Insta Tips: గంటా.. రెండు గంటలా..! ఇన్‌స్టాలో మీరు గడిపేదెంత..?

ఇంటర్నెట్‌ డెస్క్: సామాజిక మాధ్యమాల్లో ఇప్పుడు ట్రెండంతా ‘ఇన్‌స్టాగ్రామ్’దే. మరి ఇన్‌స్టాలో మీరు రోజు ఎంతసేపు గడుపుతున్నారు..? గంటా.. రెండు గంటలా.. లేదా అంతకుమించా..?ఎప్పుడైనా దీని గురించి ఆలోచించారా..! అయితే, ఇన్‌స్టాలో రోజు ఎంత సమయం వెచ్చిస్తున్నారో ఇలా తెలుసుకోండి..

* తొలుత ఇన్‌స్టా ఖాతాలో మీ ప్రొఫైల్‌లో ఓపెన్‌ చేయండి.

* తర్వాత పైనే ఉన్న మెనూ బార్‌ ఓపెన్‌ చేసి.. యాక్టివిటీ (Your activity) ఆప్షన్‌పై క్లిక్‌ చేయండి

* అంతే మీరు రోజు వారీగా మొత్తం వారంలో ఇన్‌స్టాగ్రామ్‌ను ఎంతసేపు వినియోగించారో వివరాలు తెలుసుకోవచ్చు. 

* మరోవైపు కిందనే ఉన్న ‘సెట్ డైలీ రిమైండర్‌ (set daily reminder)’ ఫీచర్‌ను ఉపయోగించి రోజు ఇన్‌స్టాను ఎంతసేపు వాడాలనుకుంటున్నారో టైమ్‌ను సెట్‌ చేసుకోవచ్చు. తద్వారా మీరు కేటాయించిన సమయం ముగియగానే యూజర్లను ఇన్‌స్టా అప్రమత్తం చేస్తుంది. 

సరికొత్త ఫీచర్ ‘టేక్‌ ఏ బ్రేక్’

ఇదిలాఉంటే ఇన్‌స్టా ఇటీవల కీలక నిర్ణయం తీసుకుంది. యువత ఎక్కువ సమయం ఇన్‌స్టాలో గడపకుండా ఉండేందుకు ‘టేక్‌ ఏ బ్రేక్’ (Take A Break)పేరుతో సరికొత్త ఫీచర్‌ను తీసుకొచ్చింది. ఈ ఫీచర్‌తో యూజర్స్ ఇన్‌స్టాగ్రామ్‌ వినియోగం నుంచి విరామం తీసుకుని కొంత సమయం తర్వాత తిరిగి ఉపయోగించుకునే వెసులుబాటు కల్పిస్తుంది. ఈ మేరకు వినియోగదారులు ఎక్కువ సమయం ఇన్‌స్టాగ్రామ్‌ చూస్తున్నట్లయితే ఫోన్‌ స్క్రీన్‌పైన టేక్‌ ఏ బ్రేక్‌ అంటూ పాప్‌-అప్‌ మెసేజ్‌ వస్తుంది. దానిపై క్లిక్ చేస్తే ఎంత సమయం బ్రేక్ తీసుకోవాలనే దానికి సంబంధించి టైమ్‌ పరిమితులు కనిపిస్తాయి.