మడత ‘యాపిల్’.. ‘360’ ల్యాపీ.. ‘గ్రీన్’ హెచ్పీ
టెక్, గ్యాడ్జెట్ల నుంచి ఆసక్తికరమైన అప్డేట్స్...
యాపిల్ మడత ఫోన్
తొలినాళ్ల తాకేతెరల్లో యాపిల్ ఫోన్లు ఓ అద్భుతమే. తర్వాత ట్యాబ్లెట్తోనూ టెక్నాలజీ ప్రియుల్ని అలరించిన యాపిల్.. ఇప్పుడు డిజైన్ మార్చనుంది. మడత ఫోన్లతో మురిపించేందుకు సిద్ధం అవుతోంది. ఈ క్రమంలో ఐప్యాడ్ మినీ స్థానంలో ఫోల్డబుల్ ఐఫోన్ని తీసుకొచ్చే పనిలో ఉందని టెక్నాలజీ విశ్లేషకుల అంచనా. స్టైలస్ సపోర్టుతో ముందుకు రానుంది. యాపిల్ పెన్సిల్ని ఎలాగైతే వాడేస్తున్నారో.. అదే మాదిరిగా ఫోల్డబుల్ స్క్రీన్పైనా రాసుకోవచ్చు. సగానికి మడత పెట్టుకుని వాడుకునేలా ఉండే ఫోన్ తెర పరిమాణం 7.6 అంగుళాలు. అంటే.. మడత విప్పితే సాధారణ ఫోన్ల కంటే కాస్త ఎక్కువ పరిమాణంలోనే కనిపిస్తుంది. 2023 నాటికి దీన్ని మార్కెట్లోకి తేనుందట!
పర్యావరణ పరిరక్షణలో ‘హెచ్పీ’
సరికొత్త డిజైన్లతో ఎన్నో గ్యాడ్జెట్లు పుట్టుకొస్తున్నాయ్. వాటి తయారీలో వాడే మెటీరియల్స్ సంగతేంటి? పర్యావరణానికి చేటు లేకుండా రీసైకిల్ చేసిన ప్లాస్టిక్ని వాడితే? హెచ్పీ కంపెనీ అదే చేసింది. భవిష్యత్ తరాలకు భూమిని భద్రంగా అందించే లక్ష్యంతో కొత్త ఉత్పత్తుల రూపకల్పన చేస్తోంది. దాంట్లో భాగంగానే పెవిలియన్ సిరీస్ ల్యాప్టాప్లను రీసైకిల్డ్ ప్లాస్టిక్తో తయారు చేసింది. అదే పెవిలియన్ 13, 14, 15 మోడళ్లు. వీటి తెరల పరిమాణం వరుసగా.. 13.3, 14, 15.6 అంగుళాలు. రిజల్యూషన్ 1920*1080 పిక్సల్స్. అంచుల వరకూ తెరలతో ఫుల్-హెచ్డీ ప్లస్ డిస్ప్లే ఆకట్టుకుంటాయి. బ్యాక్లిట్ కీబోర్డు, టచ్ప్యాడ్లతో సౌకర్యంగా వాడుకోవచ్చు. 16జీబీ వరకూ ర్యామ్ సపోర్టు ఉంది. స్టోరేజ్ సామర్థ్యం 512జీబీ. నాలుగు రంగుల్లో మార్కెట్లో అందుబాటులో ఉన్నాయి. *వీటి ప్రారంభ ధర రూ.62,999.
గేమింగ్కి ప్రత్యేకం ‘కే40’
టెక్నాలజీ ప్రియుల్ని ఎక్కువగా ఆకట్టుకుంటున్న వాటిలో గేమింగ్కి అనువైనవి ఎప్పుడూ ముందు వరుసలో ఉంటాయి. ఎందుకంటే వాటి ప్రాసెసింగ్ సామర్థ్యం అలాంటిది. ఆసుస్ కంపెనీ వచ్చే నెలలో ఇదే తరహాలో గేమింగ్ ఫోన్ను విడుదల చేసేందుకు సిద్ధం అయ్యింది. పేరు ‘ఆర్ఓజీ ఫోన్ 5’. స్నాప్డ్రాగన్ 888 చిప్సెట్తో మెరుపు వేగంగా గ్రాఫిక్స్ని ప్రాసెస్ చేస్తుంది. ర్యామ్ 16జీబీ. స్టోరేజ్ సామర్థ్యం 512జీబీ. ఫుల్-హెచ్డీ ప్లస్ డిస్ప్లే పరిమాణం 6.78 అంగుళాలు. రిజల్యూషన్ 1080*2340 పిక్సల్స్. కెమెరాల విషయానికొస్తే.. వెనక మూడు (64ఎంపీ, 16ఎంపీ, 8ఎంపీ) ఉన్నాయి. సెల్ఫీ కెమెరా సామర్థ్యం 32ఎంపీ. ఆండ్రాయిడ్ 11 ఓఎస్ సపోర్టుతో పని చేస్తుంది. బ్యాటరీ సామర్థ్యం 6000 ఎంఏహెచ్. * అంచనా ధర రూ.50,000
ఎలాగైనా వాడుకోవచ్చు..
ప్రస్తుత జీవనశైలిలో మల్కీటాస్కింగ్ చేయాల్సిన పరిస్థితి. అలాంటప్పుడు వాడుతున్న డివైజ్లు కూడా అందుకు అనువుగా ఉండాలి. ఎలాగంటే.. ఎల్జీ మార్కెట్లోకి తెచ్చిన ‘గ్రామ్ 360 ల్యాప్టాప్’ మాదిరి. 11వ జనరేషన్ ఇంటెల్ కోర్ ప్రాసెసర్తో పని చేస్తుంది. 360 డిగ్రీల కోణంలో ఎటైనా తిప్పుకుని అవసరం మేరకు పని చేసుకోవచ్చు. అంటే.. ల్యాపీలానే కాకుండా ట్యాబ్గానూ వాడుకోవచ్చు. అంచుల వరకూ తెరతో నాజూకుగా తీర్చిదిద్దారు. హెచ్డీ వెబ్ కెమెరా, ఫింగర్ప్రింట్ సెన్సర్ దీంట్లోని ప్రత్యేకతలు. తెర పరిమాణం 14, 16 అంగుళాలు. రిజల్యూషన్ 1920*1200 పిక్సల్స్. 8జీబీ ర్యామ్. స్టోరేజ్ సామర్థ్యం 256జీబీ. విండోస్ 10 హోం ఓఎస్ వెర్షన్తో పని చేస్తుంది. బ్యాక్లిట్ కీబోర్డు, టచ్ప్యాడ్ సపోర్టుతో వాడుకోవచ్చు. * అంచనా ధర రూ.1.36 లక్షలు
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో. -
మిమిక్రీ ఇంజిన్!
ప్రముఖ కృత్రిమ మేధ కంపెనీ ఓపెన్ఏఐ తాజాగా వాయిస్ అసిస్టెంట్ రంగంలోకి అడుగుపెట్టింది. ఇందులో భాగంగా వాయిస్ ఇంజిన్ అనే వినూత్న టూల్ను పరిచయం చేసింది. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి. -
ఫొటో అసలుదేనా?
ఆన్లైన్లో ఎన్నో ఫొటోలు. అన్నీ అసలువే కాకపోవచ్చు. కొన్ని నకిలీ ఫొటోలూ ఉండొచ్చు. కృత్రిమ మేధ సృష్టిస్తున్న ఫొటోలతో ఈ బెడద మరింత ఎక్కువైంది కూడా. -
కీబోర్డు మీద వేళ్ల ప్రయాణం!
కీబోర్డు మీద చకచకా టైప్ చేస్తుంటాం గానీ ఆ సమయంలో చేతి వేళ్లు ఎంత దూరం ప్రయాణించాయో ఎప్పుడైనా లెక్కించారా? చేతి వేళ్లు ప్రయాణించటమేంటని అనుకుంటున్నారా? మరేమీ లేదు. -
వినూత్నం మృదు రోబో
ఎటంటే అటు వంగే మృదువైన రోబోల విషయంలో నార్త్ కరోలీనా స్టేట్ యూనివర్సిటీ శాస్త్రవేత్తలు గొప్ప పురోగతిని సాధించారు. ట్విస్టెట్ రింగ్బాట్స్ను రూపొందించి సంచలనం సృష్టించారు.
తాజా వార్తలు (Latest News)
-
మూడోసారి అంతరిక్షంలోకి.. సిద్ధమవుతోన్న సునీతా విలియమ్స్
-
Sunetra Pawar: ఎన్నికల వేళ.. రూ.25 వేల కోట్ల స్కామ్ కేసులో సునేత్ర పవార్కు క్లీన్ చిట్
-
గగనతలంలో ‘అమ్మ’కు సర్ప్రైజ్.. బుడతడి ఐడియా అదుర్స్
-
అవనిగడ్డలో వైకాపా ర్యాలీ.. బాణసంచా పడి తెదేపా కార్యకర్త ఇల్లు దగ్ధం
-
టేకాఫ్ సమయంలో ఊడిన బోయింగ్ విమానం టైరు
-
సొంత అభ్యర్థికి వ్యతిరేకంగా ‘కాంగ్రెస్’ ప్రచారం.. ఎందుకంటే!