడు. అయినా ఏ మాత్రం తడబాటు లేకుండా గొప్పగా రాణించి వికెట్లు పడగొట్టాడు. కెప్టెన్‌కి తనపై ఉన్న నమ్మకాన్ని నిలబెట్టుకున్నాడు. టీమిండియా విజయం సాధించడంలో కీలకంగా వ్యవహరించాడు. సీనియర్‌ పేసర్‌ జస్ప్రీత్ బుమ్రా లాగే గొప్పగా రాణించాడు. హర్షల్ వేసే స్లో డెలివరీలను ఎలా ఎదుర్కోవాలో తెలియక బ్యాటర్లు వికెట్లు సమర్పించుకుంటున్నారు. ఆ విషయం తలుచుకుంటే నాకు చాలా ఆశ్చర్యంగా అనిపిస్తుంది’ అని అజయ్‌ జడేజా చెప్పాడు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని