లోహాల పంట!
ఐరన్, నికెల్, మాంగనీస్.. ఇలాంటి లోహాలను ఎప్పుడూ తవ్వి తీసుకోవడమేనా? గనుల పేరుతో భూమాత గుండెకు చిల్లులు పెట్టటమేనా? హాయిగా చెట్లను పెంచి వాటి నుంచి లోహాలను సేకరించలేమా? అంటే మామిడి, కొబ్బరి, పనస వంటివి సాగు చేసినట్టు లోహాలను పండిస్తే ఎంత బాగుంటుంది? ఊహించుకోవటానికి ఎంత బాగుందో కదా. శాస్త్రవేత్తల పుణ్యమాని ఇప్పుడదే నిజం కాబోతోంది. ఇప్పటికే కొన్నిచోట్ల ‘లోహాల సాగు’ ఆరంభమైంది కూడా.
ఐరన్, నికెల్, మాంగనీస్.. ఇలాంటి లోహాలను ఎప్పుడూ తవ్వి తీసుకోవడమేనా? గనుల పేరుతో భూమాత గుండెకు చిల్లులు పెట్టటమేనా? హాయిగా చెట్లను పెంచి వాటి నుంచి లోహాలను సేకరించలేమా? అంటే మామిడి, కొబ్బరి, పనస వంటివి సాగు చేసినట్టు లోహాలను పండిస్తే ఎంత బాగుంటుంది? ఊహించుకోవటానికి ఎంత బాగుందో కదా. శాస్త్రవేత్తల పుణ్యమాని ఇప్పుడదే నిజం కాబోతోంది. ఇప్పటికే కొన్నిచోట్ల ‘లోహాల సాగు’ ఆరంభమైంది కూడా.
చెట్లే మన భూమికి శ్రీరామ రక్ష. వేళ్ల ద్వారా భూమి నుంచి నీటిని, ఖనిజ లవణాలను సంగ్రహించి, వాటిని ఎన్నో రకాలుగా మనకు అందిస్తుంటాయి చెట్లు. కేవలం ఖనిజ లవణాలను సంగ్రహించటమే కాదు, వాటిని నిల్వ చేసుకుంటాయి కూడా. కొన్ని చెట్లయితే అసాధారణ స్థాయిలో దాచిపెట్టుకుంటుంటాయి. ఒకరకంగా వేళ్ల అయస్కాంతంతో లోహాలను ఆకర్షిస్తాయన్నమాట. లోహాలు దండిగా నిక్షిప్తమై ఉన్న నేలల్లో మిగతా మొక్కలు, చెట్లు బతకలేక చేతులెత్తేస్తే ఇవి మాత్రం బోర విరుచుకొని ‘లోహ’ స్తంభాలుగా ఎదుగుతుంటాయి. వీటి నుంచి లోహాలను ఎందుకు సంగ్రహించకూడదు? కిలోమీటర్ల కొద్దీ గనులు తవ్వటం తప్పుతుంది కదా? మెల్బోర్న్ యూనివర్సిటీ శాస్త్రవేత్త అలన్ బాకర్ ఇలాగే ఆలోచించారు. ఆయన 1970ల్లోనే ఇలాంటి చెట్లపై పరిశోధనలు ఆరంభించారు. తన ఆలోచనలను అంతర్జాతీయ బృందంతో పంచుకొని, మలేసియాలోని ఓ మారుమూల ప్రాంతంలో వినూత్నంగా ప్రాజెక్టును ఆరంభించారు. స్థానికులతో నికెల్ను పెద్దమొత్తంలో సంగ్రహించే ఫైలాంతస్ బల్గూయీ చెట్ల పెంపకం చేపట్టారు.
ఆలోచన పాతదే కానీ..
చెట్లు లోహాలను సంగ్రహించి, దాచుకుంటాయనే సంగతిని జార్జియస్ అగ్రికోలా 500 ఏళ్ల క్రితమే గుర్తించారు. ఆయన తన ఖాళీ సమయాల్లో వృక్షాలను వాసన చూస్తుండేవారు. ఆకుల్లో ఏముందో తెలుసుకోవాలంటే ముందు అక్కడి భూముల్లో ఎలాంటి లోహాలున్నాయో చూడాలని 16వ శతాబ్దంలోనే తన పుస్తకాల్లో రాసుకున్నారు. ఇదే వృక్షాల నుంచి లోహ సంగ్రహణ ఆలోచనకు పునాది వేసిందనుకోవచ్చు. అమెరికా వ్యవసాయ శాస్త్రవేత్త రఫస్ చానే దీనికి 1983లో ఫైటోమైనింగ్ అని పేరు పెట్టారు. దీన్ని ఆగ్రోమైనింగ్ అనీ పిలుచుకుంటున్నారు. తాజాగా డాక్టర్ బాకర్ లోహాల సాగును కొత్త పుంతలు తొక్కించటం ఆరంభించారు. ఇది సంప్రదాయ గనుల తవ్వకానికి పూర్తి ప్రత్యామ్నాయం కాకపోవచ్చు గానీ విషతుల్య నేలలను ఉత్పాదక వనరులుగా తీర్చిదిద్దుకోవచ్చన్నది బాకర్ ఆలోచన.
ఎలా తీస్తారు?
చెట్లలో లోహాలు ఉంటాయి సరే. వాటిని వెలికి తీయటమెలా? వీటి ఆకులు, బెరడును ఎండించి.. బూడిదగా మారుస్తారు. దీన్నే ఒకరకంగా ‘బయో-ఓర్’ అనుకోవచ్చు. దీన్ని శుద్ధి చేసి, ప్రామాణిక హైడ్రోమెటలర్జికల్ పద్ధతుల సాయంతో లోహాలను వెలికితీస్తారు. బాకర్ ఆరంభించిన ప్రాజెక్టులో భాగంగా ఇలా ప్రతి ఆరు నెలలు, 12 నెలలకు ఒకసారి సుమారు 250 కిలోల నికెల్ సిట్రేట్ను వెలికి తీస్తున్నారు. ఇది విజయవంతం కావటంతో మరింత పెద్ద విస్తీర్ణంలో ‘లోహాలు’ పండించటమూ ఆరంభించారు. మున్ముందు ఇది కొబ్బరికాయలు, కాఫీ మాదిరిగా పెద్ద వ్యవసాయ పరిశ్రమగా మారినా ఆశ్చర్యపోనవసరం లేదంటోంది బాకర్ బృందం. యూనివర్సిటీ ఆఫ్ క్వీన్స్ల్యాండ్ వృక్ష శాస్త్రవేత్త డాక్టర్ ఆంటోనీ అన్ని రకాల లోహాలను సంగ్రహించే మాకడామియా చెట్టు మీద దృష్టి సారించారు. దీని ఆకులు, కాండం సారంలో మాంగనీస్ ఉంటుంది. ఇలాంటి చెట్లు 700 వరకు ఉన్నాయని అంచనా.
భవిష్యత్తు ఆశ..
స్టెయిన్లెస్ స్టీలులో నికెల్ చాలా కీలక మూలకం. ఎలక్ట్రిక్ వాహనాలు, పునరుత్పాదక ఇంధనాల తయారీలో దీని రసాయన మిశ్రమాలను విరివిగా వాడుకుంటున్నారు. పెద్ద మొత్తంలో మనుషులకు హాని చేసినట్టుగానే వృక్షాలకూ విషతుల్యంగా పరిణమిస్తుందిది. నికెల్ను తవ్వినచోట, శుద్ధి చేసిన చోట నేల దెబ్బతింటుంది. చివరికి నిరుపయోగంగానూ మారిపోతుంది. సహజంగా నికెల్ దండిగా ఉన్న మధ్యధరా, ఉష్ణమండల ప్రాంతాల్లోని వృక్షాల్లో కొన్ని దీన్ని తట్టుకొని నిలబడితే.. మరికొన్ని ఎండిపోతుంటాయి. ఇలాంటి నికెల్ను సంగ్రహించే వృక్షాలు 65 వరకు ఉన్నాయని అంచనా. కొన్ని వృక్షాలు కోబాల్ట్, జింక్ వంటి ఖనిజాలనూ దాచుకుంటుంటాయి. కొన్ని చెట్లు బంగారాన్నీ నిల్వ చేసుకుంటూ ఉండటం గమనార్హం. కొత్త ఎలక్ట్రానిక్ పరికరాల యుగం మొదలయ్యాక అరుదైన ఖనిజాలకు డిమాండ్ గణనీయంగా పెరుగుతోంది. ఈ నేపథ్యంలో లోహ వృక్షాల సాగు గణనీయంగా పుంజుకోగలదని ఆశిస్తున్నారు.
లాభాలు ఎన్నెన్నో..
* లోహాలతో నిండిన భూముల్లో వీటి సాగుతో సన్నకారు రైతులు ఎంతో కొంత సంపాదించుకోవచ్చు. మైనింగ్ కంపెనీలు సైతం వట్టిపోయిన గనుల్లో వృక్షాలను పెంచుకోవచ్చు. ఇలా వ్యర్థ భూముల నుంచీ ఆర్జించే అవకాశముంటుంది. ఇతరత్రా లాభాలూ ఉంటాయి. ఇలా పర్యావరణ హితంగానూ లోహ సాగు ఉపయోగపడుతుంది.
* వైద్యపరంగానూ మేలే చేస్తుంది. అభివృద్ధి చెందుతున్న దేశాల్లో చాలామంది జింక్, సెలీనియం వంటి ఖనిజ లవణాల లోపంతో బాధపడుతున్నారు. ఈ నేపథ్యంలో సూక్ష్మ పోషకాలను గ్రహించే మొక్కలు, వృక్షాలతో బయోమాస్ను సృష్టించొచ్చు. దీన్ని మాత్రల రూపంలోకి మార్చి ఆయా లవణాల లోపాలను తగ్గించుకోవచ్చు. ఇతరపంటలకు బయోమాస్ను ఎరువుగా మార్చి, ఆయా పంటల్లో జింక్ వంటి పోషకాల మోతాదులు పెరిగేలా చేయొచ్చు.
ఇది రైనోరియా బెంగాలెన్సిన్ మొక్క ఆకు. ఇందులో క్యాల్షియం (ఎరుపు), నికెల్ (ఆకుపచ్చ), కోబాల్ట్ (నీలి) ఆనవాళ్లను స్పష్టంగా చూడొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్. -
వృక్షో రక్షతి రక్షితః
జీవ పరిణామ సిద్ధాంతాన్ని ప్రతిపాదించిన ఛార్లెస్ డార్విన్ అప్పుడెప్పుడో కన్న కల ఎట్టకేలకు సాకారమైంది. ప్రపంచంలో మనకు తెలిసిన అన్ని మొక్కల జాబితాను రూపొందించాలనే ఆయన ఆశయాన్ని రాయల్ బొటానిక్ గార్డెన్స్ ఇటీవల సాకారం చేసింది. -
వాతావరణతరంగ శోధన
భూమి, అంతరిక్ష వాతావరణం మధ్య జరిగే చర్యల మీద అధ్యయనం చేయటం దీని ఉద్దేశం. -
ఏఐయ్యారే!
సాంకేతిక రంగంలో కృత్రిమ మేధ (ఏఐ) సృష్టిస్తున్న సంచలనం అంతా ఇంతా కాదు. ఛాట్జీపీటి సమస్త సమాచార సారాంశాన్ని చిటికెలో ముందుంచుతోంది. -
వర్షం కృత్రిమం
ఉక్కపోస్తే ఫ్యాన్ వేసుకుంటాం. చుట్టుపక్కల గాలిని మనవైపు తిప్పుకొంటాం. ఇంట్లో ఉష్ణోగ్రత పెరిగితే ఏసీ వేసుకుంటాం. వేడి గాలిని చల్లబరచి హాయిని అనుభవిస్తాం -
Phone Hacking: ఫోన్ హ్యాక్ అయ్యిందా?
ప్రభుత్వ ప్రాయోజిత అటాకర్లు ఐఫోన్ల మీద దాడి చేసే అవకాశముందని ఇటీవల యాపిల్ సంస్థ ప్రముఖ ప్రతిపక్ష నేతలు, పాత్రికేయులను హెచ్చరించటం తీవ్ర కలకలం సృష్టించింది. ఒక్క మనదేశానికి చెందినవారికే కాదు.. 150 దేశాల్లోకి వ్యక్తులకూ ఈ నోటిఫికేషన్లు అందాయి. దీనిపై కేంద్ర ప్రభుత్వం యాపిల్కు నోటీసులు జారీ చేసి, వివరణ కోరింది.
తాజా వార్తలు (Latest News)
-
పాపాల పెద్దిరెడ్డికి దళితులంటే ఎందుకంత చులకన?
-
భయపెడుతున్న భువన్.. శివారు మున్సిపాలిటీల్లో ఆస్తిపన్ను నాలుగైదు రెట్లు పెంపు
-
నకిలీ కరెన్సీ నోట్లతో దొరికిన వైకాపా నేత బంధువు
-
రేటింగుల పేరుతో మోసం కేసులో రూ.32 కోట్ల జప్తు
-
లోయలో పడిన బస్సు.. 45 మంది మృతి.. గాయాలతో బయటపడ్డ 8 ఏళ్ల బాలిక
-
కన్నారా.. ఇది విన్నారా?