చంద్రశేఖర్‌ను సత్కరించిన మంత్రి కేటీఆర్‌

ఈనాడు, హైదరాబాద్‌: కేంద్ర శాస్త్ర, సాంకేతిక శాఖ కార్యదర్శిగా నియమితులైన ఐఐసీటీ డైరెక్టర్‌ ఎస్‌.చంద్రశేఖర్‌ను తెలంగాణ పరిశ్రమలు, ఐటీ శాఖల మంత్రి కేటీఆర్‌ అభినందించారు. ప్రగతిభవన్‌లో సోమవారం ఆయనను శాలువాతో సత్కరించారు. చంద్రశేఖర్‌ నియామకం హైదరాబాద్‌లోని శాస్త్ర, సాంకేతిక రంగానికి గుర్తింపు అని పేర్కొన్నారు.

ఆదివాసీల సంస్కృతికి చిహ్నమైన గుస్సాడి నృత్యకళపై పుస్తకాన్ని రూపొందించిన ఆదిలాబాద్‌ జిల్లా అధికారులను మంత్రి కేటీఆర్‌ అభినందించారు. గుస్సాడి, దండారిలను కళ్లకు కట్టినట్లుగా ఇందులో తీర్చిదిద్దారని ఆయన సోమవారం ట్విటర్‌లో పేర్కొన్నారు.