మెదడు కంప్యూటర్ జీవకంప్యూటర్!
కంప్యూటింగ్ రంగంలో సరికొత్త విధానం రూపుదిద్దుకుంటోందా? కృత్రిమ మేధ నుంచి వెనక్కు మళ్లి, మనం ఎక్కడ మొదలెట్టామో తిరిగి అక్కడికే చేరుకోనున్నామా? తాజా పరిశోధనలు అలాంటి సంకేతాలే ఇస్తున్నాయి.
కంప్యూటింగ్ రంగంలో సరికొత్త విధానం రూపుదిద్దుకుంటోందా? కృత్రిమ మేధ నుంచి వెనక్కు మళ్లి, మనం ఎక్కడ మొదలెట్టామో తిరిగి అక్కడికే చేరుకోనున్నామా? తాజా పరిశోధనలు అలాంటి సంకేతాలే ఇస్తున్నాయి. ప్రపంచమంతా కృత్రిమ మేధ (ఆర్టిఫిషియల్ ఇంటెలిజెన్స్- ఏఐ) విప్లవాత్మక మార్పులను కీర్తిస్తున్న వేళ సహజ మేధ.. అదే మనిషి మెదడు అద్భుత సామర్థ్యం కొంగొత్త దారులను చూపిస్తోంది. మెదడు కణాలతో కూడిన జీవ (బయో) కంప్యూటర్ల రూపకల్పనకు శ్రీకారం చుడుతోంది!
కంప్యూటర్లు లేని రంగాన్ని ఊహించుకోవటం కష్టం. మానవ జీవనాన్ని ఇవెంత సులభం చేశాయో! సిలికాన్ ఆధారిత కంప్యూటర్లకు మనిషి మెదడును జోడిస్తే? ఇంకెంత గొప్పగా ఉంటుందో కదా. కానీ ఇది సాధ్యమేనా? ప్రముఖ అంతర్జాతీయ శాస్త్రవేత్తల బృందం ప్రకారమైతే అసాధ్యమేమీ కాదు. కంప్యూటర్లను ఆర్గనాయిడ్ ఇంటెలిజెన్స్(ఓఐ)తో అనుసంధానం చేయటానికి మార్గం సుగగమం చేస్తున్నారు మరి. దీంతో కంప్యూటర్లలో ట్రాన్సిస్టర్లకు బదులు మెదడు కణాలే సమాచారాన్ని నిల్వ చేసుకుంటాయి. వెలికి తీసుకుంటాయి. విడమరచుకుంటాయి.
ఏఐ నుంచి ఓఐకి
చదరంగం వంటి అత్యంత క్లిష్టమైన ఆటల్లోనూ కంప్యూటర్లు మనుషులను ఓడించేస్తున్నాయి. వీటి ఆలోచనా వేగం మనకన్నా గొప్పదని చెప్పటానికి ఇంతకన్నా రుజువేం కావాలి? ఎన్నో పనులను ఇవి చిటికెలో చేస్తున్నాయి మరి. కంప్యూటర్లు, మెదడు నిర్మాణాల మధ్య పోలికలను ఒకసారి చూద్దాం. సమాచారాన్ని గ్రహించటం (ఇన్పుట్), అవసరమైన సమాచారాన్ని ఇవ్వటం (అవుట్పుట్), సమాచారాన్ని విడమరచుకొని, విశ్లేషించటం (సెంట్రల్ ప్రాసెసింగ్), జ్ఞాపకం పెట్టుకోవటం (మెమరీ) కోసం మెదడు, కంప్యూటర్ రెండూ విడివిడి సర్క్యూట్లను కలిగి ఉంటాయి. అందుకే కృత్రిమంగా ఆలోచించే యంత్రాల కంప్యూటింగ్ నమూనాల కోసం శాస్త్రవేత్తలు మనిషి మెదడునే ఆధారంగా తీసుకున్నారు. అయితే ఈ రెండింటి మధ్యా చాలా వ్యత్యాసం ఉంది. కంప్యూటర్లు సిలికాన్ ఆధారితమైనవైతే మెదడు జీవ సంబంధమైంది. మన మెదడు కన్నా కంప్యూటర్లు కనీసం కోటి రెట్ల వేగంతో గణించగలవు. కచ్చితత్వం విషయంలోనూ మనకన్నా మెరుగే. కానీ కొన్ని విషయాల్లో తికమక పడుతుంది. మనం క్రికెట్ ఆడుతున్నాం. బ్యాటర్ బంతిని కొట్టాడు. బంతి గాల్లోకి లేచింది. క్యాచ్ పట్టటానికి ప్రయత్నిస్తున్నాం. బంతి వేగం, దాని దిశను గమనిస్తూ శరీరంలోని కండరాలన్నీ ఒక సమన్వయంతో పనిచేస్తూ.. కాళ్లను అక్కడి వరకు పరుగెత్తించి, చేతులను బంతి కిందికి తెచ్చి ఒడిసి పట్టటానికి సహకరిస్తాయి. ఇదంతా మెదడు ఆలోచనతోనే సాధ్యమవుతుంది. ఇలాంటి సమన్వయంతో కూడిన పనులు కంప్యూటర్ పరికరాలకు సాధ్యం కావు. పైగా డిజిటల్ కంప్యూటర్ కన్నా అతి తక్కువ ఇంధనంతో మెదడు ఈ పనులన్నీ చేయిస్తుంది. అందుకే ఈ రెండింటి మధ్య ఖాళీని పూరించటానికి శాస్త్రవేత్తలు, ఇంజినీర్లు దశాబ్దాలుగా కృషి చేస్తున్నారు. మనిషి మెదడుకు సంబంధించిన మరిన్ని గుణాలను కంప్యూటర్ డిజైన్కు ఆపాదించటానికి ప్రయత్నిస్తున్నారు. డీప్ లెర్నింగ్ ఆల్గోరిథమ్లతో కూడిన ఏఐ పరిజ్ఞానాలు ఇలా పుట్టుకొచ్చినవే. క్షీరదాల మెదడులోని దృశ్య, శ్రవణ లంబికల స్ఫూర్తితో రూపొందించిన ఇవి వస్తువులను, మాటలను గుర్తించగలుగుతున్నాయి. ఇప్పుడు వీటి సామర్థ్యాలు పరిమితులను అధిగమిస్తున్నాయి. ఇక్కడే ఆర్గనాయిడ్ ఇంటెలిజెన్స్ ప్రాధాన్యం సంతరిం చుకుంటోంది.
అవయవ ఇంటెలిజెన్స్ అంటే?
గత కొద్ది కాలంగా శాస్త్రవేత్తలు మెదడును పోలిన సూక్ష్మ అవయవాలను (బ్రెయిన్ ఆర్గనాయిడ్స్) వృద్ధి చేయటంపై దృష్టి సారించారు. ఒకరకంగా వీటిని కృత్రిమ మెదడు అవయవాలని అనుకోవచ్చు. ప్రయోగశాలలో మెదడు కణాలతో వీటిని తయారుచేస్తారు. నాడీ కణాలు ఉత్తేజితం కావటం, అనుసంధానాలు ఏర్పడటం వంటి మెదడుకు సంబంధించిన కొన్ని పనులను పరిశీలించటానికివి బాగా ఉపయోగపడతాయి. మందులను అభివృద్ధి చేయటానికి.. పార్కిన్సన్స్, అల్జీమర్స్ వంటి నాడీ సమస్యలు మెదడు మీద ఎలా ప్రభావం చూపుతాయో అర్థం చేసుకోవటానికీ ఉపయోగపడతాయి. అంతేకాదు.. ఇవి బయోకంప్యూటర్లుగా ఉపయోగపడే వీలుండటమూ గమనార్హం. ఇప్పటికే దీనిపై కార్యాచరణ మొదలైంది. గత సంవత్సరం కార్టికల్ ల్యాబ్స్ అనే అంకుర సంస్థ శాస్త్రవేత్తలు మెదడు-ఆర్గనాయిడ్ కంప్యూటర్ను రూపొందించారు. ఇది పాంగ్ వీడియో గేమ్ను ఆడటం నేర్చుకుంది. మరికొందరు శాస్త్రవేత్తలు 2డీ న్యూరాన్ కల్చర్లను కంప్యూటర్ చిప్స్తోనూ అనుసంధానం చేశారు. ఇవన్నీ కేవలం మానవ చర్మకణాలతోనే పుట్టుకురావటం విశేషం. దాతల నుంచి సేకరించిన చర్మ కణాలను కల్చర్ పాత్రలో వేసి వృద్ధి చెందించారు. వీటిని తాము చర్మకణాలనే సంగతిని మరచిపోయేలా చేసి మూలకణాలుగా మార్చారు. ఇలాంటి కణాలు కేశ నాళికలు, కాలేయ కణాలు, నాడీ కణాలు.. ఇలా ఎలాంటి అవయవాల రూపంలోకైనా మారగలవు. వీటికి కొన్ని రసాయనాలను జోడించి, 3డీ మెదడు కణాలుగా వృద్ధి చెందేలా చేయటంలోనూ పరిశోధకులు విజయం సాధించారు. ఇవి క్రమంగా సూక్ష్మ మెదళ్లు(బ్రెయిన్ ఆర్గనాయిడ్స్)గా వృద్ధి చెందాయి. నాడీ కణాల మధ్య అనుసంధానాలకు కారణమయ్యే పోచల (డెండ్రయిట్స్) వంటి భాగాలూ ఏర్పడ్డాయి. దీని ఆధారంగానే 80 మంది ప్రముఖ పరిశోధకులు సూక్ష్మ మెదళ్లను కంప్యూటర్తో సమ్మిళితం చేయటానికి కార్యాచరణను ప్రతిపాదించారు. ఆర్గనాయిడ్ ఇంటెలిజెన్స్కు ఇది పునాది వేసింది. అసంపూర్ణ, విరుద్ధ సమాచారం ఆధారంగా త్వరగా నిర్ణయాలు తీసుకోవటం వంటి మెదడు చేసే కొన్ని పనులకు ఇది ఆస్కారం కలిగిస్తుండటంతో కొత్త ఆశలు రేకెత్తిస్తోంది. దీంతో కంప్యూటర్లు కూడా నిరంతరం నేర్చుకోవటానికి వీలుంటుంది. వీటిని బయోఇంజినీరింగ్, మెషిన్ లెర్నింగ్ వంటి పలు రంగాల్లో వాడుకునేలా మరింత సమర్థంగానూ తీర్చిదిద్దారు. అందుకే ఆర్గనాయిడ్ ఇంటెలిజెన్స్ను భవిష్యత్ తరం కృత్రిమ మేధ కాగలదని భావిస్తున్నారు. కొన్ని సవాళ్లను అధిగమిస్తే త్వరలోనే ఇది సాకరమయ్యేలా కనిపిస్తోంది.
సవాళ్లు ఛేదిస్తే..
ఆర్గనాయిడ్ ఇంటెలిజెన్స్ను కంప్యూటర్లకు జోడించటానికి సాధించాల్సి చాలానే ఉంది. ఎన్నో సవాళ్లను అధిగమించాల్సి ఉంది. ప్రస్తుతం ఈ సూక్ష్మ మెదళ్ల ప్రమాణాలను నిర్ణయించాల్సి ఉంది. వీటికి ఆక్సిజన్, పోషకాల సరఫరా అవసరం. వీటిని వీలైనన్ని ఎక్కువ ఎలక్ట్రోడ్లతో అనుసంధానం చేయాల్సి ఉంది. ఇప్పటి సిలికాన్ ఆధారిత కంప్యూటర్లతో ఆర్గనాయిడ్ మేధ కంప్యూటర్లు పోటీ పడటం ఇప్పుడప్పుడే సాధ్యం కాకపోవచ్చు. అయినప్పటికీ సూక్ష్మ మెదళ్లతో విషయగ్రహణ తీరుతెన్నుల గురించి చాలా నేర్చుకోవచ్చు. మందుల తయారీ, వాతావరణంలో రసాయనాల ప్రతికూల ప్రభావాలను అర్థం చేసుకోవచ్చు. అన్నీ సవ్యంగా కుదిరితే సంప్రదాయ కంప్యూటర్లతో జీవ భాగాలను జోడించటమూ సాధ్యం కావొచ్చని పరిశోధకులు ఆశిస్తున్నారు.
ఇది చాలా పెద్దదిగా చేసిన మెదడు ఆర్గనాయిడ్ ఫొటో. దీన్ని థామస్ హార్టుంగ్స్ ల్యాబ్లో ఉత్పత్తి చేశారు. గులాబీ రంగులో ఉన్నవి నాడీ కణాలు. నీలం రంగులో ఉన్నవేమో కణ కేంద్రకాలు. ఎరుపు, ఆకుపచ్చ వంటి ఇతర రంగుల్లో ఉన్నవి సాయం చేసే కణాలు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్.
తాజా వార్తలు (Latest News)
-
విమానాల్లో 12 ఏళ్లలోపు వారికి తల్లిదండ్రుల పక్కనే సీటివ్వాలి: డీజీసీఏ
-
జగన్పై రాయి దాడి కేసు.. నిందితుడి కస్టడీ పిటిషన్పై తీర్పు వాయిదా
-
కొంతమంది ముంబయి ఆటగాళ్లు రోహిత్ శర్మనే కెప్టెన్ అనుకుంటున్నారు: ఇర్ఫాన్ పఠాన్
-
మాధురి దీక్షిత్తో నటించాలంటే భయమేసింది: మనీషా కొయిరాలా
-
రోహిత్తో ఓపెనింగ్ చేసేది ఎవరు? మీ ఛాయిస్ ఎవరు?
-
యాడ్ సైజ్లోనే ‘క్షమాపణలు’ ప్రచురించారా?.. పతంజలిని ప్రశ్నించిన సుప్రీం