Published : 25/01/2021 15:02 IST

పంత్‌ను ఆటపట్టించిన చాహల్‌, రషీద్‌

ఇంటర్నెట్‌డెస్క్‌: టీమ్‌ఇండియా యువ వికెట్‌ కీపర్‌, బ్యాట్స్‌మన్‌ రిషభ్‌పంత్‌ను యుజువేంద్ర చాహల్‌, అఫ్గానిస్థాన్‌ స్పిన్నర్‌ రషీద్‌ఖాన్‌ ట్రోల్ చేశారు. తాజాగా పంత్‌ ఇన్‌స్టాగ్రామ్‌లో ఒక ఫొటో పంచుకోన్నాడు. ఆ ఫొటోలో ఎర్ర రంగు టీషర్ట్‌ ధరించాడు. దాని మీద ‘టామ్‌ అండ్‌ జెర్రీ’ కార్టూన్‌ బొమ్మ ఉండడంతో పంత్‌ పోస్టు చేస్తూ ఇలా అన్నాడు. ‘మీలో ఎంతమంది ఈ కార్టూన్‌ను చూశారు?’ అని ప్రశ్నించాడు. 

ఆ పోస్టు చూసిన చాహల్‌ స్పందిస్తూ ‘నిన్ను చూడటమా (పంత్‌ను కార్టూన్‌ బాయ్‌గా సంభోదించడం) లేక టామ్ అండ్‌ జెర్రీని‌ చూడటమా?’ అని సరదాగా గేలి చేశాడు. ఆపై రషీద్‌ఖాన్ కూడా అంతే సరదాగా కామెంట్‌ చేశాడు. ‘నేను చాలాసార్లు నిన్నూ చూశాను, ఆ టామ్‌ను చూశాను’ అని పేర్కొన్నాడు. కాగా, వీరిద్దరి కామెంట్లకు అభిమానుల నుంచి పెద్ద ఎత్తున స్పందన వచ్చింది. చాహల్‌ కామెంట్‌ను సుమారు 15 వేల మంది లైక్‌ చేయగా, రషీద్‌ కామెంట్‌ను 4 వేల మందికిపైగా ఇష్టపడ్డారు. 

పంత్‌ ఇటీవల ఆస్ట్రేలియాతో జరిగిన టెస్టు సిరీస్‌లో రాణించిన సంగతి తెలిసిందే. గబ్బా టెస్టులో 89* పరుగులతో మెరుపు బ్యాటింగ్‌ చేసి జట్టుకు చారిత్రక విజయం అందించాడు. దాంతో ఒక్కసారిగా పంత్‌ హీరో అయ్యాడు. ఈ సిరీస్‌కు ముందు పేలవ షాట్లతో వికెట్లు సమర్పించుకున్న అతడు తీవ్ర విమర్శలు ఎదుర్కొన్నాడు. అయితే, గతేడాది లాక్‌డౌన్‌ను సద్వినియోగం చేసుకున్నట్లు పంత్‌ తాజాగా చెప్పాడు. ఆ సమయంలో కుటుంబసభ్యులు, స్నేహితులతో హాయిగా గడపడంతో ఒత్తిడిని అధిగమించానని అన్నాడు. ఈ క్రమంలోనే ఆస్ట్రేలియా పర్యటనలో బాగా ఆడినట్లు వివరించాడు.

ఇవీ చదవండి..
అంతకంటే గొప్పేముంటుంది?
ఘనతంతా కుర్రాళ్లదే


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని