వంకాయ..పొడవులో సొరకాయ..!

సాధారణ పొడవుకు భిన్నంగా సొరకాయ మాదిరిగా ఆదిలాబాద్‌ రైతు బజార్‌లో ఓ వంకాయ కనిపించింది. యాపల్‌గూడకు చెందిన రాందాస్‌ అనే రైతు నాటిన వంగ మొక్కకు కాసిన వంకాయలు అడుగున్నర వరకు పెరిగాయి. ఈ విషయాన్ని జిల్లా ఉద్యానశాఖాధికారి శ్రీనివాసరెడ్డి దృష్టికి తీసుకెళ్లగా.. కొందరు రైతులు పాతకాలం విత్తనాలను బూడిదలో దాచిపెట్టి కొద్దికొద్దిగా వాడుతుంటారని, వాటిని సారవంతమైన నేలలో సేంద్రియపద్ధతిలో పండిస్తే ఏపుగా పెరుగుతుంటాయని చెప్పారు. వంకాయలు ఇలా అడుగున్నర పొడవు పెరగడం అరుదని అన్నారు.

- ఈనాడు, ఆదిలాబాద్‌