Updated : 16 Jul 2022 10:46 IST

Android Mobile: ప్లేస్టోర్‌లో మరో మాల్‌వేర్‌ కలకలం.. ఈ యాప్‌లుంటే డిలీట్‌ చేయండి..

ఇంటర్నెట్‌డెస్క్‌: ఆండ్రాయిడ్ యాప్స్‌ (Android Apps)లో మరో మాల్‌వేర్‌ కలకలం రేపుతోంది. ఆటోలికోస్‌ (Autolycos) అనే పేరుతో మరో కొత్త మాల్‌వేర్‌ను ప్లేస్టోర్‌లోని ఎనిమిది ఆండ్రాయిడ్‌ యాప్స్‌లో గుర్తించినట్లు గూగుల్ (Google) వెల్లడించింది. ఈ నేపథ్యంలో యూజర్లకు గూగుల్ హెచ్చరికలు జారీ చేసింది. మాల్‌వేర్‌ ఉన్నట్లు చెబుతున్న యాప్‌లను ప్లేస్టోర్‌ నుంచి నిషేధించినట్లు తెలిపింది. ఇప్పటికే ఈ యాప్‌లను 30 లక్షల మందిపైగా డౌన్‌లోడ్ చేసుకున్నట్లు గుర్తించామని, వారంతా వెంటనే వాటిని డిలీట్ చేయాలని సూచించింది. రివైవె (Revive), బ్రాటా (Brata) వంటి బ్యాంకింగ్ మాల్‌వేర్‌ల తర్వాత ఆండ్రాయిడ్లో అత్యంత ప్రమాదకరమైన మాల్‌వేర్‌గా సైబర్‌ సెక్యూరిటీ నిపుణులు వీటిని అభివర్ణిస్తున్నారు.

ఆండ్రాయిడ్ యూజర్లు ఈ యాప్‌లను ఇన్‌స్టాల్‌ చేసుకున్న తర్వాత మాల్‌వేర్ ఫోన్‌లోని ఎస్సెమ్మెస్‌లు, ఇతర మెసేజ్‌లను చదివేందుకు అనుమతి కోరుతుంది. తర్వాత వాటిలోని సమాచారంతో యూజర్‌కు నకిలీ యూఆర్‌ఎల్‌తో కూడిన మెసేజ్‌లను పంపుతుంది. యూజర్‌ వాటిపై క్లిక్ చేసిన వెంటనే ప్రీమియం సర్వీసులు సబ్‌స్క్రైబ్ చేస్తుంది. దీంతో యూజర్‌ ప్రమేయం లేకుండా వారి ఖాతాల నుంచి నగదు హ్యాకర్స్‌ ఖాతాలను బదిలీ అవుతుందని సైబర్‌ సెక్యూరిటీ సంస్థలు తెలిపాయి. గూగుల్ ఈ యాప్‌లను నిషేధించినప్పటికీ.. వీటిలో రెండు యాప్‌లు ఇప్పటికీ ప్లేస్టోర్‌లో అందుబాటులో ఉన్నట్లు సమాచారం.

  • వ్లోగ్‌ స్టార్‌ వీడియో ఎడిటర్‌ (Vlog Star Video Editor -  com.vlog.star.video.editor)
  • క్రియేటివ్‌ 3డీ లాంచర్ (Creative 3D Launcher -  app.launcher.creative3d)
  • వావ్‌ బ్యూటీ కెమెరా (Wow Beauty Camera - com.wowbeauty.camera)
  • గిఫ్‌ ఎమోజీ కీబోర్డ్‌ (Gif Emoji Keyboard - com.gif.emoji.keyboard)
  • ఫ్రీగ్లో కెమెరా 1.0.0 (Freeglow Camera 1.0.0 - com.glow.camera.open)
  • కోకో కెమెరా వీ1.1 (Coco Camera V1.1 -  com.toomore.cool.camera)
  • రేజర్‌ కీబోర్డ్‌ (Razer keyboard &Theme by rxcheldiolola)
  • ఫన్నీ కెమెరా (Funny Camera by Kelly Tech)

ఈ జాబితాలో చివరి రెండు యాప్‌లు ఇప్పటికీ ప్లేస్టోర్‌లో అందుబాటులో ఉన్నట్లు సైబర్‌ సెక్యూరిటీ సంస్థలు చెబుతున్నాయి. యూజర్లు వీటితో అప్రమత్తంగా ఉండాలని సూచించాయి.

Read latest Technology News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts