Apple Updates: ఎస్‌ఈ ఫోన్‌ ధర పెంచేసిన యాపిల్‌.. వచ్చేవారంలో కొత్త ఐపాడ్‌ విడుదల!

యాపిల్ కంపెనీ ఐఫోన్ ఎస్‌ఈ మోడల్‌ ధరన పెంచింది. దీంతో ధర పరంగా ఎస్‌ఈ మోడల్‌ ఆండ్రాయిడ్ ఫ్లాగ్‌షిప్‌ ఫోన్లను దాటేసింది. త్వరలోనే యాపిల్‌ కంపెనీ కొత్త ఉత్పత్తులను భారత మార్కెట్లోకి విడుదల చేయనుంది. వాటి వివరాలివే.  

Updated : 17 Oct 2022 12:50 IST

ఇంటర్నెట్‌ డెస్క్‌: ఐఫోన్ సిరీస్‌లో బడ్జెట్‌ మోడల్‌గా చెప్పుకునే ఎస్‌ఈ 2022 ఫోన్‌ మరింత ప్రియం కానుంది. మరోవైపు, యాపిల్ కంపెనీ రెండు కొత్త ఉత్పత్తులను త్వరలో మార్కెట్లోకి విడుదల చేయనుంది. ఇంతకీ, యాపిల్ ఐఫోన్ ఎస్‌ఈ ధరను ఎందుకు పెంచింది? కొత్తగా రాబోమే రెండు డివైజ్‌ల వివరాలేంటో చూద్దాం. 


ఐఫోన్ ఎస్‌ఈ 2022 (iPhone SE 2022)

యాపిల్ కంపెనీ ఐఫోన్ ఎస్‌ఈ 2022/ఎస్‌ఈ 3 (iPhone SE) మోడల్‌ ధరను భారత మార్కెట్లో ₹ 6వేలు పెంచింది. ఇప్పటి వరకు ఈ ఫోన్‌ ధర ₹ 43,900గా ఉంది. తాజా పెంపుతో  ₹ 49,900కు చేరుకుంది. ఒక్కసారిగా  ₹ 6వేల ధర ఎందుకు పెంచారనే దానిపై యాపిల్ కంపెనీ ఎలాంటి ప్రకటన చేయలేదు. దీంతో ధర పరంగా ఎస్‌ఈ 3,  ఆండ్రాయిడ్ ఫ్లాగ్‌షిప్‌ ఫోన్లలను దాటేసింది. ఐఫోన్ సిరీస్‌లో 5జీ సాంకేతికతను సపోర్ట్ చేసే ఏకైక బడ్జెట్‌ మోడల్‌ ఎస్‌ఈ 3. తాజాగా, భారత్‌లోని ప్రధాన నగరాల్లో 5జీ నెట్‌వర్క్‌ అందుబాటులోకి వచ్చిన నేపథ్యంలో ఎస్‌ఈ 3 ధర పెంపు టెక్‌ వర్గాల్లో చర్చనీయాశంగా మారింది. ఈ ఫోన్‌లో ఏ15 బయోనిక్‌ ప్రాసెసర్‌ ఉపయోగించారు. 4.7 అంగుళాల డిస్‌ప్లే ఇస్తున్నారు. వెనుక 12 ఎంపీ, ముందు 7 ఎంపీ కెమెరాలున్నాయి. 


యాపిల్ డాక్‌ (Apple Dock)

అమెజాన్‌ ఈకో షో తరహాలో యాపిల్ కొత్త డాక్‌ను తీసుకురానుంది. యాపిల్ కొత్తగా తీసుకొస్తున్న ఈ డాక్‌ను యూజర్‌ తన అవసరానికి తగినట్లుగా స్మార్ట్‌ డిస్‌ప్లే, స్పీకర్‌గా మార్చుకోవచ్చు. దీంతో యూజర్లు ఫేస్‌టైమ్‌ ద్వారా కాల్స్‌ మాట్లాడటంతోపాటు, స్మార్ట్‌హోమ్‌ డివైజ్‌లను కంట్రోల్ చేయొచ్చని సమాచారం. దీంతోపాటు మల్టీటచ్‌ ఫంక్షనాలిటీతో హోమ్‌పాడ్‌ మినీ (HomePod Mini)ని తీసుకొస్తుందట. 


యాపిల్ ఐపాడ్ (Apple iPad)

యాపిల్ కంపెనీ ఐపాడ్‌ సిరీస్‌లో పదో జనరేషన్ మోడల్‌ను రెండు కొత్త వేరియంట్లలో అక్టోబరు 24న విడుదల చేయనున్నట్లు సమాచారం. ఐపాడ్‌, ఐపాడ్‌ ప్రో పేరుతో వీటిని పరిచయం చేస్తోంది. ఐపాడ్‌లో 11 అంగుళాల డిస్‌ప్లే, ఐపాడ్ ప్రోలో 12.9 అంగుళాల డిస్‌ప్లే ఇస్తున్నారు. ఐపాడ్ ఓఎస్‌ 16.1తో ఇవి పనిచేస్తాయి. యాపిల్ ఎమ్‌2 ప్రాసెసర్‌ను వీటిలో ఉపయోగించారు. యూఎస్‌బీ-సీ, 5జీ కనెక్టివిటీ ఫీచర్లు ఇస్తున్నారు. 

Read latest Technology News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని