Published : 30/11/2021 05:10 IST

ధాన్యం దించివెళ్లాక.. కోత పెడతారా!

కలెక్టర్‌ను కలిసేందుకు వచ్చి నిరీక్షిస్తున్న రైతులు

దిగులుగా కూర్చున్న ఈ రైతులది కరీంనగర్‌ జిల్లా గంగాధర మండలం కొండాయపల్లి గ్రామం. ప్రాథమిక వ్యవసాయ సహకార సంఘం కొనుగోలు కేంద్రంలో ఈనెల 11న నలుగురు రైతులు 779 బస్తా (ఒక్కోటి 41.200 కిలోలు)లను కరీంనగర్‌ సమీపంలోని ముగ్దుంపూర్‌ మిల్లుకు పంపించారు. మర్నాడు మిల్లరు ధాన్యం దింపుకొన్నారు. వడ్లలో తేమ ఎక్కువగా ఉందని చెప్పి... బస్తా తూకం వేస్తే 35 కిలోలే వస్తోందని, ఈ తరుగును మీరే  భరించాలని 28న రైతులకు సమాచారం ఇచ్చారు. వారంతా ఆందోళనతో సోమవారం కలెక్టరేట్‌కు వెళ్లారు. కలెక్టర్‌ లేకపోవడంతో సాయంత్రం వరకు నిరీక్షించి వెనక్కి వచ్చారు. ఈ విషయం ప్యాక్స్‌ కార్యదర్శి రమేశ్‌ దృష్టికి తీసుకెళ్లగా కేంద్రం నుంచి ధాన్యం సవ్యంగానే పంపించామని, మిల్లులో తేడా జరిగి ఉంటుందని పేర్కొన్నారు. పౌరసరఫరాల శాఖ డీఎం శ్రీకాంత్‌రెడ్డి మాట్లాడుతూ మంగళవారం లారీ అసోసియేషన్‌ సభ్యులు, మిల్లరుతో మాట్లాడి సమస్య పరిష్కరిస్తామని చెప్పారు.

-న్యూస్‌టుడే, గంగాధర

Read latest State News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని