రాతల రాయుళ్లు మీరే..
మాట మాదిరిగానే రాత కూడా ఆకర్షిస్తుంది. మనమేంటో, మన గుణాలేంటో చెప్పకనే చెబుతుంది. ఉద్యోగానికి దరఖాస్తు చేసుకున్నా, బాస్కు ప్రత్యుత్తరం ఇచ్చినా, బ్లాగ్లో అనుభవాలు పంచుకున్నా, నవల రాసినా, కథలల్లినా ‘రాత చాతుర్యం’ లేకపోతే తేలిపోతాం. అక్షర దోషాలు, అసమంజస వాక్యాలు, అసంబద్ధ వర్ణనలు మనపై చులకన భావం ఏర్పడేలా చేస్తాయి. ప్రస్తుతం
మాట మాదిరిగానే రాత కూడా ఆకర్షిస్తుంది. మనమేంటో, మన గుణాలేంటో చెప్పకనే చెబుతుంది. ఉద్యోగానికి దరఖాస్తు చేసుకున్నా, బాస్కు ప్రత్యుత్తరం ఇచ్చినా, బ్లాగ్లో అనుభవాలు పంచుకున్నా, నవల రాసినా, కథలల్లినా ‘రాత చాతుర్యం’ లేకపోతే తేలిపోతాం. అక్షర దోషాలు, అసమంజస వాక్యాలు, అసంబద్ధ వర్ణనలు మనపై చులకన భావం ఏర్పడేలా చేస్తాయి. ప్రస్తుతం ఎక్కువగా ఆంగ్లంలోనే రాత వ్యవహారాలు నెరపుతున్నారు. మరి పరాయి భాషలో పొరపాట్లు దొర్లకుండా ఉండాలంటే? అదృష్టం కొద్దీ ఇప్పుడు తప్పులు సరిదిద్దే, సముచిత పదాలను సూచించే, మంచి వాక్య నిర్మాణానికి తోడ్పడే ఉచిత యాప్లు, వెబ్సైట్లు, టూల్స్ చాలానే అందుబాటులో ఉన్నాయి. వీటిల్లో కొన్ని ఇవీ..
జింజర్తో మంచి వ్యాకరణం
ప్రతి వాక్యానికీ తడబడుతున్నారా? అయితే జింజర్ టూల్ను వాడి చూడండి. కృత్రిమ మేధతో కూడిన ఇది గ్రామర్ను, స్పెల్లింగ్ను ఎప్పటికప్పుడు తనిఖీ చేస్తుంది. ఆకర్షణీయమైన పదబంధాలను, సముచిత నానార్థాలను సూచిస్తుంది. రాత నైపుణ్యాలను మెరుగుపరుస్తుంది. వెబ్ బ్రౌజర్ ఎక్స్టెన్షన్, మైక్రోసాఫ్ట్ వర్డ్ యాడ్-ఇన్గా ఇది అందుబాటులో ఉంది. డెస్క్టాప్తో పాటు మొబైళ్లకూ ఉపయోగపడేలా దీన్ని రూపొందించారు. ఉచిత వర్షన్ పరిమిత సవరణలు, సూచనలే అందిస్తుంది. అయినా ఒక మాదిరిగా వాడేవారికిదే సరిపోతుంది. కావాలనుకుంటే పెయిడ్ వర్షన్ కొనుక్కోవచ్చు. వ్యాకరణ దోషాలను సవరించుకోవటానికి ‘గ్రామర్లీ’ టూల్ కూడా బాగా ఉపయోగపడుతుంది.
స్లిక్ రైట్తో విశ్లేషణ
మనం రాసిన దాన్ని నిజంగా విశ్లేషించుకోవాలనుకుంటే స్లిక్ రైట్ను ఉపయోగించుకోవచ్చు. వ్యాకరణాన్ని చెక్ చేయటంతో పాటు ఫీడ్బ్యాక్నూ అందిస్తుంది. కర్మణ్యర్థకాలు, విశేషణాలు, పదాల వైవిధ్యం, వాక్యాల రకాలు, రీడబిలిటీ వారీగా డాక్యుమెంటును విశ్లేషించి చూపుతుంది. మన రాతలో ఇంత వైవిధ్యం ఉందా అని అనిపించేలా చేస్తుంది. స్లిక్ రైట్లో ఇన్బిల్ట్గా ఉండే వర్డ్ అసోసియేటర్ ఫీచర్ అయితే మనలోని రచయితను వెలికి తీస్తుంది. బ్లాగ్ రాసేవారైనా, రచయితలైనా, విద్యార్థులైనా.. అందరి రాతలనూ ఉన్నత స్థాయికి చేరుస్తుంది. ఆకట్టుకునే సెటింగ్స్ మెనూతో రాసిన దాన్ని ఆకర్షణీయంగా సర్దుకోవచ్చు కూడా. ఇతర ప్రోగ్రామ్లలో రాసిన డాక్యుమెంట్లను కూడా ఇందులో కలిపేసుకోవచ్చు.
హెమింగ్వే ఎడిటర్తో స్పష్టత
‘రీడబిలిటీ స్కోర్’ను బట్టి రాతను మెరుగు పరచే యాప్ ఇది. చదవటానికి టెక్స్ట్ ఎంత కష్టంగా ఉందో ఇది చూపిస్తుంది. వాక్యాలను చెక్ చేయటం, పదాలను లెక్కించటం వంటి ఫీచర్లూ ఉంటాయి. కర్మణ్యర్థకాలు, అతిగా వాడిన పదాలు, సంక్లిష్ట పదబంధాల వంటి వాటిని ఆయా రంగుల్లో కొట్టొచ్చినట్టు కనిపించేలానూ చేస్తుంది. వాటి స్థానంలో ఉపయోగపడే పదాలను సూచిస్తుంది. మంచి రాతకు అవసరమైన చిట్కాలనూ అందిస్తుంది. మొత్తం రాసిన తర్వాత టూల్బార్తో టెక్స్ట్ను ఫార్మాట్ చేసుకోవచ్చు కూడా.
ఉచిత ఐడియాలకు రైట్సోనిక్
ఇది కృత్రిమ మేధతో కూడిన రాత టూల్. మంచి మార్కెటింగ్ ప్రతిని సులభంగా రాయాలనుకునేవారికిది బాగా ఉపయోగపడుతుంది. అవసరమైన విభాగాలను ఎంచుకుంటే రకరకాల రూపాల్లో మన తరఫున ఇదే రాసి పెడుతుంది. కాకపోతే డబ్బులు చెల్లిస్తేనే వీటిని వాడుకోగలం. అలాగని ఇందులో ఉచిత ఫీచర్లు లేకపోలేదు. బ్లాగ్ రచనలు, పేజీ హెడ్లైన్స్, యూట్యూబ్ టైటిళ్లు, ఉత్పత్తుల పేర్లు.. ఇలాంటి వాటికి ఐడియాలను సృష్టించుకోవటానికి వీలుంది.
సరికొత్త నవలలకు రీడ్సీ
నిజానికిది రచయితలను, ఎడిటర్లను కలిపే ఫ్రీలాన్స్ మార్కెట్ కేంద్రం. కానీ ఇందులోని బుక్ రైటింగ్ టూల్ రచయితలకు ఎంతగానో ఉపయోగపడుతుంది. సరళమైన ఇంటర్ఫేస్తో ఇతరుల సహకారంతో ఎడిట్ చేసుకోవటానికిది వీలు కల్పిస్తుంది. రాయటం పూర్తయ్యాక పీడీఎఫ్, ఈపీయూబీ వంటి ఇ-బుక్ ఫార్మాట్లలోకీ మార్చుకోవచ్చు. రచనను అధ్యాయాల వారీగా విభజించుకోవచ్చు. కావాలనుకుంటే వీటిని డ్రాగ్ చేసి ఎక్కడైనా జోడించుకోవచ్చు. ఒక వరుస క్రమంలో రాయలేని రచయితలకిది మేలే కదా.
మెదడు పదునుకు డేంజరస్ యాప్
మెదడును మరింత చురుకుగా పనిచేయించాలని అనుకుంటున్నారా? అయితే మోస్ట్ డేంజరస్ రైటింగ్ యాప్ను వాడి చూడండి. స్క్విబ్లర్ రైటింగ్ వేదిక అందిస్తున్న ఉచిత వెబ్ సర్వీసు ఇది. ఏది రాస్తున్నా ముందుగా నిర్ణీత సమయాన్ని ఎంచుకోవాల్సి ఉంటుంది. రాస్తూనే ఉండాలి. మధ్యలో కొన్ని సెకండ్లు ఆగినా రాసిందంతా పోతుంది. మళ్లీ కనిపించదు. ఇది వినోదాత్మకంగా అనిపించొచ్చు గానీ మెదడు చురుకుగా ఆలోచించటానికి, వేళ్లు గబగబా కదలటానికిది ప్రేరణగా నిలుస్తుందనేది మాత్రం నిజం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
వాట్సప్ కొత్త ఇమేజ్ ఎడిటర్
వాట్సప్ త్వరలో ఏఐ ఆధారిత కొత్త ఇమేజ్ టూల్ను ప్రవేశపెట్టనుంది. ఇది ఫొటోలను తేలికగా ఎడిట్ చేసుకోవటానికి వీలు కల్పిస్తుంది. ఈ ఫీచర్ ఇమేజ్లను షేర్ చేసుకునే పేజీలో పైన కనిపిస్తుందని చెబుతున్నారు. -
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
ఏఐ వీడియోకు సౌండ్ ట్రాక్ సొబగులూ
ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
వాట్సప్లో మరిన్ని మెసేజ్లు పిన్
వాట్సప్ ప్రియులకు శుభవార్త. ఇకపై ఒకే సమయంలో మూడు కన్నా ఎక్కువ ఛాట్స్, మెసేజ్లను పిన్ చేసుకోవచ్చు. కొత్త ఫీచర్లలో భాగంగా వాట్సప్ దీన్ని ఇటీవలే పరిచయం చేసింది. -
మీ అభ్యర్థి చరిత్రేంటి?
మీ నియోజకవర్గం అభ్యర్థి ఎలాంటివారు? నేర చరిత్ర ఏమైనా ఉందా? తెలుసుకోవాలంటే ‘నో యువర్ క్యాండిడేేట్’ (కేవైసీ) యాప్లో చూసుకోండి. ప్రధాన ఎన్నికల కమిషనర్ ఇటీవల ఎన్నికల క్రమాన్ని ప్రకటించటంతో పాటు ఈ యాప్నూ పరిచయం చేశారు -
గేమింగ్లో కృత్రిమ నేస్తం!
ఎక్కడికి, ఎలా దారితీస్తుందో తెలియదు గానీ కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. ఇటీవల వృద్ధుల్లో ఒంటరితనాన్ని పోగొట్టటానికి తోడ్పడే ఏఐ రోబో, పూర్తిస్థాయి ఏఐ సాఫ్ట్వేర్ ఇంజినీర్ ఆవిష్కరణ ఆశ్చర్యచకితులను చేస్తే.. తాజాగా ఏఐ గేమింగ్ ఏజెంట్ పుట్టుకొచ్చింది -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
ఏఐ పాట
కృత్రిమమేధ (ఏఐ) సాయంతో కొత్త పాటలను సృష్టించాలని అనుకుంటున్నారా? అయితే సునో ఏఐ (https://www.suno.ai/) సాయం తీసుకోండి. ఇదో ఏఐ మ్యూజిక్ జనరేటర్ వేదిక. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
యాపిల్ పాడ్కాస్ట్లు అక్షరాల్లో..
పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం. దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత విస్తృతంగా అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది
తాజా వార్తలు (Latest News)
-
నగదుంటేనే రైడ్ రైట్
-
మహబూబ్నగర్ స్థానిక సంస్థల ఎమ్మెల్సీ ఉప ఎన్నిక నేడు
-
న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
-
హైదరాబాద్, ముంబయి మ్యాచ్లో నమోదైన రికార్డులివీ..
-
రాశీఖన్నా ‘గోల్డెన్’ మెరుపులు.. అలా చూడొద్దన్న కేతిక.. టీమ్తో కృతి సనన్
-
లీడర్ పిలిస్తే.. జనసేన పార్టీ ప్రచారానికి సిద్ధంగా ఉన్నా: నటి అనసూయ