నిఘా నీడలో కళ్లన్నీ మీపైనే!
ఎన్నో రకాల టెక్నాలజీ గ్యాడ్జెట్లు, అప్లికేషన్లతో సౌకర్యంగా ముందుకు సాగిపోతున్నాం. స్మార్ట్ జీవనశైలికి అలవాటు పడిపోతున్నాం. కానీ, అదే టెక్నాలజీ మనల్ని బిగ్బాస్లా మానిటర్ చేస్తోంది తెలుసా? మీ కదలికల్ని అనుక్షణం ట్రాక్ చేస్తుంది.. ఆఫీస్లో ఉన్నా.. షాపింగ్ మాల్కి వెళ్లినా.. ఇంట్లో హాయిగా రిలాక్స్ అవుతున్నా.. మీకు తెలియకుండానే మీ కదలికల్ని ఓ కంట కనిపెడుతోంది....
ఈ-అతిథి
ఎన్నో రకాల టెక్నాలజీ గ్యాడ్జెట్లు, అప్లికేషన్లతో సౌకర్యంగా ముందుకు సాగిపోతున్నాం. స్మార్ట్ జీవనశైలికి అలవాటు పడిపోతున్నాం. కానీ, అదే టెక్నాలజీ మనల్ని బిగ్బాస్లా మానిటర్ చేస్తోంది తెలుసా? మీ కదలికల్ని అనుక్షణం ట్రాక్ చేస్తుంది.. ఆఫీస్లో ఉన్నా.. షాపింగ్ మాల్కి వెళ్లినా.. ఇంట్లో హాయిగా రిలాక్స్ అవుతున్నా.. మీకు తెలియకుండానే మీ కదలికల్ని ఓ కంట కనిపెడుతోంది. కరోనా మూలంగా ఇంటి నుంచే కార్యకలాపాల్ని సాగిస్తున్న నేపథ్యంలో ఇల్లే ఓ బిగ్బాస్ హౌజ్లా మారిందనడంలో అతిశయోక్తి లేదు. ఇలా మానిటరింగ్తో కూడిన స్పై లైఫ్ సంగతులేంటో చూద్దాం..
లాగిన్ఇన్, లాగ్అవుట్ల మధ్య..
ఆఫీస్కి వెళ్లాక రిజిస్టర్లో సంతకాలు పెట్టడం మొదలుకుని.. బయోమెట్రిక్ యంత్రాలపై వేలిముద్రలతో హాజరుని తెలిపే స్థితికి వచ్చేశాం. కానీ, కరోనా రాకతో ఇంచుమించు ఏడాది కాలంగా ఆఫీస్ లాగిన్, లాగౌట్లు ఇంట్లోనే చేయాల్సిన పరిస్థితి కొందరి ఉద్యోగులది. దీంట్లో కొత్తేముందీ.. వర్క్ ఫ్రమ్ హోం కొన్ని రంగాల్లో ఎప్పుడూ ఉండేదేగా? అనుకుంటే పొరపాటే. ఎందుకంటే.. రిమోట్ వర్కింగ్పై నిఘా వ్యవస్థని పెంచుతున్నాయి కొన్ని కంపెనీలు. ఉద్యోగులు కనెక్ట్ అయిన సిస్టమ్లకు ట్రాకింగ్ టూల్స్ని జత చేసి పని తీరుని ట్రాక్ చేసేందుకు ఆసక్తి చూపిస్తున్నాయి. ఈ క్రమంలో పని మధ్యలో ఉద్యోగులెంత విరామం తీసుకున్నారు.. ఎంత సమయం పాటు సోషల్ మీడియాలో విహరించారు.. లాంటి వివరాల్ని సంస్థ తెలుసుకోగలుగుతుంది. అంతేకాదు.. అధికారికంగా వర్చువల్ ప్రైవేట్ నెట్వర్క్లను వాడేలా జాగ్రత్త పడుతూ కంపెనీ డేటాని సురక్షితం చేసుకుంటున్నారు.
హెల్మెట్లో సెన్సర్లు..
