Google Tools: నిగూఢ గూగుల్
ఇప్పుడందరివీ గూగుల్ జీవితాలే! మన రోజువారీ వ్యవహారాలతో గూగుల్ అంతలా మమేకమైపోయింది మరి. మెయిల్ పంపించుకోవాలన్నా, షాపింగ్ చేయాలనుకున్నా, డాక్యుమెంట్లో రాసుకోవాలనుకున్నా అన్నింటికీ ఇదే శరణ్యం. గూగుల్ వాడేవారికిది అనుభవైక వేద్యమే. దీని లోతులు ఎంతగా అవగతమైనా సెటింగ్స్లో చాలామందికి తెలియనివి చాలానే ఉన్నాయి. ఆన్లైన్ జీవన ప్రస్థానంలో ఇవి బాగా ఉపయోగపడతాయనటంలో ఏమాత్రం సందేహం లేదు.
ఇప్పుడందరివీ గూగుల్ జీవితాలే! మన రోజువారీ వ్యవహారాలతో గూగుల్ అంతలా మమేకమైపోయింది మరి. మెయిల్ పంపించుకోవాలన్నా, షాపింగ్ చేయాలనుకున్నా, డాక్యుమెంట్లో రాసుకోవాలనుకున్నా అన్నింటికీ ఇదే శరణ్యం. గూగుల్ వాడేవారికిది అనుభవైక వేద్యమే. దీని లోతులు ఎంతగా అవగతమైనా సెటింగ్స్లో చాలామందికి తెలియనివి చాలానే ఉన్నాయి. ఆన్లైన్ జీవన ప్రస్థానంలో ఇవి బాగా ఉపయోగపడతాయనటంలో ఏమాత్రం సందేహం లేదు.
ఆఫ్లైన్లోనూ పని
కలిసి పనిచేయటానికి గూగుల్ డాక్స్, షీట్స్, స్లైడ్స్ మంచి మార్గాలు. ఇంటర్నెట్ కనెక్షన్ లేకపోయినా వీటితో పనులు చేసుకోవచ్చు. కాకపోతే చేసిన మార్పులను, పనులను సేవ్ చేసుకోవాలంటే తిరిగి ఇంటర్నెట్కు కనెక్ట్ కావాలి. ఆఫ్లైన్లో వీటితో పనిచేసుకోవటానికి ముందుగా యాక్సెస్ ఫీచర్ను ఆన్ చేసుకోవాలి. ఇందుకోసం నెట్తో అనుసంధానం కావాలి.
* క్రోమ్ బ్రౌజర్ను ఓపెన్ చేసి, గూగుల్ అకౌంట్తో సైన్ ఇన్ కావాలి. ఫైళ్లను సేవ్ చేయటానికి పీసీ, మొబైల్ ఫోన్లలో తగినంత స్పేస్ ఉండేలా చూసుకోవటం మరవద్దు.
* గూగుల్ డ్రైవ్లోకి వెళ్లి సెటింగ్స్ ఓపెన్ చేయాలి. ఆఫ్లైన్ బాక్స్లో టిక్ గుర్తును పెట్టుకోవాలి. ఆఫ్లైన్లో పని చేయాలని అనుకుంటున్న డాక్యుమెంట్లను సేవ్ చేసుకోవాలి.
* గూగుల్ డ్రైవ్లోకి వెళ్లి ఆయా ఫైళ్ల మీద రైట్ క్లిక్ చేసి ‘అవలేబుల్ ఆఫ్లైన్’ ఆప్షన్ను ఆన్ చేసుకోవాలి. అంతే ఇంటర్నెట్ లేకపోయినా వీటిల్లో ఆయా పనులు చేసుకోవటానికి సాధ్యమవుతుంది.
* పని పూర్తయ్యాక ఇంటర్నెట్తో అనుసంధానమై సవరించిన డాక్యుమెట్లను అప్లోడ్ చేసుకోవచ్చు. ఒకేసారి వివిధ పరికరాలతో ఫైళ్లలో మార్పులు చేసే ముందు అప్రమత్తంగా ఉండాలి. ఆయా పనులు ఓవర్రైడ్ కావచ్చు మరి.
ఫీచర్లతో ప్రయోగాలు
ప్రాథమిక, ప్రయోగాత్మక సాఫ్ట్వేర్ వర్షన్లు కొన్నిసార్లు ఆపరేటింగ్ సిస్టమ్ను అస్తవ్యస్తం చేయొచ్చు. వీటి విషయంలో అప్రమత్తత అవసరం. అయితే కొందరు వినూత్న ఫీచర్లను పరీక్షించాలని ఉబలాట పడుతుంటారు. ఇలాంటివారు జీమెయిల్ కోసం గూగుల్ రూపొందించే ప్రయోగాత్మక ఫీచర్లను ప్రయత్నించొచ్చు. అందరికీ అందుబాటులోకి తీసుకురాకముందే వీటిని పరీక్షించొచ్చు. కావాలనుకుంటే ఫీడ్బ్యాక్ ఇవ్వచ్చు. ప్రస్తుతానికి కొత్త ప్రయోగాత్మక ఫీచర్లేవీ లేవు గానీ వీటి గురించి ముందే తెలుసుకోవటానికి సెట్ చేసుకొని ఉండటం మేలు. కొత్త ప్రయోగాత్మక ఫీచర్లు విడుదల కాగానే యాక్సెస్ చేయటానికి వీలుంటుంది. జీమెయిల్ అన్డూ ఆప్షన్ మొదట్లో ఇలాంటి ప్రయోగాత్మక ఫీచర్గానే ముందుకొచ్చింది. మరి ఎక్స్పెరిమెంటల్ యాక్సెస్ను ఆన్ చేసుకోవటమెలా?
* ముందుగా జీమెయిల్ను ఓపెన్ చేయాలి. కుడివైపున పైన ఉండే సెటింగ్స్ గేర్ను నొక్కితే అన్ని సెటింగ్స్ కనిపిస్తాయి. జనరల్ సెటింగ్స్ కింద ఎక్స్పెరిమెంటల్ యాక్సెస్ను ఎంచుకోవాలి. పేజీ కిందికి వచ్చి మార్పులను సేవ్ చేసుకోవాలి.
మన సమాచారమంతా డౌన్లోడ్
గూగుల్ ఖాతాతో ఎన్నెన్నో అనుసంధానం చేస్తుంటాం. వీటి సాయంతో గూగుల్ మనల్ని ఓ కంట కనిపెడుతూనే ఉంటుంది. మన ఫోన్ కాంటాక్టులు, ఆసక్తుల దగ్గర్నుంచి.. ఏమేం వెదుకుతున్నాం? ఏయే వస్తువులు కొంటున్నాం? వంటివన్నీ ఎప్పటికప్పుడు గమనిస్తూనే ఉంటుంది. ఇలా గూగుల్తో అనుసంధానమైన అన్నింటి వివరాలను గూగుల్ టేక్అవుట్ ద్వారా కాపీ చేసి, ఎక్స్పోర్టు చేసుకోవచ్చనే సంగతి తెలుసా? ఇది బుక్మార్క్స్, గూగుల్ మ్యాప్స్ లొకేషన్ హిస్టరీ, ఈమెయిల్ కాంటాక్టులు, చూసిన యూట్యూబ్ వీడియోలు, మొత్తం సెర్చ్ హిస్టరీ.. ఒక్కటేమింటి అన్నింటినీ ఒకేసారి తెలుసుకోవచ్చు.
* ముందుగా గూగుల్ ఖాతాలోకి సైన్ఇన్ అవ్వాలి. తర్వాత takeout.google.comలోకి వెళ్లాలి.
* ఎక్స్పోర్ట్ చేసుకోవాలనుకునే సమాచారాన్నంతా ఎంచుకోవాలి.
* నెక్స్ట్ స్టెప్ను క్లిక్ చేసి, సమాచారాన్ని రిసీవ్ చేసుకోవాలని అనుకుంటున్న తీరును (ఈమెయిల్ ద్వారా లింక్ను డౌన్లోడ్ చేసుకోవటం లేదా గూగుల్ డ్రైవ్, డ్రాప్బాక్స్, ఒన్డ్రైవ్ వంటి వాటికి జోడించటం) పద్ధతిని ఎంపిక చేసుకోవాలి. అంతే మొత్తం సమాచారం డౌన్లోడ్ అవుతుంది.
* ప్రతి వారం లేదా ఏడాదికి రెండు నెలలకు ఒకసారి.. ఇలా ఎంత కాలానికి సమాచారాన్ని రిసీవ్ చేసుకోవాలనేదీ ఎంచుకోవచ్చు. ఫైల్ రూపాన్ని కూడా నిర్ణయించుకోవచ్చు.
అవసరమైన ట్యాబ్ శోధన
కొందరు ఒకే సమయంలో బోలెడన్ని ట్యాబ్స్ను ఓపెన్ చేసి పనులు కానిచ్చేస్తుంటారు. వీటిల్లో అవసరమైన ట్యాబ్ను వెతకటం కొన్నిసార్లు కష్టంగా అనిపించొచ్చు. దీన్ని వెతకటానికి తేలికైన మార్గం లేకపోలేదు.
* క్రోమ్ను తెరచి, ట్యాబ్ జాబితా పక్కన ఉండే చిన్న బాణం గుర్తును నొక్కాలి. అందులో వెబ్సైట్ పేరు, కీవర్డ్తో గానీ మరేదైనా పదంతో గానీ సెర్చ్ చేస్తే ట్యాబ్ ప్రత్యక్షమవుతుంది. దీన్ని క్లోజ్ చేయాలనుకుంటే ఎక్స్ మీటను నొక్కితే సరి.
హిస్టరీకీ పాస్వర్డ్
గూగుల్ సేవలు ఉపయోగించుకున్న ప్రతీసారీ మన పనులన్నీ మై అకౌంట్ పేజీలో నిక్షిప్తమవుతాయి. ఇది మనం ఏమేం వెతికాం? ఏమేం పొటోలు తీసుకున్నాం? ఏయే యూట్యూబ్ వీడియోలు చూశాం? గూగుల్ యాప్స్ను ఎప్పుడెలా వాడుకున్నాం? వంటి విషయాలన్నింటినీ చూపుతుంది. ఒక్క పీసీలోనే కాదు, గూగుల్ ఖాతాతో అనుసంధానమైన మొబైల్ ఫోన్లలోని హిస్టరీ అంతా ఇందులో నమోదవుతుంది. పరికరాలను మనమే వాడుకుంటే ఇబ్బందేమీ ఉండకపోవచ్చు గానీ ఇతరులెవరైనా దీన్ని చూస్తే? అంటే కంప్యూటర్ను ఇతరులకు షేర్ చేసినా, ఇంట్లో పీసీ పాస్వర్డ్ అందరికీ తెలిసినా గూగుల్ ఖాతా తెరచి ఉన్నట్టయితే ఒక్క క్లిక్తో గుట్టంతా రట్టవుతుంది. దీన్ని తప్పించుకోవటానికీ ఓ మార్గముంది. వీటన్నింటినీ పాస్వర్డ్తో సురక్షితం చేసుకుంటే సరి.
* కంప్యూటర్లో myactivity.google.com లోకి వెళ్లాలి. సైన్ ఇన్ కాగానే ప్రైవసీ అండ్ సెక్యూరిటీ విభాగం వద్ద ‘సేఫర్ విత్ గూగుల్’ బాక్స్ ఓపెన్ అవుతుంది. అందులో మేనేజ్ను క్లిక్ చేయాలి.
* ‘రిక్వైర్ ఎక్స్ట్రా వెరిఫికేషన్’ ఆప్షన్ను ఎంచుకొని సేవ్ చేసుకోవాలి.
దీంతో పాస్వర్డ్ ఎంటర్ చేస్తేనే హిస్టరీని చూడటానికి, డిలీట్ చేయటానికి వీలవుతుంది. గూగుల్ పాస్వర్డ్ను బ్రౌజర్ లేదా కంప్యూటర్లో సేవ్ చేస్తే మాత్రం ఉద్దేశం నెరవేరదని గుర్తుంచుకోండి. జ్ఞాపకం ఉంచుకోదగిన సురక్షితమైన పాస్వర్డ్ను నిర్ణయించుకోవటం మంచిది.
ప్రయోగాత్మక ఫీచర్లలో కొన్ని అందుబాటులో ఉన్నాయి. వీటిల్లో షేర్డ్ పియానో ఒకటి. కరోనా మహమ్మారి నేపథ్యంలో దూర ప్రాంతాల నుంచి సంగీతాన్ని నేర్చుకోవటానికి, సహకరించు కోవటానికి దీన్ని రూపొందించారు. ఇందులో 10 మంది ఒకేసారి పియానోను వాయించొచ్చు. దీన్ని పరీక్షించటానికి లాగిన్ కావాల్సిన అవసరం లేదు. సాఫ్ట్వేర్ను డౌన్లోడ్ చేసుకోవాల్సిన పనీ లేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
యాపిల్ పాడ్కాస్ట్లు అక్షరాల్లో..
పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం. దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత విస్తృతంగా అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటోతోనే వీడియో..
షేక్స్పియర్ స్వగతాన్ని మోనాలిసా పాట రూపంలో పాడితే? అదెలా సాధ్యమని ఆశ్చర్యపోకండి. కృత్రిమ మేధ(ఏఐ)తో ఇలాంటి అద్భుతాలు ఎన్నయినా చేయొచ్చు -
చిటికెలో వెబ్సైట్
కొద్ది నిమిషాల్లో వెబ్సైట్ను సృష్టించుకోవాలని అనుకుంటున్నారా? అయితే విక్స్ ఏఐ వెబ్సైట్ బిల్డర్ సాయం తీసుకోవచ్చు. ఇది ఏఐ ఛాట్బాట్ సాయంతో సెకండ్లలోనే వెబ్సైట్ను తయారుచేస్తుంది మరి. -
ఫైల్స్లో స్కాన్!
డాక్యుమెంట్లు, ఫైళ్లను ఒకదగ్గర నిల్వ చేసుకోవటానికి, తేలికగా షేర్ చేయటానికి గూగుల్ ఫైల్స్ యాప్ బాగా ఉపయోగపడుతుంది. ఇప్పుడు దీనికి కొత్తగా స్కాన్ ఫీచర్ అందుబాటులోకి వచ్చింది. -
డాక్స్లో పాత వర్షన్ కావాలంటే?
గూగుల్ డాక్స్లో ఎడిటింగ్ చేస్తూనే ఉంటాం. షేర్ చేసిన ఫైళ్లలో ఎవరెవరో ఏవో మార్పులు చేయొచ్చు. కానీ కొన్నిసార్లు ముందరి డాక్యుమెంట్లోని సమాచారమే బాగుందని అనిపించొచ్చు. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
టాయ్లెట్ ఎక్కడ?
బయటకు వెళ్లినప్పుడు పబ్లిక్ టాయ్లెట్ల విషయంలో మహిళలు చాలా ఇబ్బంది ఎదుర్కొంటుంటారు. పట్ణణాల్లోనైతే ఈ సమస్య మరీ ఎక్కువ. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
ఫ్లాష్ నోటిఫికేషన్లు ఇలా..
ఫోన్ సైలెంట్లో పెట్టారు. కానీ ముఖ్యమైన నోటిఫికేషన్లు మిస్ అవుతున్నామేమో అని మనసులో అనిపిస్తుంటుంది. అంతలా బాధపడాల్సిన పనిలేకుండా ఫ్లాష్ లైట్ అలర్ట్ను సెట్ చేసుకుంటే చాలు. -
లెక్కల్లో గూగుల్ సాయం
లెక్కలంటే చాలామంది విద్యార్థులకు హడల్. ఒకపట్టాన అర్థం కాకపోవటం, తగినంత సాధన చేయకపోవటం వల్ల గణిత సూత్రాలు, నిబంధనలు గుర్తుండవు. దీంతో లెక్కలను చేయటం కష్టమైపోతుంది. -
విండోస్లోనూ ఏఐ ఎరేజ్
గూగుల్, సామ్సంగ్ పరికరాల్లో ఏఐ ఆధారిత ఫొటో ఎరేజర్ గురించి వినే ఉంటారు. వీటి జాబితాల్లోకి ఇప్పుడు విండోస్ పీసీలనూ చేర్చుకోండి. మైక్రోసాఫ్ట్ సంస్థ తాజాగా జనరేటివ్ ఎరేజ్ ఫీచర్ను పరిచయం చేసింది. -
ఛాట్జీపీటీతో ఏఐ టూల్స్ జాబితా
కృత్రిమ మేధ (ఏఐ) సాయంతోనే ఏఐ టూల్స్ను వెతికితే? ఇందుకు ఛాట్జీపీటీ బాగా ఉపయోగపడుతుంది. తెలివిగా ప్రాంప్ట్ను అందించాలే గానీ కోరుకున్నట్టుగా సమాచారాన్ని అందిస్తుంది. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
పెయింట్లోనే ఏఐ!
పదాల కూర్పుతో (ప్రాంప్ట్) ఇమేజ్లు సృష్టించటం ఇటీవల చాలా తేలికైంది. ఇందుకోసం జనరేటివ్ ఏఐ టూల్స్ చాలా అందుబాటులోకి వచ్చాయి. వీటిల్లోకి వెళ్లి, సైన్ఇన్ అయ్యి ఇష్టమైన ఇమేజ్లను ఇట్టే సృష్టించుకోవచ్చు -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు.
తాజా వార్తలు (Latest News)
-
NDA: బిహార్లో ‘ఎన్డీయే’ సీట్ల పంపకం పూర్తి.. అధిక స్థానాల్లో భాజపా పోటీ
-
PM Modi: ‘మీతో కలిసి పనిచేసేందుకు ఆసక్తిగా ఎదురుచూస్తున్నా’.. పుతిన్కు ప్రధాని మోదీ విషెస్
-
MNP: మొబైల్ నంబర్ పోర్టింగ్కు కొత్త రూల్.. జులై 1 నుంచి అమల్లోకి
-
Chennai Super Kings: అన్నాడీఎంకేకు 80% విరాళాలు.. సీఎస్కే యాజమాన్యం నుంచే
-
RS Praveen Kumar: భారాసలో చేరిన ఆర్ఎస్ ప్రవీణ్ కుమార్
-
MLC Kavitha: ఆప్ నేతలతో కలిసి ఎమ్మెల్సీ కవిత అక్రమాలు.. ఈడీ ప్రకటన