Published : 07 Dec 2020 23:31 IST

ప్రపంచంలోనే అత్యంత ఖరీదైన వీడియో గేమ్‌

ఇంటర్నెట్‌ డెస్క్‌: వీడియో గేమ్స్‌.. ఉన్నచోటు నుంచి కదలకుండా కంప్యూటర్‌ లేదా మొబైల్‌ ఫోన్లో ఆడుకునే ఆటలు. నేటి తరంలో వీటికి విపరీతమైన క్రేజ్ ఉంది. అందుకే ఆన్‌లైన్‌లో లెక్కలేనన్ని అందుబాటులోకి వస్తున్నాయి. వీటిలో కొన్ని ఉచితంగా ఆడేవైతే.. మరికొన్నింటికి సబ్‌స్క్రైబ్ చేసుకోవాల్సి ఉంటుంది. ఇవి కాకుండా టీవీకి కనెక్ట్‌ చేసి ప్రత్యేకంగా ఆడుకునేలా ఖరీదైన వీడియో గేమ్‌లూ మార్కెట్లో అందుబాటులో ఉన్నాయి. అయితే వాటి ధర కాస్త ఎక్కువగా ఉంటుంది. కానీ అమెరికాలోని డల్లాస్‌లో నిర్వహించిన వేలంలో ఓ వీడియో గేమ్‌ అత్యధిక ధర పలికి రికార్డులు సృష్టించింది. నింటెండో కంపెనీకి చెందిన సూపర్ మారియో బ్రోస్‌ 3 అనే వీడియో గేమ్‌ వేలంలో 1,56,000 డాలర్లు ధర పలికింది. అంటే మన కరెన్సీలో సుమారు రూ. 1.15 కోట్లు. గతేడాది వేలంలో కూడా సూపర్‌ మారియో బ్రోస్‌ వీడియో గేమ్‌ వేలంలో 1,14,000 డాలర్ల ధర పలికిందని వేలం నిర్వహించిన హెరిటేజ్‌ ఆక్షన్స్ తెలిపింది.

ఈ వీడియో గేమ్ అంత ధర పలకడానికి గల కారణాలు కూడా కొంచెం వింతగా అనిపిస్తాయి. వీడియో గేమ్ ప్యాక్‌ చేసిన బాక్స్‌ డిజైన్, పేరులో బ్రోస్‌ అనే పదం బాక్స్‌ పైభాగంలో ఎడమ వైపు ముద్రించడం, బొమ్మలో మారియో క్యారెక్టర్‌ చేతికి వైట్‌ గ్లౌవ్స్‌ ఉండటం, అలానే పాత వీడియో గేమ్‌లను ప్యాక్‌ చేసిన బాక్స్‌ నాణ్యత, ఆ బాక్స్‌కి వేసిన సీల్‌ ఆధారంగా రేటింగ్ ఇచ్చే వాటా కంపెనీ దీనికి 9.2 ఏ+ రేటింగ్ ఇవ్వడం వల్ల ఈ వీడియో గేమ్ వేలంలో అంత ధర పలికినట్లు నిర్వాహకులు తెలిపారు.

Read latest Technology News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని