ట్రాఫిక్ జామ్ ఉందని గూగుల్కు ఎలా తెలుస్తుంది?
ఏదైనా కొత్త ప్రదేశానికి వెళ్లినప్పుడు అక్కడ మనకు అడ్రస్ తెలియక ఇబ్బంది పడుతుంటాం. స్థానికులను అడుగుదామంటే భాష రాదు. ఇలాంటి సందర్భాల్లో ప్రతి ఒక్కరి ఎంపిక గూగుల్ మ్యాప్స్.....
ఇంటర్నెట్ డెస్క్: ఏదైనా కొత్త ప్రదేశానికి వెళ్లినప్పుడు అక్కడ మనకు అడ్రస్ తెలియక ఇబ్బంది పడుతుంటాం. స్థానికులను అడుగుదామంటే భాష రాదు. ఇలాంటి సందర్భాల్లో ప్రతి ఒక్కరి ఎంపిక గూగుల్ మ్యాప్స్. మనం వెళ్లాలనుకున్న గమ్యస్థానానికి సులభంగా చేరుకునేలా దారి చూపిస్తుంది. అంతేకాకుండా మనం వెళ్లే దారిలో ట్రాఫిక్జామ్ ఉన్నా మరో దారిలో వెళ్లాలని సూచిస్తుంది. ఇందులో ఆఫ్లైన్ ఫీచర్ కూడా ఉంది. అంటే ఇంటర్నెట్ కనెక్షన్ లేకపోయినా దారి చూపిస్తుందన్నమాట. అయినా ఇది అంత కచ్చితత్వంతో దారి ఎలా చూపిస్తుంది? ట్రాఫిక్ సమాచారం ఎలా సేకరిస్తుంది? ఇలాంటి సందేహాలు మీకూ వచ్చాయా? దీనికి సంబంధించిన పలు ఆసక్తికర విషయాలనను ఇటీవల గూగుల్ వెల్లడించింది.
ట్రాఫిక్ అంచనా ఎలాగంటే..
గూగుల్ ట్రాఫిక్ పరిస్థితులను అంచనా వేసేందుకు రెండు పద్ధతులను అనుసరిస్తుంది. ఇందులో మొదటిది ట్రాఫిక్ ప్యాట్రన్ పద్ధతి కాగా రెండోది సెన్సార్, స్మార్ట్ఫోన్స్ అందించే డేటా. వీటిలో ట్రాఫిక్ ప్యాట్రన్ ద్వారా పట్టణాలు, నగరాల్లోని రోడ్లపై ట్రాఫిక్ను అంచనా వేస్తే, సెన్సార్ డేటాతో జాతీయ రహదారులపై ట్రాఫిక్ను అంచనా వేస్తారు. ప్రధానంగా ప్రభుత్వ, ప్రైవేటు ఏజెన్సీలు ఎక్కువగా జాతీయ రహదారులపైనే సెన్సార్లను ఏర్పాటు చేస్తాయి. వాటి డేటానే గూగుల్ ఉపయోగించుకుంటుంది.
ఇక ట్రాఫిక్ ప్యాట్రన్ కోసం వివిధ సమయాల్లో ఆయా ప్రాంతాల్లో వాహనాల వేగం, రాకపోకలను అంచనా వేసేందుకు గూగుట్ మ్యాప్స్ ఉపయోగించే యూజర్స్ జీపీఎస్ డేటాను కూడా పరిగణనలోకి తీసుకుంటుంది. ఉదాహరణకు ఒక మార్గంలో ఉదయం ఆరు నుంచి ఏడు గంటల మధ్యలో వాహనాలు 80 కి.మీ వేగంతో వెళుతుంటాయి. అదే మధ్యాహ్న సమయమంలో 30-40 కి.మీ వేగంతో వెళ్తుంటాయి. అందుకు గల కారణాలను గూగుల్ అంచనా వేసి మెషీన్ లెర్నింగ్ సాంకేతికతో దానికి ఒక ట్రాఫిక్ ప్యాట్రన్ను కేటాయిస్తుంది. దీని ఆధారంగా ట్రాఫిక్ జామ్ డేటాను యూజర్స్కి అప్డేట్ చేస్తుంది.
మరింత మెరుగ్గా..
గూగుల్ మ్యాప్స్ ట్రాఫిక్ అప్డేట్ ఇవ్వడంలో టైం అనేది ఎంతో ముఖ్యం. అలానే మ్యాప్ యూజర్స్ ఎంత సమయంలో తన గమ్యస్థానానికి చేరుకోవాలనుకుంటున్నారనేది కూడా ఎంతో అవసరం. దీనిని గ్రాఫ్ న్యూరల్ నెటవర్క్ అని అంటారు. దీనికి సంబంధించిన డేటాను కచ్చితత్వంతో సేకరించేందుకు గూగుల్ మ్యాప్స్ ఆర్టిఫిషియల్ ఇంటెలిజెన్స్ ఆధారంగా పనిచేసే డీప్మైండ్ అనే సంస్థతో కలిసి పనిచేస్తోంది. ఇది గూగుల్ మాతృ సంస్థ అల్ఫాబెట్లో భాగమే. ఈ డేటా ఆధారంగానే గూగుల్ మ్యాప్స్ 13 ఏళ్లుగా ట్రాఫిక్ను అంచనా వేస్తూ ఆ డేటాను యూజర్స్కి అందజేస్తోంది. అయితే కొవిడ్-19 మహమ్మారి నేపథ్యంలో లాక్డౌన్ విధించడంతో రోడ్లపై తిరిగే వారి సంఖ్య గణనీయంగా తగ్గింది. దీంతో గూగుల్ మ్యాప్స్ కూడా తన ట్రాఫిక్ ప్యాట్రన్స్లో పలు మార్పులు చేసింది.
రహదారులు ఎలా ఉన్నాయి..
అలానే ట్రాఫిక్ డేటాను సేకరించే ముందు గూగుల్ రహదారుల నాణ్యతను కూడా పరిగణనలోకి తీసుకుంటుంది. అంటే రోడ్లు చదునుగా ఉన్నాయా? ఎక్కడెక్కడ గుంతలున్నాయి? అది మట్టి రోడ్డా? తారు రోడ్డా? వంటి విషయాలను దృష్టిలో పెట్టుకుని మనకి దారిని అందులో ప్రయాణిస్తే ఎంత టైంకి చేరుకుంటాం అనే సమాచారాన్ని సూచిస్తుంది.
ప్రత్యామ్నాయం ఎలా సూచిస్తుంది
ఒక వేళ మనం వెళుతున్న దారిలో ట్రాఫిక్ ఎక్కువగా ఉంటే గూగుల్ మరో దారిని సూచిస్తుంది. దానికి యూజర్స్ అందించే డేటాతో పాటు ప్రభుత్వం నుంచి కూడా కొంత సమాచారాన్ని సేకరిస్తుంది. వాటి ఆధారంగా ఆ దారిలో ఎన్ని టోల్ గేట్లు ఉన్నాయి? ఎంత వేగంతో ప్రయాణించవచ్చు? ఒక వేళ ఏదైనా కారణం చేత ఆ దారి మూసివేశారా? వంటి విషయాలను విశ్లేషించి మెషీన్ లెర్నింగ్ అల్గారిథమ్ను ఉపయోగించి ట్రాఫిక్ తక్కువగా ఉండే మరో దారిని సూచిస్తుంది. అలానే మనకు సూచించే దారి ఎలాంటిది? రోడ్డు కండీషన్ ఎలా ఉంది వంటి విషయాలను కూడా తెలియజేస్తుంది. కొన్ని సందర్భాల్లో నిర్మాణాలు, ప్రకృతి విపత్తులు, ప్రమాదాల కారణంగా రోడ్లు మూసివేస్తారు. ఇలాంటి సందర్భాల్లో ఆ దార్లో ప్రయాణించే వారి నుంచి వచ్చిన సమాచారాన్ని కూడా పరిగణలోకి తీసుకుని వేరే దారిలో వెళ్లమని సూచిస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్.
తాజా వార్తలు (Latest News)
-
ఇరాన్ అదుపులో నౌక.. భారత సిబ్బందిలోని కేరళ యువతి క్షేమంగా ఇంటికి..
-
ముంబయి గెలవాలంటే.. హార్దిక్ ఫామ్ అందుకోవడం అత్యవసరం: ఫించ్
-
తెదేపా అభ్యర్థులకు ఈనెల 21న బీఫామ్లు ఇవ్వనున్న చంద్రబాబు
-
ఈనాడు.నెట్లో టాప్ 10 వార్తలు @ 5 PM
-
బేబీ ఫుడ్లో చక్కెర.. వివరణ ఇచ్చిన నెస్లే ఇండియా
-
మంగళగిరిలో నారా లోకేశ్ నామినేషన్.. తెదేపా శ్రేణుల భారీ ర్యాలీ