తిరుమలలో ఏకాంతంగా పార్వేట ఉత్సవం

తిరుమల, న్యూస్‌టుడే: తిరుమల శ్రీవేంకటేశ్వర స్వామివారి ఆలయంలో పార్వేట ఉత్సవం ఏకాంతంగా జరిగింది. ఏటా కనుమ పండుగనాడు నిర్వహించే ఈ వేడుకలో భాగంగా ఆదివారం మధ్యాహ్నం శ్రీమలయప్పస్వామి, శ్రీకృష్ణుడిని ఆలయంలోని సంపంగి ప్రాకారంలో ఊరేగించి కల్యాణ మండపంలో కొలువుదీర్చారు. తితిదే ఉద్యాన శాఖ క్రూర జంతువులు, అడవిని ప్రతిబింబించేలా అలంకరించిన సెట్టింగ్‌లో పార్వేట వేడుక నిర్వహించారు. అర్చకులు మూడుసార్లు స్వామివారి తరఫున ఈటెను విసిరి వేటను రక్తి కట్టించారు. సాయంత్రం స్వామివార్లు తిరిగి ఆలయానికి చేరుకున్నారు.

తెలంగాణ గవర్నర్‌ తమిళిసై సౌందరరాజన్‌ దంపతులు ఆదివారం  వైకుంఠ ద్వారం ద్వారా తిరుమలలో శ్రీవారిని దర్శించుకున్నారు. వారికి తితిదే అదనపు ఈవో ధర్మారెడ్డి తితిదే క్యాలెండర్‌, డైరీలు అందజేశారు.

-న్యూస్‌టుడే, తిరుమల