SmartPhones: ప్రీమియం శ్రేణిలో ఆసుస్‌.. బడ్జెట్‌ కేటగిరీలో పోకో కొత్త మోడల్‌

ఇంటర్నెట్‌ డెస్క్‌: ఆసుస్‌, పోకో కంపెనీలు కొత్త మోడల్‌ ఫోన్లను భారత మార్కెట్లో విడుదల చేశాయి. ఆసుస్‌ 8జెడ్‌ మోడల్‌ను, పోకో ఎం4 ప్రో  మోడల్‌ను విడుదల చేశాయి. మరి ఈ ఫోన్లలో ఎలాంటి ఫీచర్లు ఉన్నాయి? ధరెంత? 

ఆసుస్‌ 8జెడ్‌ సిరీస్‌: ఈ ఫోన్‌లో 120 హెర్జ్ రిఫ్రెష్‌ రేట్‌తో 5.9 అంగుళాల డిస్‌ప్లేతో వస్తోంది. ఆండ్రాయిడ్ 11 ఆధారిత జెన్‌యూఐ 8 ఓఎస్‌తో పనిచేస్తుంది. 4,000 ఎంఏహెచ్‌ బ్యాటరీ, 30 వాట్‌ ఫాస్ట్‌ ఛార్జింగ్‌కు సపోర్ట్ చేస్తుంది. ఈ ఫోన్‌లో డ్యుయెల్ స్టీరియో స్పీకర్స్, హెడ్ ఫోన్ జాక్, బ్లూటూత్ 5.2, ఎన్ఎఫ్‌సీ, వైఫై 6ఈ ఫీచర్స్‌ ఉన్నాయి.  మార్చి 7 నుంచి ఫ్లిప్‌కార్ట్‌లో అమ్మకాలు ప్రారంభంకానున్నాయి. 

పోకో ఎమ్‌4 ప్రో: ఈ ఫోన్ ఆండ్రాయిడ్ 11 ఆధారిత MIUI 13 ఓఎస్‌తో పనిచేస్తుంది. 90 హెర్జ్‌ రిఫ్రెష్‌ రేట్‌తో 6.43 అంగుళాల ఫుల్‌హెచ్‌డీ+ అమోలెడ్‌ డిస్‌ప్లే ఇస్తున్నారు. మీడియాటెక్‌ హీలియో జీ96  ప్రాసెసర్‌ను ఉపయోగించారు. ఇందులో లిక్విడ్ కూల్‌ టెక్నాలజీ 1.0 ఉంది. పోకో ఎమ్‌4 ప్రో లో మొత్తం నాలుగు కెమెరాలున్నాయి. వెనుక 64 ఎంపీ ప్రైమరీ కెమెరాతోపాటు 8 ఎంపీ అల్ట్రా-వైడ్‌ యాంగిల్‌, 2  ఎంపీ కెమెరా ఇస్తున్నారు. ముందుభాగంలో 16 ఎంపీ సెల్ఫీ కెమెరా అమర్చారు. 5,000 ఎంఏహెచ్‌ బ్యాటరీ ఉంది. ఇది 33 వాట్ ఫాస్ట్‌ ఛార్జింగ్‌కు సపోర్ట్ చేస్తుంది. మూడు వేరియంట్లలో ఈ ఫోన్‌ను లభిస్తుంది. 6 జీబీ ర్యామ్‌/64 జీబీ స్టోరేజ్‌ వేరియంట్‌ ధర రూ. 14,999. 6 జీబీ ర్యామ్‌/128 జీబీ ధర రూ. 16,499. 8 జీబీ ర్యామ్‌/256 జీబీ ధర రూ. 17,999. మార్చి 7 నుంచి ఫ్లిప్‌కార్ట్‌ ద్వారా కొనుగోలు చేయొచ్చు.