SmartPhone: కొత్త ఫోన్ కొంటున్నారా..? అయితే ఈ ఆరు విషయాలు గుర్తుంచుకోండి!
కొత్త ఫోన్ కొనాలనుకునేవారు ఏయే అంశాలు పరిగణలోకి తీసుకోవాలి, అవసరానికి తగినట్లుగా ఎలాంటి ఫీచర్లున్న మోడల్ను ఎంచుకోవాలనేది తెలుసుకుందాం.
ఇంటర్నెట్డెస్క్: కొత్త ఫోన్ కొనాలనుకునేవారికి ఎన్నో సందేహాలు. ఫోన్లో బ్యాటరీ నుంచి కెమెరా పిక్సెల్, స్క్రీన్ డిస్ప్లే, ర్యామ్ ఇలా ప్రతి అంశాన్నీ పరిగణనలోకి తీసుకుని ఒక మోడల్ను ఎంచుకుంటే అది తమ బడ్జెట్లో రాకపోవచ్చు. దీంతో ఏదో ఒక ఫీచర్ బాగుంటే చాలు అనుకుని ఫోన్ కొనేస్తుంటారు. తర్వాత అది తమ అవసరానికి తగినట్లుగా లేకపోవడంతో నిరుత్సాహానికి గురవుతారు. మరి, స్మార్ట్ఫోన్ కొనేముందు వాటిల్లో మనం చూడాల్సిన ఫీచర్లు ఏమిటి? తదితర వివరాలను తెలుసుకుందాం.
స్మార్ట్ఫోన్ కొనేముందు ముఖ్యంగా ఆరు అంశాల్ని పరిగణలోకి తీసుకోవాలి. డిస్ప్లే, కెమెరా, బ్యాటరీ సామర్థ్యం, ప్రాసెసర్, సాఫ్ట్వేర్ అప్డేట్, డిజైన్. ఒకవేళ మీరు స్మార్ట్ఫోన్తో ఎక్కువ సమయం గడిపేవారయితే స్పీకర్స్, ఫోన్ క్వాలిటీ, స్ల్పాష్ రెసిస్టెంట్ వంటి అంశాల్ని కూడా గుర్తు పెట్టుకోవాలి.
1️⃣ ఎక్కువసేపు ఫోన్లో వీడియోలు చూసేవారైతే అమోలెడ్ డిస్ప్లే, డ్యూయల్ స్పీకర్స్, 3.5 ఎమ్ఎమ్ జాక్ వంటి ఫీచర్లు ఉన్న మోడల్ను ఎంచుకోవడం ఉత్తమం. మొబైల్ గేమింగ్ మీ ప్రాధాన్యమైతే 90 హెర్జ్ లేదా 120 హెర్జ్ రిఫ్రెష్ రేట్తోపాటు 240 హెర్జ్ ఆపై టచ్ శాంప్లింగ్ రేట్ కలిగిన మోడల్స్ మెరుగైన పనితీరును అందిస్తాయి.
2️⃣ ఫోన్ పనితీరు మెరుగ్గా ఉండాలనుకుంటే కొత్త తరం ప్రాసెసర్తో పనిచేసే మోడల్స్వైపు దృష్టిసారించడం మేలు. ఉదాహరణకు ₹ 20 వేలలోపు ధరలో 6 ఎన్ఎమ్ స్నాప్డ్రాగన్ 695 ప్రాసెసర్ కలిగిన ఫోన్లు ఉత్తమమైన పనితీరును అందించడమే కాకుండా తక్కువ బ్యాటరీ ఉపయోగించుకుంటాయని టెక్ నిపుణులు చెబుతున్నారు. దీని వల్ల బ్యాటరీ జీవితకాలం మెరుగవుతుందట. అలానే ఫాస్ట్ ఛార్జింగ్కు సపోర్ట్ చేసే మోడల్స్ను ఎంచుకుంటే, బ్యాటరీ ఛార్జింగ్ చేసే సమయం కూడా తగ్గిపోతుందని సూచిస్తున్నారు.
3️⃣ ప్రపంచంలోనే భారత్ రెండో అతిపెద్ద మొబైల్ మార్కెట్ కావడంతో యూజర్లను ఆకట్టుకునేందుకు కంపెనీలు తక్కువ ధరలో మంచి కెమెరా సామర్థ్యం కలిగిన ఫోన్లను విడుదల చేస్తున్నాయి. అయితే కెమెరా పరంగా ఫోన్ మోడల్ను ఎంచుకునే ముందు మెగాపిక్సెల్ ఎంత? ఎన్ని సెన్సార్లు ఉన్నాయనేది మాత్రమే చూస్తే సరిపోదు. కెమెరా పనితీరు ఎలా ఉంది? వెనుక వైపు కెమెరాల్లో అల్ట్రావైడ్ యాంగిల్ కెమెరా ఉందా? డెప్త్ సెన్సార్ కెమెరా ఇస్తున్నారా? లేదా? వంటి వాటిని కూడా పరిగణనలోకి తీసుకోవాలి.
4️⃣ గూగుల్ గతేడాదే ఆండ్రాయిడ్ 12 ఓఎస్ను విడుదల చేసినప్పటికీ.. 2022లో విడుదలైన చాలా స్మార్ట్ఫోన్ మోడల్స్ ఆండ్రాయిడ్ 11 ఓఎస్తో మార్కెట్లోకి విడుదలయ్యాయి. కొత్తగా ఫోన్ కొనాలనుకునేవారు ఆండ్రాయిడ్ 12 ఓఎస్తో పనిచేస్తున్న మోడల్స్ను ఎంచుకోమని నిపుణులు సూచిస్తున్నారు. దీని వల్ల సెక్యూరిటీ అప్డేట్లతోపాటు, ప్రైవసీ సెట్టింగ్స్ను కూడా యూజర్స్ పొందవచ్చు.
5️⃣ 5జీ సాంకేతికతను యూజర్లకు అందుబాటులోకి తీసుకొచ్చేందుకు సర్వీస్ ప్రొవైడర్ కంపెనీలు ముమ్మర ప్రయత్నాలు చేస్తున్నాయి. గతేడాది నుంచే మొబైల్ తయారీ కంపెనీలు 5జీ సాంకేతికత ఉన్న ఫోన్లను మార్కెట్లోకి విడుదల చేస్తున్నాయి. ఈ నేపథ్యంలో 5జీ నెట్వర్క్ను సపోర్ట్ చేసే మోడల్స్ను ఎంచుకోవడం మేలు.
6️⃣ చివరగా ఫోన్ కొనేముందు గుర్తుంచుకోవాల్సింది.. సర్వీస్ ఎలా ఉంటుందనేది. ఫోన్ కొన్న తర్వాత రిపేర్ అయితే సదరు కంపెనీ సర్వీస్ ఎలా ఉంది? ఫోన్ సమస్యను పరిష్కరించేందుకు ఎన్ని రోజుల సమయం తీసుకుంటున్నారు? సర్వీస్ సెంటర్లు అన్ని చోట్లా అందుబాటులో ఉన్నాయా? లేదా? వంటి వాటిని కూడా పరిగణనలోకి తీసుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో. -
మిమిక్రీ ఇంజిన్!
ప్రముఖ కృత్రిమ మేధ కంపెనీ ఓపెన్ఏఐ తాజాగా వాయిస్ అసిస్టెంట్ రంగంలోకి అడుగుపెట్టింది. ఇందులో భాగంగా వాయిస్ ఇంజిన్ అనే వినూత్న టూల్ను పరిచయం చేసింది. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి. -
ఫొటో అసలుదేనా?
ఆన్లైన్లో ఎన్నో ఫొటోలు. అన్నీ అసలువే కాకపోవచ్చు. కొన్ని నకిలీ ఫొటోలూ ఉండొచ్చు. కృత్రిమ మేధ సృష్టిస్తున్న ఫొటోలతో ఈ బెడద మరింత ఎక్కువైంది కూడా. -
కీబోర్డు మీద వేళ్ల ప్రయాణం!
కీబోర్డు మీద చకచకా టైప్ చేస్తుంటాం గానీ ఆ సమయంలో చేతి వేళ్లు ఎంత దూరం ప్రయాణించాయో ఎప్పుడైనా లెక్కించారా? చేతి వేళ్లు ప్రయాణించటమేంటని అనుకుంటున్నారా? మరేమీ లేదు. -
వినూత్నం మృదు రోబో
ఎటంటే అటు వంగే మృదువైన రోబోల విషయంలో నార్త్ కరోలీనా స్టేట్ యూనివర్సిటీ శాస్త్రవేత్తలు గొప్ప పురోగతిని సాధించారు. ట్విస్టెట్ రింగ్బాట్స్ను రూపొందించి సంచలనం సృష్టించారు. -
ఫోన్ బ్యాటరీ ఎన్నిసార్లు ఛార్జ్ అవుతుంది?
స్మార్ట్ఫోన్ బ్యాటరీ పూర్తిగా.. అంటే 0 నుంచి 100% వరకు ఎన్నిసార్లు ఛార్జ్ అవుతుంది? ఎవరు లెక్కపెట్టొచ్చారని పెదవి విరవకండి. దీని గురించి తెలిస్తే బ్యాటరీ ఎక్కువ కాలం మన్నేలా కాపాడుకోవచ్చు మరి