గెజిటెడ్‌ ప్రధానోపాధ్యాయుల సంఘం అధ్యక్షుడిగా రాజభాను

ఈనాడు, హైదరాబాద్‌: తెలంగాణ రాష్ట్ర గెజిటెడ్‌ ప్రధానోపాధ్యాయుల సంఘం అధ్యక్షుడిగా రాజభాను చంద్రప్రకాశ్‌(కరీంనగర్‌), ప్రధాన కార్యదర్శిగా రాజ్‌ గంగారెడ్డి(నిజామాబాద్‌) ఎన్నికయ్యారు. హైదరాబాద్‌లో ఆదివారం రాష్ట్రంలోని 33 జిల్లాల ప్రతినిధులు నూతన కార్యవర్గాన్ని ఎన్నుకున్నారు. ఈ సందర్భంగా ప్రభుత్వ పాఠశాలల్లో స్వచ్ఛ కార్మికులను, అవసరమున్న చోట విద్యా వాలంటీర్లను నియమించాలని, బడుల్లో మధ్యాహ్న భోజనానికి గుడ్లు సరఫరా చేయాలని, విద్యుత్తు బిల్లుల కోసం నిధులు విడుదల చేయాలని తీర్మానించారు. ఉదయం జరిగిన రాష్ట్ర కౌన్సిల్‌ సమావేశానికి హాజరైన విద్యాశాఖ మంత్రి సబితా ఇంద్రారెడ్డి మాట్లాడుతూ.. కరోనా కాలంలో గెజిటెడ్‌ ప్రధానోపాధ్యాయులు, ఉపాధ్యాయులు శ్రద్ధతో పనిచేసి ప్రభుత్వ పాఠశాలల్లో విద్యార్థుల సంఖ్య, విద్యా ప్రమాణాలను మెరుగుపరిచేందుకు కృషి చేయడం అభినందనీయమన్నారు.