Published : 04/12/2021 05:05 IST

జాతీయ బీసీ కమిషన్‌ ఎదుట ఉన్నత విద్యామండలి ఛైర్మన్‌ హాజరు

ఈనాడు, హైదరాబాద్‌: రాష్ట్ర ఉన్నత విద్యామండలి ఛైర్మన్‌ ఆచార్య ఆర్‌.లింబాద్రి, కార్యదర్శి శ్రీనివాసరావు శుక్రవారం దిల్లీలో జాతీయ బీసీ కమిషన్‌ ఎదుట విచారణకు హాజరయ్యారు. ప్రైవేట్‌ ఇంజినీరింగ్‌ కళాశాలల్లో బీటెక్‌ బి కేటగిరీ సీట్ల కేటాయింపులో బీసీలకు రిజర్వేషన్‌ అమలుచేయకపోవడంతో తమకు అన్యాయం జరుగుతుందని కొందరు విద్యార్థులు కమిషన్‌కు ఫిర్యాదు చేశారు. ఈ నేపథ్యంలో అధికారులు విచారణకు హాజరై వివరణ ఇచ్చారు. యాజమాన్య కోటా మొదలైన నాటి బి కేటగిరీ సీట్ల భర్తీలో రిజర్వేషన్‌ లేదని, కన్వీనర్‌ కోటా కింద భర్తీ చేసే 70 శాతం సీట్లలోనే అది అమలులో ఉందని విద్యామండలి ఛైర్మన్‌ వివరణ ఇచ్చినట్లు తెలిసింది. జాతీయ స్థాయిలో బి కేటగిరీలో కూడా రిజర్వేషన్‌ ఉండాలని కేంద్రం నిర్ణయం తీసుకుంటే అమలుకు తమకు అభ్యంతరం లేదని చెప్పినట్లు తెలిసింది.  విచారణలో కమిషన్‌ సభ్యులు ఆచారి తల్లోజు తదితరులు పాల్గొన్నారు.

Read latest State News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని