‘మిసెస్‌ ఆంధ్రప్రదేశ్‌’గా గరివిడి మహిళ

పద్మావతికి ‘మిసెస్‌ ఆంధ్రప్రదేశ్‌’ కిరీటం అలంకరిస్తున్న మమతా త్రివేది

గరివిడి, న్యూస్‌టుడే: ఏపీలోని విజయనగరం జిల్లా గరివిడి పట్టణానికి చెందిన బి.పద్మావతి ‘మిసెస్‌ ఆంధ్రప్రదేశ్‌’ కిరీటాన్ని దక్కించుకున్నారు. ఉభయ తెలుగు రాష్ట్రాల్లో సేవ(ఎన్‌జీవో) సంస్థను నిర్వహిస్తున్న వ్యవస్థాపక అధ్యక్షురాలు మమతా త్రివేది ఆన్‌లైన్‌ వేదికగా ఈ అందాల పోటీలను నిర్వహించారు. 2021 సెప్టెంబరులో జరిగిన ప్రాథమిక పోటీల్లో ఆంధ్ర, తెలంగాణ రాష్ట్రాల నుంచి వంద మంది మహిళలు ఎంపిక కాగా వీరిలో 36 మంది అర్హత సాధించారు. ఈ నెల 16న నిర్వహించిన తుది పోటీల్లో మంచి ప్రతిభ చూపిన పద్మావతి ‘మిసెస్‌ ఆంధ్రప్రదేశ్‌’ టైటిల్‌ను సొంతం చేసుకున్నారు. గత ఏడాది ఏప్రిల్‌లో విశాఖపట్నంలో నిర్వహించిన శ్రీమతి వైజాగ్‌ పోటీల్లోనూ ఈమె ఫైనల్స్‌కు అర్హత సాధించినప్పటికీ కొవిడ్‌ కారణంగా పాల్గొనలేకపోయారు.