ముక్కలైన సేతువు.. ప్రమాద హేతువు

ఈ చిత్రం చూడండి.. భద్రాద్రి కొత్తగూడెం జిల్లా అశ్వారావుపేట మండలం గుమ్మడవల్లి - వడ్డరి రంగాపురం మధ్య పెదవాగుపై ఉన్న లోలెవల్‌ వంతెన ఆగస్టులో కురిసిన భారీ వర్షాలకు ముక్కలు ముక్కలుగా విరిగింది. బండరాళ్లను తలపిస్తోంది. దీంతో ఈ వంతెనపై రాకపోకలు సాగించే 12 గ్రామాల ప్రజలు ఎన్నో ఇబ్బందులు పడుతున్నారు. పెద వాగుకు ఆవల వైపున్న వడ్డిర రంగాపురం, కోయ రంగాపురం నుంచి 37 మంది విద్యార్థులు రోజూ గుమ్మడవల్లి హైస్కూల్‌కు వస్తారు. వీరు నిత్యం పాఠశాలకు వెళ్లి రావడానికి ఇలా అష్టకష్టాలు పడుతున్నారు.

- న్యూస్‌టుడే, అశ్వారావుపేట గ్రామీణం