మీరో సివిల్ ఇంజినీర్ అనుకుంటే.. సైట్లో ఉన్నప్పుడు కచ్చితంగా హెల్మెట్ పెట్టుకోవాల్సిందే.. లేదా మీరేదైనా ల్యాబ్, ఫ్యాక్టరీలలో పని చేస్తున్నట్లయితే ప్రత్యేక సూట్ ధరించాల్సిందే.. దీంతో కంపెనీలు హెల్మెట్లు, సూట్లను ఆధారం చేసుకుని ట్రాక్ చేస్తున్నాయి. ప్రత్యేక సెన్సర్లని నిక్షిప్తం చేసి రోజు మొత్తం ఎలా పని చేస్తున్నారు.. ఫిట్నెస్ లెవల్స్ ఎలా ఉన్నాయో తెలుసుకుంటున్నాయి. రోజంతా శరీర ఉష్ణోగ్రతలు, రక్తపోటు వంటి వివరాలను ట్రాక్ చేస్తున్నాయి. ఈ సమాచారాన్ని విశ్లేషించడం ద్వారా పనిలో ఉన్నప్పుడు ఎవరెంత అలర్ట్గా ఉంటున్నారు.. ఏయే సమయాల్లో ఎలాంటి నిర్ణయాలు తీసుకోగలుగుతున్నారో తెలుసుకోవడం బాస్ లేదా మేనేజర్లకు సాధ్యమవుతోంది.
ఆన్లైన్ షాపింగుల్లోనూ..
సంప్రదాయ పద్ధతుల్లో ఏళ్ల తరబడి సాగిన షాపింగ్ని ఆన్లైన్ అంగళ్లు పూర్తిగా మార్చేశాయి. గత కొన్నేళ్లుగా ఈ-కామర్స్ సందడి అంతా ఇంతా కాదు. యాప్లలో సభ్యులైపోయి మునివేళ్లతోనే సరుకుల్ని సెలెక్ట్ చేసుకోవడం.. ఆర్డర్ చేయడం.. ఈ క్రమంలో యాప్ల నిఘా ఎక్కువే అయ్యింది. షాపింగ్ని నిత్యం ట్రాక్ చేస్తూ.. అవసరమైన వాటిని ముందు వరుసలో పెట్టి చూపించడం చూస్తున్నాం. వెబ్సైట్లు అయితే కుకీస్తో ట్రాక్ చేయడం తెలిసిందే. ఇకపై మరిన్ని భిన్నమైన విధానాలతో ఆన్లైన్ షాపర్లు నిఘా వేయనున్నారు. ఫోన్ జీపీఎస్ లొకేషన్ని వాడుకుంటున్నారు. మీరెప్పుడైనా ఆఫ్లైన్ మాల్ దగ్గర్లోకి వెళ్తే చాలు. అమ్మకాలు, ప్రమోషన్స్కి సంబంధించిన అప్డేట్స్ వచ్చేస్తాయి. మాల్లోకి ఎంటర్ అవ్వగానే డిస్కౌంట్ల నోటిఫికేషన్లు వచ్చేస్తాయి. సైబర్ సెక్యూరిటీ నిపుణులు చెబుతున్న దాని ప్రకారం.. యాప్ల వాడకంలో లొకేషన్ యాక్సెస్ని పరిమితం చేయాలి. అవసరమైతేనే జీపీఎస్ యాక్సెస్ ఇవ్వాలి.
ప్రత్యేక టూల్స్ ఉన్నాయ్
సిస్టమ్లో మీరేం చేస్తున్నారో మీ బాస్ లేదా మేనేజర్ మీకు తెలియకుండానే చూడొచ్చు. రోజులో మీరు ఎలాంటి వాటిని గురించి టైప్ చేశారో (కీస్ట్రోక్స్) తెలుసుకుంటున్నారు. ఎలా సాధ్యమంటే.. అందుకు ప్రత్యేక ట్రాకింగ్ టూల్స్ ఉన్నాయి. ‘బాస్వేర్, యాక్టివ్ట్రాక్, టైమ్ డాక్టర్..’ లాంటి అప్లికేషన్లే అందుకు ఉదాహరణ. వీటిని వాడడం ద్వారా చాలా రకాలుగా ఉద్యోగుల్ని మానిటర్ చేయొచ్చు. డెస్క్టాప్పై ఏం చేస్తున్నారో తెలుసుకునేందుకు స్క్రీన్షాట్స్ తీయొచ్చు. లాగిన్, లాగౌట్ సమయాల్ని, కీస్ట్రోక్స్ని ట్రాక్ చేయవచ్చు.
చివరికి ఇంట్లో ఉన్నప్పటికీ..
ఇప్పుడు నివసించేవి స్మార్ట్ ఇళ్లే చాలా వరకూ. చుట్టూ హోం గ్యాడ్జెట్లు, స్పీకర్లే ఉంటున్నాయి. పిలిస్తే పలుకుతున్నాయ్. ఉన్న చోటునే కూర్చుని అన్నింటినీ ఆపరేట్ చేస్తున్నాం. రిలాక్స్ అవుతున్నాం. కానీ, ఇక్కడ మీకు తెలియకుండా జరిగే తంతేంటి అంటే.. చుట్టూ ఉన్న స్మార్ట్ డివైజ్లు మీ మాటలు వింటున్నాయ్. ఓ నివేదిక ప్రకారం.. రోజుకు 19 సార్లు వాటంతట అవే యాక్టివేట్ అవుతూ మాటల్ని రికార్డు చేస్తున్నాయట. కనీసం 43 సెకన్ల నిడివితో ఆడియో రికార్డు అవుతుంది. అందుకే.. హలో గూగుల్.. హే సిరీ.. అలెక్సా.. ఇలా ఏ పేరుతో పిలిచినా పలుకుతున్న అసిస్టెంట్లతో కాస్త జాగ్రత్త.. ప్రైవసీని కాపాడుకునేలా ఎప్పటికప్పుడు వాయిస్ రికార్డింగ్స్ని తొలగించండి.
మాల్స్లో మీ వెంటే..
షాపింగ్ మాల్స్.. సూపర్ మార్కెట్లలో సెక్యూరిటీ కెమెరాల్ని ఎప్పటి నుంచో చూస్తున్నాం. ఇప్పుడు వాటికి అదనపు శక్తుల్ని జోడిస్తున్నారు. అవే ‘వీడియో ఎనలిటిక్స్ టూల్స్’. వీటితో కెమెరా కళ్లు మిమ్మల్ని చూడడమే కాదు. విశ్లేషిస్తాయి.. మీరెన్ని సార్లు షాపింగ్కి వచ్చారు.. ఎక్కువగా ఎలాంటివి కొంటున్నారు. ఏయే జోన్లలో ఎక్కువ సమయాన్ని వెచ్చిస్తున్నారు.. లాంటి వివరాల్ని ట్రాక్ చేసి చెబుతాయి. అంతేకాదు.. బిల్లింగ్ కౌంటర్ వద్ద లైన్లో ఎంత మంది ఉన్నారు.. మీ వంతు వచ్చేటప్పటికీ ఎంత సమయం పడుతుందో చెబుతుంది. ఫేస్రికగ్నిషన్ ద్వారా ముఖాల్ని గుర్తుపడతాయి. మార్కెట్లో ఎవరైనా దొంగిలించడానికి చూస్తే.. వెంటనే అప్రమత్తం చేస్తాయి కూడా!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
రంగనాథస్వామి దేవస్థాన ప్రధాన అర్చకుడు హఠాన్మరణం
-
యూసఫ్గూడలో రోడ్డు ప్రమాదం.. యువతిపై బస్సు ఎక్కడంతో మృతి
-
ఈ నగరంలో అడుగుపెట్టాలంటే.. టికెట్ కొనాల్సిందే!
-
నేడే తెలంగాణ ఇంటర్ ఫలితాలు.. రిజల్ట్స్ ఈనాడు.నెట్లో..
-
జీవితంలో ముందుకెళ్లాలంటే ధైర్యం ఉండాలి : ఐపీఎస్ ఆఫీసర్ పోస్ట్ వైరల్
-
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్